Un memoria demasiado costoso pa lubida, lubida lo costa nos tur

April 14, 2026

Mientras discusionnan ta sigui den Parlamento, un mensahe ta Sali na cla:

Aruba no por lubida kico nos pueblo a pasa aden den 2022 pa 2024.

E añanan ey no tabata facil.

Despues cu Aruba a logra sali for di e crisis di COVID-19, y cu cosnan tabata

mehorando, hasta bon den cierto area, e pueblo ainda no a sinti e alivio cu

nan merece. En bes cu e momento di recuperacion a wordo usa pa fortalece

e situacion di nos famianan, nan a sinti mas peso riba nan lomba.

Medidanan a sigui wordo introduci door di e gobierno cu na e momento ey

tabata na mando. Y como consecuencia cu costo di bida a sigui subi. E peso?

E peso a wordo carga door di nos pueblo, e mesun pueblo cu gobierno

mester a proteha.

Nos adulto mayornan, cu a traha duru pa construi nos pais, a haya nan mes

luchando pa haya acceso na medicinanan esencial via AZV. Pa hopi, cuido

medico no tabata un derecho mas, sino un reto. Den un momento cu

compasion tabata mas necesario, hopi a hanja nan mes ta lucha pa nan

siguridad.

E maneho di gobernacion di 2022-2024, post-COVID, a mustra falta di

creatividad y vision. En bes di inverti den hende, crea oportunidad y forma

un pais resiliente, e maneho tabata uno di austeridad. E pregunta importante

cu pueblo mester realisa ta: na ki costo a logra un surplus?

A ser crea un surplus sin inversion den calidad di bida.

Un surplus sin inversion den deporte, den salud mental, den nos hobennan,

ni den nos comunidad.

Un surplus cu constantemente ta ser menciona pero cu no a traduci den

bienestar real pa e pueblo.

Y awor, cu mundo ta enfrenta incertidumbre geopolitico, cu ta empuha prijs

di petroleo y productonan, e diferencia den liderazgo ta bira evidente.

E gobierno actual ta mustra liderazgo di berdad.

For di dia e gobierno actual a cuminsa goberna, e gobierno a duna sosten na

nos adultonan mayor pa yudanan cu e costo di bida. A restitui acceso na

remedinan via AZV. A logra reconoce nos docentenan cu un aumento

despues di mas cu 30 aña. Ta invertiendo den nos hobennan. Y en bes di a

pasa henter e peso di shock externo riba e pueblo, tin accion pa absorbe

parti di e presion ey. No ta sutando e pueblo cu medida, pero ta guiando e

pais cu responsabilidad.

Esaki ta liderazgo.

Nos ta tende e mesun mensahe aki cla y alivia for di comunidad: pueblo ta

sinti e diferencia. Nan ta mira e esfuerzo, nan ta aprecia e direccion, y nan ta

expresa cu nan ta contento cu e manera cu e gobierno actual ta maneha e

pais den momento dificil.

Esaki ta liderazgo.

Como voz di pueblo, nos ta bisa cla: nos no ta contra critica. Critica

constructivo ta necesario. Pero nos no ta permiti historia wordo cambia

mucho menos lubida.

E sufrimento di nos pueblo no ta punto politico. Ta realidad biba.

Liderazgo no ta midi solamente cu cifranan, pero cu bida di hende tras di e

cifranan. Gobernacion ta pidi empatia, innovacion y corahe.

Y pueblo di Aruba merece e mihor……… Semper!

Mientras nos ta sigui traha pa un pais mas fuerte, e mensahe ta cla:

Nunca mas progreso riba custia di pueblo.

Nunca mas resiliencia basa riba sufrimento di pueblo.

Nunca mas cu MEP!

Semper cu Amor y Respet,

Ruthlyn Lindor MSc.

Aeropuerto di Corsou evacua tras menasa di bom Turista perde su bida den incidente na lama na Mangel Halto

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional