Prome Minister Mike Eman den entrevista: Un aña di gobernacion cu enfoke riba impacto real

April 07, 2026

Den entrevista na media local, Prome Minister Mike Eman a comparti su reflexion riba e prome aña di gobernacion di Gabinete di Coalicion AVP–Futuro.

Eman a describi e formacion di e gobierno di coalicion como un proceso intenso pero valioso. Segun Eman, forma un coalicion no ta facil, pero e proceso a resulta den un bon entendimento entre partidonan, cu claridad riba prioridadnan y respet mutuo, factornan cu ta contribui na stabilidad di gobierno.

Un di e logronan mas importante, segun Eman, ta e cambio fundamental den e forma di gobernacion. E enfoke a cambia di, solamente wak cifranan macroeconomico pa, enfoca riba impacto real den bida diario di ciudadanonan. Premier Eman a señala cu entre 2017 y 2024, poder di compra a baha, creando un distancia entre gobierno y pueblo.

Pa reduci e gap aki, gobierno a enfoca riba e grupo mas vulnerabel, cu ta representa casi 50% di e poblacion. Un di e prome medidanan tabata e aumento inmediato di pensioen pa pensionadonan, implementa dia 28 di maart, cu meta di duna alivio financiero directo.

Eman a splica cu e promesa di aumento di pensioen, ahusta pa enfoca riba poder di compra real, en bes di porcentahe so. El a expresa satisfaccion cu gobierno a logra ehecuta gran parti di e promesanan den e prome aña, apesar di presionnan economico internacional.

Ademas di pensionadonan, Eman a destaca un otro grupo vulnerabel: esnan cu ta depende di asistencia social (bijstand), particularmente mamanan soltero cu ta confronta retonan financiero grandi. Gobierno a implementa medidanan concreto manera aumento di sosten pa gastonan di scol, material escolar y asistencia basico, pa asina duna mas alivio y mehora calidad di bida.

Relaciona cu esaki, gobierno ta trahando riba un sistema unda salario minimo gradualmente ta alcansa e nivel di subsistencia durante un periodo di tres aña, den colaboracion cu sector priva y gremionan comercial. E meta ta pa sigura cu trahadonan no ta keda bou di e nivel basico di bida, manteniendo na mes momento un balansa cu sostenibilidad di negoshinan, specialmente e empresa chikito.

Un otro tema importante ta limpiesa y maneho di desperdicio den bario. Segun Eman, e costo actual di disposicion di sushi ta contribui na dump ilegal, creando problemanan di higiena y impacto negativo riba comunidad.

Como solucion, gobierno ta trahando riba establecimento di punto permanente rond di Aruba, unda ciudadanonan por deshaci di nan sushi gratis, cu supervision y infrastructura adecua. E meta ta reduci dump ilegal y mehora limpiesa di bario, como un responsabilidad comparti entre gobierno y comunidad.

Finalmente, Eman a subraya cu, apesar di diferencianan politico, ta importante pa no perde di bista e aspecto humano. Respet pa trayectoria, sacrificio y compromiso di esnan cu a dedica nan bida na servicio publico ta esencial pa un sistema politico balansa.

E vision general di gobierno ta enfoca riba gobernacion cerca na pueblo, desaroyo sostenibel y un distribucion mas husto di prosperidad, unda progreso economico ta traduci den miho calidad di bida pa tur ciudadano.

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional