Restauracion di Toren Willem III ta marca un capitulo nobo den Herencia Cultural di Aruba

March 22, 2026

Proyecto financia pa De Nederlandsche Bank

Fundacion Museo Arubano cu orguyo ta anuncia e lansamento di un proyecto importante pa restaura y revitalisa Fort Zoutman y Toren Willem III, e edificio monumental y historico mas bieu di Aruba. E proyecto aki, cu ta financia pa De Nederlandsche Bank (DNB), ta refleha un compromiso renova cu e preservacion di herencia di Aruba, y tambe cu e desaroyo di conocemento historico y educacion inclusivo pa tur hende.

E forti, construi den 1798, ta e edificio mas bieu cu ainda ta para na Oranjestad, y ta un simbolo fuerte di nos historia colonial y maritimo. E toren, agrega den 1868, a sirbi como faro y toren di vigilancia pa e waf. Hunto nan ta forma e cas di Museo Historico di Aruba un punto importante den nos identidad nacional y un espacio pa refleccion historico.

Ta importante pa menciona cu e edificio aki ta directamente conecta cu e historia comparti den Reino Hulandes, incluyendo su rol den e sistema colonial durante e periodo di sclavitud transatlantico. Na mes momento, e edificio aki tin un rol signifiactivo den comunidad Arubano como un centro cultural historico cu a contribui na e desaroyo artistico, social y cultural di nos isla.

Mescos cu historia di Aruba, e edificio aki tambe ta conta un storia di resiliencia; forma pa medio di opresion, pero apropia, carga y duna un significado nobo pa un pueblo cu a forma su propio futuro. E restauracion y revitalisacion di e cas di Museo Historico ta representa un oportunidad importante pa trata e historia comparti di forma habri y cu respet. E proyecto, cu lo dura aproximadamente 6 te 9 luna, ta inclui tres componente principal:

Restauracion di e Monumentonan

Trabounan structural lo wordo ehecuta pa garantisa cu e monumentonan keda preserva, sigur y accesibel pa futuro, respetando nan balor historico y arquitectonico.

Programanan Educativo y di Concientisacion riba e tematica di historia comparti di sclavitud transatlantico.

Programanan educativo lo wordo desaroya pa fomenta interes y participacion di pueblo Arubano, especialmente e hobennan den e importancia historico y cultural di e tematico y sitio. Esaki lo inclui bishitannan guia, colaboracion cu scolnan y campañanan pa eleva conocemento di nos herencia.

Exposicion nobo riba historia comparti di Sclavitud Transatlantico

Un exposicion nobo, profundo y impactante lo mustra e legado compleho di sclavitud y colonialismo den Reino Hulandes, usando artefactonan y expresion creativo pa inspira dialogo, refleccion y buskeda di husticia historico.

“E proyecto aki ta ensera mas cu un restauracion di piedra — e ta un reconocemento y reclamacion di nos historia,” segun Ghislaine Winterdaal, Presidente di Directiva di Fundacion Museo Arubano. “Nos ta sinti nos honra pa lidera e trabou importante aki, y nos ta sumamente agradeci cu De Nederlandsche Bank pa su apoyo den un proyecto cu ta pone refleccion, educacion y husticia historico central.”

E proyecto ta forma parti di un mision mas amplio pa transforma Museo Historico di Aruba den un centro cultural bibo, dinamico y inclusivo — unda historia ta wordo preserva, conta y duna significado profundo pa e generacionnan di awe y mañan.

Actualisacionnan tocante e progreso di e restauracion, y lansamento di e programanan y exposicion, lo wordo publica via e canalnan oficial di Fundacion Museo Arubano.

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional