Minister Geoffrey Wever: Gobierno ta fortalece posicion financiero di Aruba y ta busca reduccion structural di tasa di interes riba mercado internacional

April 01, 2026

Minister di Finansa, Asunto Economico y Sector Primario, mr. Minister Geoffrey Wever, ta confirma cu Aruba a logra un progreso significativo den reduccion di su debe nacional, un bahada for di aproximadamente 127% di BNP durante periodo di COVID pa casi 64% na final di 2025. E resultado aki ta pone Aruba hopi adelanta den e trayecto pa logra e norma di debe di 50% manera stipula den LAft, incluso pa logra esaki prome cu 2040.

E progreso aki ta confirma cu e rumbo di disciplina fiscal, maneho responsabel di finansa publico y crecemento economico duradero ta duna resultado concreto, conforme e direccion strategico fiha den e Programa di Gobernacion AVP-FUTURO 2025-2028.

Sinembargo, Minister Wever ta enfatisa cu e reto principal awor ta e tasa di interes riba e debe existente.

“Nos a logra baha e debe den un forma consistente, pero e tasa di interes ta sigui pesa hopi riba nos presupuesto. Esaki ta recursonan cu por a wordo inverti den bienestar di nos ciudadanonan. P’e motibo ey nos tin cu traha pa reduci e costo di financiamento,” asina minister Wever a declara.

Den e contexto aki, recientemente un delegacion di Aruba a conduci un serie intensivo di mas cu binti reunion cu institucionnan financiero internacional na New York, London y Amsterdam. E conversacionnan a inclui inversionistanan institucional, bancanan di inversion, asesornan legal y contacto diplomatico cu historicamente a mantene relacion cu Aruba. Na New York e delegacion di Aruba e ser acompaña pa Sr. Dustin Ling, cu ta un Arubiano biba na New York y ta e Director di Global Public Sector Coverage di Citi. Y na Amsterdam e delegacion a ser acompaña pa Sr. Alexander Wix, un otro Arubiano ehecutivo di Citi Amsterdam. Na e encuentro na Amsterdam nos Minster Plenipotenciario, Sra. Milly Schwengle tambe a compaña e delegacion di Aruba.

“Tabata un agenda exigente, pero strategico. Nos a papia cu mas cu binti inversionista institucional y tambe cu expertonan financiero y legal. Esakinan

ta pasonan concreto cu nos ta tuma pa fortalece confianza y explora oportunidadnan real pa reduci interes,” minister Wever a indica.

E enfoke di gobierno ta basa riba un analisis profundo di e structura di debe di Aruba, cu ta consisti di diferente tipo di prestamo cu cada un tin su propio condicionnan y cuadro huridico. Esaki ta rekiri un maneho adecua pa logra resultado efectivo.

Den e cuadro di cooperacion cu Reino Hulandes, e concepto di ley HOFA ta presenta oportunidadnan concreto pa logra reduccion significativo di interes riba ciertonan debe cu Hulanda, incluyendo un tratamento especial pa un grupo specifico di prestamonan internacional. Sinembargo, no tur debe di Aruba ta cay bou di e mecanismo aki, loke ta nifica cu gobierno mester sigui haci esfuerso riba mercado comercial pa logra baha e interes.

“Nos strategia no ta limita su mes na reduccion di debe. Berdad esey ta un punto importante, pero nos ta limita den instrumentonan disponibel pa influencia interes riba debe comercial. P’e motibo ey, nos ta enfoca tambe riba fortalece nos resultado economico, nos credibilidad financiero y nos perspectiva di crecemento,” minister Wever a splica.

E resultado di e strategia aki ta visibel. Durante e prome lunanan di 2026, Aruba a ricibi evaluacion di agencianan internacional manera Fitch, Standard & Poor’s y Moody’s, sin ningun indicacion cu Aruba lo perde su posicion fuerte di “investment grade”.

Gobierno ta mantene un maneho di transparencia y comunicacion continuo cu mercado financiero internacional, incluyendo publicacion regular di rapportahe (URK) pa Parlamento y CAft, y asina mantene dialogo directo cu inversionistanan.

“Transparencia y consistencia ta clave pa confiansa. Pero e contacto personal riba nivel halto ta igualmente importante. Nos a inverti den e relacionnan aki e siman pasa, y esey ta produci resultado,” minister Wever a añadi.

Un punto importante di e mision reciente tabata amplia e base di inversionistanan. Na Estados Unidos, nuebe inversionista nobo a wordo aborda, mientras cu na Europa a logra contacto cu siete grupo nobo y tres inversionista cu a participa anteriormente. Particularmente riba mercado europeo, unda Aruba ainda ta

relativamente desconoci, a haci esfuerzo pa posiciona Aruba como un producto financiero atractivo.

Na Amsterdam, cu apoyo di CITI, a organiza un reunion cu un grupo selecto di lidernan di industria, incluyendo bankero, abogado y influensador economico. E delegacion a conta cu e sosten di e Minister Plenipotenciario di Aruba.

“Si Aruba wordo evalua puramente riba su fundamentonan economico y financiero, e cuadro cu ta surgi ta positivo y prometedor. Nos a logra pone e informacion correcto dilanti di e personanan correcto, y mi tin confiansa cu cu un enfoke renoba, nos lo logra resultado mas faborabel pa nos pais,” minister Wever a conclui.

Cu e combinacion di disciplina fiscal, diplomacia financiero y posicionamento strategico den mercado internacional, gobierno ta sigui traha cu determinacion pa reduci e peso di interes, fortalece finansa publico y crea mas espacio pa inversion den futuro di Aruba.

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional