Buki di Julien Ignacio ta representa un gran aporte na literatura y enseñanza local

March 16, 2026

Un momento hopi special tuma luga siman pasa; esey tabata e lansamento oficial di e buki y audio buki [1] ‘Radio Gaga: Un Storia Rubiano’. Esaki ta e creacion di Stichting Dakota den colaboracion cu[2] diferente figura y institucion cu e proposito di converti den un contribucion valioso pa literatura y educacion riba nos isla.

‘Radio Gaga’ ta origina for di e novela Hulandes "Goudjakhals" di e autor premia Julien Ignacio[3] , un yiu di tera. E storia di Ma Mercedes, un mama color scur y analfabeto, cu tin un rumshop na San Nicolas na 1983[4] . E ta traha duro pa sostene su famia, pero su preocupacion principal ta su yiu homber cu a bay Hulanda pa studia y kisas lo no bolbe nunca.

E storia ta ilustra e dolor di e diaspora Arubano: famianan cu ta perde nan yiunan den buskeda di miho bida. Ma Mercedes ta inspira pa Ignacio su wela: Hilina Petronia Lucas[5] Ignacio, famoso pa su pastechi y johnny cakes cu e tabata bende for di su cas[6] [7] na Dakota.

Tin poco texto literario na Papiamento y menos ainda cu ta tuma luga na Aruba. Radio Gaga ta un excepcion: un storia di calidad, historicamente investiga, cu ta pasa den un periodo formativo di nos historia – e caminda pa Status Aparte y e desaroyo di identidad Arubano.

Fundacion Dakota ta organiza proyectonan cultural y educativo pa traha brug entre Caribe Hulandes y e diaspora na Hulanda. Nan ta convenci cu mester a trece e storia di Radio Gaga bek Aruba y mester ta lesabel na nos idioma. [8] P’esey nan a laga tradcui na Papiamento door di Dr. Joyce Pereira.

E ta un proyecto dirigi na tur Arubiano, pero specificamente na hubentud cu nan mes un dia, por ta, lo bandona Aruba pa studia afo. Tin mayor cu lo reconoce nan mes den Ma Mercedes y pa personanan analfabeto por volg e storia via un audioboek. Ta trata di un edicion cu un portada ilustra pa [9] Kim Violenes, cu introducción di shamila Croes y nota di Wim Rutgers. [10]

E buki ta obtenibel na librerianan. E audiobuki ta e resultado di un colaboracion unico entre Biblioteca Nacional Aruba (BNA) y 12 studiante di Colegio Arubano. Bou e guia di nan docente di Papiamento, Brandon Figaroa, e 12 stem aki a duna bida na e storia Arubiano aki. E audiobuki lo ta obtenibel riba e website di BNA y coleccion.aw di Archivo Nacional Aruba.

Un total di 310 copia di e buki pa bay pa e studiantenan di Colegio Arubano di e aña aki. E obhetivo ta pa, a traves di e buki, studiantenan investiga historia local, entrevista nan propio mayor y welonan pa descubri nan storia di origen y conexion cu Aruba. Fuera di Colegio Arubano, varios otro scol, incluyendo Filomena College, EPB Pariba, Mon Plaisir HAVO/VWO y Colegio San Antonio, tambe a expresa [11] nan interes pa implementa e Proyecto Radio Gaga den nan curiculo.

Durante e lansamento, diahuebs 12 di maart ultimo, [12] publico a atende na auditorio di Biblioteca Nacional Aruba na Oranjestad, un bunita programa prepara cu presencia di tur stakeholder, incluyendo Julien Ignacio mes for di Hulanda[13] , kende a firma buki pa tur presente. Tabatin tambe oportunidad di participa den un exhibicion interactivo ’Un Storia Rubiano’.

E obhetivonan di e proyecto aki ta pa promove Papiamento y fomenta lectura, conscientisa hubentud tocante historia y identidad Arubano, inicia combersacion intergeneracional riba migracion y diaspora, restaura orguyo den idioma y historia propio y fortalece brug entre diaspora na Hulanda y Aruba.

E proyecto aki ta un realidad danki na e patrocinio di Cultuurfonds Caribisch Gebied y Literatuur Caribe[14] (Nederlands Letterenfonds)[15] . Danki special na Joe Fortin, Ramon Todd Dandaré, Olga Buckley y Stichting Rancho.

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional