Gobierno ta reafirma su compromiso cu Baki den Bario pa un Aruba mas limpi

March 05, 2026

E obhetivo principal tras di cada edicion di Baki den Bario ta pa sigui fortalece e compromiso pa un isla limpi y bunita pa biba riba dje, ta locual cu Prome Minister di Aruba Mike Eman ta indica. Cu e prome edicion pa 2026 na Tanki Leendert, Gobierno y partnernan ta reafirma nan dedicacion pa sirbi comunidad y facilita un solucion duradero pa maneho di sushi.

Prome “Baki den Bario” pa 2026 lo tuma lugar diasabra awor 7 di Maart na e bario di Tanki Leendert, riba un tereno cu ta keda net patras di Colegio Ora Ubao. Pa esnan cu no ta sigur con pa yega, por dirigi na Tur Dia Supermarket of Parokia San Pablo II y sigui e caminda cu ta pasa patras di nan.

E iniciativa aki di Prome Minister Mike Eman a haya un bon reaccion durante 2025, e ta un esfuerso conhunto entre Serlimar, City Inspector, DOW, Compania Carenza y otro interesadonan. E meta ta pa brinda comunidad un manera practico, accesibel y organisa pa deshaci di sushi y desperdicio voluminoso.

Durante e anuncio oficial, a wordu destaca cu Baki den Bario no ta solamente un actividad di limpiesa, sino un instrumento concreto pa trese servicio publico mas serca di e ciudadano, segun e vision di Mike Eman pa un Aruba mas limpi y sostenibel.

Na caminda pa Baki permanente: Como parti di e plan di continuidad, Gobierno a confirma cu tin plan pa pronto introduci un sitio piloto permanente di Baki, cu lo ta disponibel 24 ora pa dia, 7 dia pa siman. E sitio piloto lo permití deposita diferente tipo di desperdicio, tanto residencial como comercial, sin costo pa e usuario. E meta ta pa habri e prome sitio permanente na final di maart òf na comienso di april.

Na Aña 2025 Barcadera a kibra record: Durante 2025, Baki den Bario a registra un exito rotundo, culminando cu un record ,caminda mas cu 800 ton di desperdicio a keda recogi.

Cifranan total di Baki den Bario 2025 tabata: Mas cu 4.000 vehiculo atendi, mas cu 800 ton di sushi, mas cu 500 baki, 10 edicion di Baki den Bario.

Detaye di desperdicio tabata: 447 baki di Ecotech, 14 baki di taira, 696 ton di bulk cu sushi mixto, 70.5 ton / 56 baki di green waste (mata), 20 ton di taira

Aki por mira cu e necesidad pa deshaci di desperdicio residencial y comercial tabata evidente. Danki na colaboracion cu partnernan strategico manera City Inspector, Serlimar, Ecotech, Fundacion Pa Nos Comunidad, Ministerio di Turismo y ATA, e iniciativa a logra un impacto positivo den diferente bario, scol, club y compania.

Prome Minister Mike Eman a expresa su satisfaccion cu e participacion masivo di ciudadanonan, cu a bin for di mainta tempran cu nan pickup pa deposita desperdicio y contribui pa tene Aruba limpi. Ban continua cu e mesun animo den aña 2026.

Ta criticamente importante pa cada ciudadano haci uzo di Baki den Bario, pasobra esaki ta un paso fundamental pa mantene salud di comunidad, siguridad di medio ambiente y estetica publico. Deshaci di sushi di forma corecto ta preveni acumulacion di sushi cu por bira un luga di criadero pa malesa y plaganan dañino.

Nos Invitacion final pa Diasabra awor. Baki den Bario lo tuma luga den e bario di Tanki Leendert. Gobierno ta invita tur ciudadano pa participa y contribui activamente pa un Aruba mas limpi, mas sano y mas dushi pa biba.

Accidente fuerte riba e caminda principal di Kibaima

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional