Observacion di Dia Internacional di Mondi 2026 Mondi y Economia: E Motor Silencioso di Prosperidad

March 20, 2026

Dia 21 di maart 2026, Aruba ta uni na e comunidad internacional pa celebra Dia Internacional di Mondi na Ingles yama ‘International Forrest Day’. E aña aki, e tema central ta "Mondi y Economia", un topico cu ta resona fuertemente cu nos vision pa un isla mas resiliente y sostenibel. Hopi biaha nos ta mira nos naturalesa y nos mondinan como un bunita decoracion, pero e realidad ta cu nan ta e fundeshi mes di nos economia. Tin otronan ta wak nos mondi como obstaculo y no ta dun’e su balor. Directie Natuur en Milieu (DNM) ta encurasha Aruba henter pa contribui na e dia observa aki door di planta un mata mas den bo cura y sigui muha esaki pa mañan e ta duna su fruta y servicionan na e siguiente generacion.

Mondi como Infrastructura Economico

Na Aruba, nos mondi — for di nos cadushinan y watapananan te na nos matanan di mangel — no ta djis mata. Nan tin nan funcion y ta fungi como un infrastructura economico vital. Mas cu mita di e ‘GDP’ global ta depende di naturalesa, y Aruba no ta un excepcion.

Proteccion contra desastre natural: Nos vegetacion ta proteha nos costa y suela contra erosion y inundacion, ta yuda spaar gastonan enorme di mantencion di infrastructura despues di yobida fuerte.
Turismo Sostenibel: E sector di eco-turismo ta keda crece y ta encurasha. E bishitante di awe ta busca e experiencia di nos flora y fauna unico, locual ta genera cupo di trabou y entrada pa hopi famia aki.
Regulacion di Temperatura: Den un mundo cu ta keinta, e kentamento global, e sombra y e fresco cu nos mondinan ta brinda por yuda baha e gasto di energia (uzo di airco) den cercania di areanan cu mata.

Hunto pa un Bio-economia

E tema di 2026 ta boga pa un transicion pa un bio-economia. Esaki ta nifica, uza recursonan natural di un manera sabi y inteligente pa reemplasa materialnan cu ta emiti hopi carbono, manera plastic of concret. Na Aruba, esaki ta habri porta pa innovacion den agricultura den mondi, manera ta e caso di ‘agroforestry’ y e uzo di productonan natural pa medicina, alimento y decoracion, creando asina un economia circular y local.

Inverti den Naturalesa ta un Negoshi Sabi

E perdida di mondi ta sali caro. Ora nos perde nos matanan indigena, nos ta perde e capacidad pa filtra awa dushi den nos sub-suelo y nos ta aumenta e riesgo di calor extremo. Inverti den conservacion y den plantamento di mata no ta djis un acto di amor pa naturalesa, sino un decision economico.

"Mondinan saludabel ta nifica comunidadnan saludabel y un economia fuerte. Nan ta e columna vertebral pa hopi comunidad rural y un fuente di resiliencia den tempo di crisis economico."

Un yamada na accion

Awe, riba Dia Internacional di Mondi, nos ta recorda cu cada flor di e cadushi y cada rama di e watapana ta contribui na e bienestar di nos isla. Pa nos economia florece den futuro, nos mester percura pa nos mondinan tambe keda florece. Riba e dia aki planta un mata local den bo cura y asina aporta na un pais cu un economia mas fuerte. Feliz dia internacional di nos Mondi 2026!

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional