Articles
Proyecto piloto pa espacio berde urbano na Maracastraat, Dakota: Un Paso firme den Programa Nacional di Reforestacion
Diaranson mainta a tuma luga un sesion di plantamento hunto cu e residentenan di Maracastraat den Dakota, como parti di e Programa Nacional di Reforestacion (NRP). E programa piloto aki ta un coolaboracion entre Ministerio di Asunto General, Cultura, Ambiente y Naturalesa (MinAZ), Departamento di Obranan Publico (DOW), Departamento di Naturalesa y Medio Ambiente (DNM), y organisacion ehecucion di proyecto Watty Vos Boulevard (WVB).
Prome Minister Mike Eman a indica cu a selecta Maracastraat como un programa piloto pa un modelo innovativo di espacio nan berde urbano cu ta uni restauracion ecologico, renobacion di bario, y participacion activo di comunidad. Residente di e bario, den un encuentro informal sinta den verenda di cas, a comparti nan deseo y conseho. Cual a uza como referencia den planificacion di e programa. Hopi a indica di ta prefera especie di mata nativo, mata cu ta brinda sombra y mata di fruta, sin tapa e visibilidad, pa garantisa siguridad di e area.
Basa riba e input di e residentenan, Departamento di Naturalesa y Medio Ambiente (DNM) a uza su sistema ecologico Tree Mix Choice pa propone un composicion balansa. DOW a integra e preferencianan di comunidad den e diseño final di plantacion.
Lista di Mata uza den plantacion (Total: 55)
Santa Rosa Nursery
- Flamboyan – 5
- Pal’i Boonchi – 5
- Kibrahacha – 5
- Huliba – 5
- Watapana – 5
- Amandel – 3
- Macapruim – 3
- Druif’i Lama – 3
- Ratonero – 5
Agro Aruba Garden
- Mispel – 3
- Cashew Cora – 3
Ronald Slot–Lopes
- Wayaca – 5
SPO – Randolph Fingal
- Fofoti – 5
Total di mata pa e plantacion: 55
Tambe residente di bario a trese mata cu nan mes a cuida pa añadi na e espacio, den e espirito di ‘e bon comun’, manera mata di Kenepa, Boneriano, Mango y di Scopapel. E combinacion di especienan aki lo yuda restaura sombra natural di mata, sostene habitad pa parha nativo manera Lora y Prikichi, mehora salud di e tera, y fortalece e resilencia contra calor. Den e añanan cu ta bini, e area lo transforma na un espacio berde, agrababel y sostenibel pa tur habitante di e bario.
Watty Vos Boulevard (WVB) a prepara e tereno, coba buraconan, y pone gordura disponibel; tambe lo keda responsabel pa mantene y muha tur e plantacion nobo.
Cu e proyecto piloto na Maracastraat, Aruba ta sigui move pa un futuro cu mas espacio berde urbano y mas resiliente, caminda restauracion di naturalesa y participacion di comunidad ta bay man na den man cu otro.
Un trabou extenso ta tuma lugar ‘behind-the-scences’, pa desaroya e Sistema Tree Mix Choice, pone e base tecnico, planifica pa ‘nursery’ nan pa mata nativo, reuni y tene brainstorm sessions cu stakeholders, fortalice colaboracion entre departamento nan gubernamental, y cu instancia na isla ruman Boneiro.
Riba e fundamento aki Programa Nacional di Reforestacion (NRP) a traha, pilotnan adicional den otro barionan, programa pa 2026. Na banda di espacio urbano nan, tambe den e espacio nan di conservation di naturalesa, unda Aruba Conservation Foundation ta maneha, lo bai bin pilotnan di restoracion cu un enfoke primordial ecologico. Den futuro lo algun di e proyecto nan lo brinda nos bishitante nan di Aruba oportunidad pa por contribui via ‘voluntourism’ na e Programa Nacional di Reforestacion (NRP).
