Aeropuerto di Aruba ta preparando pa e siguiente fase di Gateway 2030

April 21, 2026

Aruba Airport Authority N.V. (AAA) ta preparando pa e siguiente fase di Gateway 2030 Expansion Program door di inicia trabounan clave di habilitacion cu lo haci e transformacion di e terminal posibel. E preparacionnan aki ta marca un paso importante pa Fase 2, cu lo enfoca riba modernisa e experiencia principal di pasahero dentro di e terminal. Gateway 2030 ta un programa di diferente fase cu ta diseña pa engrandece e experiencia general di biahe mientras ta prepara Aeropuerto di Aruba pa e crecemento den futuro.

Progreso te cu awo
E programa a cuminsa cu Fase 1A, cu a introduci un sala di check-in nobo pa e pasaheronan cu ta biaha pa Merca cu ta conta cu un diseño moderno y un sistema avansa di maneho di maleta pa mehora e eficiencia y fluho di pasahero.

Fase 1B, cu ta andando actualmente cerca di Gate 8, ta expande e terminal cu portanan di salida, areanan di espera y brugnan di embarcacion pa sostene aumento di capacidad y mehora e experiencia di embarcacion.

Fase 2 Transformando e curason di e terminal:

Cu Fase 1A cla y Fase 1B progresando, Aeropuerto di Aruba awo ta drentando Fase 2, caminda e transformacion ta enfoca riba e experiencia principal di e terminal

Fase 2 lo inlcui:

Un sala di check-in nobo expandi pa tur pasahero

Area nobo pa Imigracion y siguridad

Un area modernisa di procesamento pa U.S. Customs and Border Protection (CBP)

Un area comercial nobo y plasa di cuminda y bebida

Kico esaki ta nifica pa e pasaheronan?

Pa permiti e construccion di Fase 2 den e area actual di procesamento di Merca (USCBP) Aeropuerto di Aruba lo implementa un solucion temporal cuidadosamente planea pa garantisa operacionnan sin interupcion. E trabounan aki ta esencial pa facilita construccion dentro di e area aki mientras ta mantene un biahe placentero y eficiente den henter e terminal.

Cuminsando 1 di mei lo sera e area di tiendanan y localidad di cuminda existente cu ta situa despues cu pasa siguridad pa asina tranforma esaki den un facilidad temporario pa procesa pasaheronan cu ta biaha pa Merca. Algun di e espacionan comercial y di cuminda y bebida lo bay den otro areanan den aeropuerto hasiendo asina dia 30 di april e ultimo dia di benta den e area aki.

Construccion di e facilidad di procesamento temporal pa pasaheronan cu ta biaha pa Merca lo inicia den luna di juni. Durante e periodo aki:

Den luna di juni lo inicia cu construccion di un corridor temporal pa guia e pasaheronan di un manera sigur door di e terminal mientras e construccion ta avansa.

E pasaheronan cu ta biaha pa Merca lo sigui haci uzo di e area di procesamento actual.

Unabes finalisa, e procesamento di Merca lo muda pa e facilidad temporal, permitiendo e area actual di U.S. Processing pa haya e renobacion completo como parti di Fase 2. Despues cu finalisa cu Fase 2, operacionnan lo move bek pa e espacio mehora y lo kita e facilidad temporal pa traha espacio pa un plasa comercial nobo como tambe espacio pa cuminda y bebida pa e pasaheronan cu no ta biaha pa Merca.

“E trabounan aki ta un paso necesario pa transforma Aeropuerto di Aruba den un aeropuerto mas eficiente y cla pa futuro, fortificando nos rol como un hub di conexion clave den Caribe. Mientras cu esaki por trece ahustacionnan temporal, nos ta comprometi pa garantisa un experiencia positivo pa tur pasahero durante henter e proximo periodo di construccion”, ta expresion di Jonny Andersen, Chief Executive Officer di Aeropuerto di Aruba.

Ta curasha e pasaheronan pa sigui e borchinan di aeropuerto y duna nan mes tempo extra na momento di biaha, mirando cu e rutanan dentro di aeropuerto por mustra diferente pero e proceso lo keda mescos.

Tocante Aeropuerto di Aruba

AUA Airport ta un di e aeropuertonan mas ocupa den region Caribe, cu mas di 24 diferente aerolinea operando na Aruba contribuyendo na mas cu 3.2 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 74% ta di Merca y Canada, 18% ta di Latino America, 4% ta di Europa y 5% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.

Haya sa mas di loke ta sosode na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional