Minister Geoffrey Wever a reuni cu IMF pa sondea y explora reemplaso di bbo BBO cu btw na Aruba

March 22, 2026

Minister di Finansa, Asunto Economico y Sector Primario, mr. Geoffrey Wever, a reuni cu expertonan technico di International Monetary Fund (IMF) riba sondeo y evaluacion pa explora e tema di reemplaso di bbo cu btw. E mision technico di IMF ta uno explorativo y tin como meta duna Aruba asistencia technico riba e posibilidad di introduccion di un sistema di belasting op toegevoegde waarde (BTW) na Aruba pa reemplaza bbo.

Pa e introduccion di btw pa 1 di januari 2023, analisis di Departamento di Asuntonan Economico publica den su Economic Outlook 2021- 2023 den juni 2022 a mustra cu si introduci btw den 2023, e introduccion aki lo a causa un inflacion di entre 10.7 porciento y 15.3 porciento den 2023. E nivel halto aki di inflacion proyecta ta resultado di un combinacion di inflacion ya halto caba como consequencia di entre otro e guera na Ucraina y retonan den cadena di suministro den 2022 y efecto di btw. E realidad economico marca pa un inflacion halto den 2022 cu efecto den 2023 no tawata ideal ni tampoco prudente pa e reemplaso di bbo cu btw.

Den liña cu Programa di Gobernacion 2025- 2028 riba pagina 21 maneho fiscal lo enfoca riba amplia e base di impuesto door di den un dialogo fiscal evalua e reemplaso di BBO cu BTW pa, entre otro, elimina e efecto acumulativo di BBO, sin aumenta e peso di belasting pa ciudadano y comercio. Pa duna contenido concreto na esaki, minister Geoffrey Wever durante su bishita na IMF den april 2025 a haci un peticion pa asistencio technico di IMF pa sondea y evalua e reemplaso di bbo cu btw mirando e realidad economico di awo.

E mision technico di IMF ta uno di sondeo, intercambio di datonan di belasting y informacion relevante y evaluacion di esaki. Pa e expertonan tecnico di IMF haya un miho bista di e contexto economico local y actual y pa scucha y intercambio di expertisicio y conocimento di diferente stakeholders, lo reuni cu Departamento di Impuesto, Departamento di Aduana, y Centraal Bureau voor de Statistiek, Banco Central di Aruba, Aruba Tourism Authority, Kamer van Koophandel, Aruba Trade and Industry Association, Aruba Hotels and Tourism Association, Comerciantenan Uni di Aruba, Accountants y tax advisors.

Bishita di IMF ta un prome stap den e proceso pa explora y evalua un posibel reemplaso di bbo cu btw den un realidad economico diferente cu na 2022 y teneniendo na cuenta riesgonan actual di tensionnan geopolitico y e impacto di e guera na Medio Oriente riba economia mundial y di Aruba y bow di e condicion cu e reemplaza di bbo cu btw no mag aumenta e peso di belasting riba cuidadano y comercio. Resultado di e mision technico di IMF lo forma e base di e dialogo fiscal den cual hunto lo explora esaki segun minister Geoffrey Wever.

Minister Geoffrey Wever ta gradici IMF pa e bon cooperacion riba tereno economico y fiscal. Hunto cu nos expertonan local, gremionan comercial y den un dialogo fiscal lo evalua un posibel reemplaso di bbo cu btw. Den cuadro di informacion, gobierno a informa Parlamento riba e mision technico di IMF na Aruba.

Vuelo 870 di American Airlines ta haci Aterisahe di Emergencia

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional