Dennis Burke ta tuma su retiro como presidente di directiva di Centro di Bario Playa Paba

April 29, 2026

Dennis Burke ta elabora riba su decision pa entrega mi retiro como miembro y presidente di directiva di Centro di Bario Playa Pabao.

Pa cuminsa mi semper tabata interesa den e trabou di centro di bario y clubnan social den bario. Mi ta corda como hoben mi tabata bishita Centro di Bario Noord, e actividad di aña di Reina na Noord y carnaval, Sportboys cu Dera Gay y tambe Centro di Bario Dakota. Semper cu e deseo pa nos bario tambe tin su centro di bario.

Hopi contento ora mi a lesa den corant cu Stichting Centro di Bario a wordo funda y cu sr Luis Vingal+ tabata presidente. Sr Vingal+ tabata mi hefe na Inspectie der Belasting. Mainta trempan mi a acerca sr Vingal+ y a informele cu mi tin e deseo di forma parti di su directiva, E no tabatin problema y a invitami pa e proximo reunion. Durante e reunion ey Gisela Schotborg+ y Anolino Chirino+ y mi persona a wordo eligi pa forma parti di e directiva. Durante e reunion Gesela+ a wordo eligi pa forma comision di damas, Antolino Chirino+ comision di informacion y mi persona comision di hubentud.

Tur tres di Playa Pabao y cu amor pa traha pa nos bario hunto cu e directiva cu a funda nos fundacion, Reunionnan tabata dura largo di 8’or pm pa 1’or am. Ni dos luna despues mi a wordo eligi como vice presidente. Un function no desea pero mi a aceptele y despues di apenas 2 siman mi a wordo poni bou candela. Presidente no por a bin reunion y ami mester a dirigi e reunion, Problema a start ora un miembro den palabra liber tabatin e deseo pa bay bek riba un punto di agenda cu nos a discuti caba y mi a kita palabra for di dje.

Despues di 1 luna presidente, Luis Vingal+, a entrega su retiro. Ken lo bira e proximo presidente??? Miembronan di directiva tabata tin e deseo pa ami pero mi a nenga. Sr Virgilio Davelaar tabata pami e miho candidato . E ta hopi trankil cu ta tuma su tempo pa evalua y duna su opinion mientras ami tabata bezig cu comicion di hubentud y e conflicto cu un miembro di directiva no ta aporta na e harmonia cu mester reina den un directiva cu plannan grandi pa su bario.

Durante reunionnan di directiva e topico semper tabata kiko mester hasi pa crea un miho bario pa nos hendenan. E amor pa nos bario tabata grandi y esey mester ta e garantia pa nos Centro lo ta exitoso.

Despues di 5 aña mi a entrega mi retiro. Mi tabata di opinion cu otro mester tuma e trabou over. Y otro a tumele over y e logro grandi di nan ta cu Stichting Centro di Bario Playa Pabao a haña su edificio. Como mi no tabata activo e tempo ey mi lo no menciona nomber.

Pues akinan e actividadnan por a tuma luga den nos propio edificio. Den pasado e actividadnan tabata tuma luga den Sint Franciscus College. Actividadnan cu mi ta corda ta: anochi di cine, Ban busca webo, Sinterklaas, un anochi di pasco y muho mas.

Mi ta hopi orguyoso cu e trabou di nos directiva di e tempo ey y tambe di esun cu a sigi. Y pakiko mi a bin bek anto?? Un grupo di amigo a acercami pa forma parti di nan directiva pa e experencia cu mi tin.

Ami cu ta gusta e trabou di bario no por a bisa no pero si mi a bisa cu e lo ta pa 3 aña y esey ta e motibo cu mi a invita boso pa awe mi duna un splicacion di e motibo pakiko mi a entrega mi retiro. Mi ta sinti falta di participacion di nos habitantenanan di pabao. Nos a entrega nos centro na hendenan cu no ta di nos bario. Hendenan cu no tin e amor pa nos bario ni e karakter fuerte cu nos ta conci pe rond di Aruba.

Hendenan cu ta vota “voor” djies pa bay contra mi persona y no tin cu ne cu hasiendo daño na mi ta hasi daño na nos bario di pabao. Un ehempel: nos projectbegeleider apenas 3 luna den function (mi tin hopi aprecio pe) a cuminsa cu un curso di “manicure y pedicure”. Cuanto habitante di Playa Pabao lo participa na e curso aki? Un curso cu un duracion 10 siman y un duracion di 2 ora pa les. E curso aki aki pa solamente afl 50.00 pues afl 2.50 pa ora mientras un 60+ ta paga afl 5.00 pa ora pa les di gym. Ami mes a yega di organisa un curso “manicure y pedicure” den pasado pa afl 200.00. Gobierno via Enseñsa pa empleo a cobra awg 250.00. Pues no ta gran cos cu e curso aki a yena den un par di ora.

Nos a trata esaki den reunion y mi ta bay menciona algun argumento cu miembronan (mayoria no habitante di nos bario di pabao) a usa: miembro na palabra: berdad e preis ta hopi abou pero ban lage pa e biaha aki y otro biaha nos por hisa e preis. Mi opinion ta: un fout bo ta coregi si no bo ta hasiele bo ta hasi 2 fout. Otro miembro: kiko Cede Aruba lo pensa di nos si nos cambia e preis. Mi opinion: Cede-Aruba no tin nada di bisa den nos organisacion y mi no ta kiere cu Cede Aruba lo hasi esey. Otro miembro cu mi ta considera un bon amigo: Si nos hisa e preis nan lo caba cu nos riba Face Book. Mi opinion: riba face book nos no tin nodi di hasi nada, Esnan cu a paga e preis afl 200.00 y afl 250.00 lo contesta pa nos.

Pues esey ta algun di e argumentonan cu a wordo usa.Un habitante di Playa Pabao nan argumentonan ta hopi mas fuerte y alcaso. Na mi secretario cu ta sigi insinua cu esaki ta di dos di biaha mi ta boycot un actividad. E amor cu ami tin pa bario di Playa Pabao e no tin. Cada actividad ta mas cu bon bini. Y awo mi ta comprende e remarca di un empleado di un organisacion respetoso na Aruba. Boso no ta pidi uitstel pa boycot atrobe. Mi a contestele: Nunca nos ta pidi uitstel pa boycot pero pa busca un solucion. Esey tabata un persona cu no sa e historia di Centro di Bario. Pero contestando mi secretario. Mi ta corda un discucion na unda ami a propone premia e obra mas popular. No cu mal intencion. Solamente pa amigo y amiganan di e particpantenan acudi na e exposicion y wak con nan amigo(a) nan obra a keda y esaki stimulanan pa nan tambe participa den futuro. Bo a hustifica cu bo nietanan a haña problema cu esaki durante les di cuarta y baile. Tur cos ta con bo a lanta bo yiu y esey ta derecho di mayornan. Mi a trata di splicabo cu den deporte ta mescos, Mi ruman homber ora cu e perde e yora pero e siguiente dia e ta e promer riba veld. Mi yiu su promer careda den coremento ela perde tambe y a yora pero a keda na nos pa yudele y stimule. Su resultadonan cu a sigi ta papia pa nan mes.

Mi ta gradeci esnan cu a yudami durante ultimo 25 aña. Boso tabata un estimulo pa mi y mi logronan ta papia pa nan mes. Den futuro ora cu tin un directiva cu ta consisti di habitanten di nos bario lo mi tey. No como miembro di directiva pero boluntario. Na e habitantenan di Playa Pabao mi ta desea un directiva cu ta consisti di habitantente di nos dushi bario pasobra: NOS MES POR. PLAYA PABAO TE NA FIN DI MUNDO.

Castigo di añas di prison exigi pa grupo cu a haci 3 atraco cu violencia riba un dia

Chauffeur sin rijbewijs cu a dal peaton y core bay dilanti Hues Hues a ordena pa laga sospechoso den caso droga liber Hues a declara liber homber sospecha di a abusa di mucha menor di edad

Carlos Santiago OLY a comparti hopi conocemento di e plataforma “Athlete365”

Noticia Internacional 7 Januari 2026 Compilacion di entrada militar di Merca na Venezuela y reacciona di di venezolanonan Rond di mundo Regimen di Nicolas Maduro a cay

Tension entre Merca y Venezuela ta keda aumenta Noticia Internacional 21 November 2025

Articles

News

Suceso

Corte

Deporte

Salud

Internacional