Telenoticia 30 September 2025

Den Telenoticia awe:

• E conferencia cu a tuma lugar na Aruba di e Federacion Internacional di Controladornan di Trafico Aereo a conta cu presencia di varios pais den e region Caribense y Merca
• Ademas, Mas cu 100 representante di diferente organisacionnan "non-profit" a forma parti di e "Non-Profit Leadership & Governance Conference 2025"
• Tambe, Den Deporte, varios ekipo local y internacional a bataya otro pa e prome lugar den e "Aruba Open Paintball Tournament 2025" den fin di siman 
• Y Den Internacional, Si Merca viola e decreto "Conmocion Externo" cu Venezuela a firma na Nacionnan Uni, lo defende Venezuela cu tur e forsa militar contra Merca 

Telenoticia 29 September 2025

Den Telenoticia awe

• Bo planta nacional Telearuba ta cumpli 62 aña di existencia riba e fecha aki, cu e meta pa sigui ta un canal dinamico, profesional y creativo, caminda lo sigui crea contenidonan cu semper lo educa, entrene y informa e pueblo di Aruba pa hopi aña mas
• Ademas, Den un ceremonia di firmamento, e compania Wärtsilä a entrega e "Diesel Generator 7’ nobo den planta RECIP III di WEB Aruba N.V.
• Tambe, Diabierna ultimo, Aruba completo a despedi di e legendario artista, musico, compositor, areglista...Robert JeanD'or den un Parada y ceremonia unico dilanti Cas di Cultura y diasabra a hiba Robert den feliz memoria pa su ultimo lugar di sosiego 
• Ademas, Pueblo a acudi masalmente na e prome Seafood Festival y Vibracion Cultural na e pier di Brisas del Mar. E apertura di e evento a tuma lugar den un manera unico y significativo 
• Y Den Internacional, Por lo menos cuater persona a fayece y ocho a resulta herida despues cu un homber arma a drenta su vehiculo den un iglesia na Michigan, cuminsa tira y pone e edificio na candela, prome cu autoridadnan a tir'e mata

Telenoticia 26 September 2025

Telenoticia 25 September 2025

• Den Telenoticia awe
• Prome Minister di Aruba a reuni cu dos instancia importante na Hulanda caminda ta desea di yega na un meta comun pa informa Reino Hulandes completo riba e trabounan cu ta haci na Nacionnan Uni
• Ademas, Durante e prome reunion di Tripartite na Hulanda a trata varios temanan importante y relevante pa tanto Aruba, Corsou y Sint Maarten y a yega na diferente palabracionan pa por sigui traha mas hunto
• Tambe, E evento di recaudacion di fondo pa Colegio Nigel Matthew, esta "September To Remember" ta dedica na un persona hopi special den nos comunidad
• Y Den Internacional, Temblor di 6.5 riba scala di Richter a asota Venezuela ayera, pero autoridadnan a registra awe 10 temblor mas y casi 21 replica 

Telenoticia 24 September 2025

• Den Telenoticia awe
• Reunionnan ta andando di parti di Ministerio di Enseñansa pa loke ta trata "schalering" di maestronan caminda ta discutiendo e tema aki hunto cu Financiën y Simar 
• Ademas, Prome Minister a reuni cu e ehecutivonan di Schiphol Group caminda e CEO a indica cu lo sigui brinda e conocemento di operacion di aereopuerto na Aruba 
• Tambe, Studiante na Gronigen ta pone den perspectiva un plan ambisioso pa reforestacion na Aruba caminda lo combina biodiversidad cu agricultura pa crea un pilar economico nobo pa e isla
• Ademas, Den nos segmento di Salud, nos tin e mihor tips con pa drenta e etapa di behes den un forma saludabel, tanto mentalmente, fisicamente y social
• Y Den Internacional, Biento y awacero fuerte y lama bruto a ataka Hong Kong, mientras cu Super Tifon Ragasa a yega e parti zuid di China, caminda a causa un explosion den un lagoen na Taiwan, matando por lo menos 17 persona

Telenoticia 23 September 2025

• Den Telenoticia awe
• Aruba ta den centro di evaluacion di International Monetary Fund: Minister di Finansas, Economia y Sector Primario ta reuni cu IMF pa trata desaroyo actual y plan di futuro den tereno financiero, economico y monetario 
• Ademas, Varios lider politico prominente a informa Prome Minister durante su biaha na Hulanda riba e importancia di e Gabinete Hulandes nobo cu lo forma despues di e siguiente eleccion
• Tambe, Iglesia Cristian Odres Nuevos Aruba ta celebra e inauguracion di nan edificio nobo cu mas espacio usando tecnologia moderno situa awor na Paradera
• Y Den Internacional, Presidente Donald Trump a anuncia cu pildo manera Tylenol durante embarazo, por ta e motibo cu e yiu por desaroya autismo. Criticonan a indica mesora cu e presidente no a presenta niun prueba

Telenoticia 22 September 2025

• Den Telenoticia awe
• Gobierno di Aruba a hasi anuncio oficial pa e entiero di e legendario musical/cultura Sr. Robert JeanD'or
• Ademas, Minister di Husticia Arthur Dowers ta anuncia e trayecto number cuatro di e programa "Hunto pa Progreso"
• Tambe, Horacio Oduber Hospital y Universidad di Aruba su colaboracion riba formacion na nivel di HBO ta mira su fruto
• Ademas, Fundacion Nine Lives lo tin un Adoption Day proximamente, haya sa con abo por tambe rescata un bestia riba un dia special
• Y Den Internacional, awe a duna inicio na e di 80 Asamblea General di Nacionnan Uni na New York

Telenoticia 19 September 2025

• Den Telenoticia awe
• World Tourism Day su conferencia a tuma lugar awe. E conferencia aki ta di sumo importancia pa pais Aruba, con nos ta maneha nos turismo y mantene nos identidad
• Ademas, Prome Minister di Aruba Sr. Mike Eman a bishita Ex Prome Minister di Hulanda, Sr. Jan Peter Balkenende
• Tambe, mediador di Gobierno ta comenta riba situacion cu varios compania rond di nos isla no ta wordo dirigi pa un yiu di tera
• Ademas, Aruba Bank ta anuncia reemplaso di nan kaarchi nan bancario di Maestro, como parti di transicion global di Mastercard 
• Y Den Internacional, Manifestacion ta continua na Francia y ta enfrenta polisnan

Telenoticia 18 September 2025

Den Telenoticia awe

• Prome Minister di Aruba ta reuni hunto cu Presidente di Comision Fiho di Tweede Kamer di Relacion nan di Reino Sr. Olger van Dijk
• Ademas, Minister Arthur Dowers durante su bishita na Hulanda a hasi un bishita na EuroJust pa haya sa mas encuanto e trabou di e departamento aki 
• Tambe, Sindicato STA ta duna Gerencia di Triple A NV un ultimatum, si no cumpli lo hiba nan na welga diasabra proximo. Presidente di STA, Diego de Cuba ta splica dentro di poco 
• Ademas, un grupo di rubiano cu ta bay scol di musica a tembla e ciudad di Rotterdam cu e ritmo di asambeho 
• Y Den Internacional, Presidente Donald Trump ta celebra e decision di e ABC pa kita e programa di Jimmy Kimmel for di aire.

Telenoticia 17 September 2025

Den Telenoticia awe

• Aruba a lanta awe cu un noticia lamentabel. Un gran icono di nos musica a fayece awe. Aki nos ta papia di Sr. Robert JeanD'or.
• Ademas, Prome Minister di Aruba ta continua cu su bishita nan di trabou na Hulanda y tabata presente den un reunion hunto cu Vice-Presidente di Raad van State Sr. Tom de Graaf
• Ademas, den nos seccion di salud, Luna di october ta luna di conscientisacion di cancer di pecho. Haya sa con Mary Joan Foundation ta traha un peluca pa su cliente nan
• Y Den Internacional, Israel a intensifica e guera na Gaza y a desafia e condena internacional

Telenoticia 16 September 2025

Den Telenoticia awe

• Awe na Hulanda tabata Prinsjesdag. Dia cu Su Majestad Rey Willem Alexander ta duna e Discurso di Trono riba e rumbo pa cual Gobierno hulandes lo bay otro aña. Prome Minister Mike Eman presente n'e ocasion aki 
• Ademas, Dia Internacional di Democracia ta un dia cu Parlamentario Jennifer Arends-Reyes ta di opinion cu aki na Aruba mester traha pa eleva e nivel di hiba politica
• Tambe, Dienst Technische Inspecties lo cuminsa controla nummerplaat di vehiculo na inicio di luna di october
• Ademas, Pasadia Briyo di Solo ta preparando pa su Christmas Bazaar cu e meta pa recauda fondo
• Y Den Internacional, KLM ta anuncia welga cu lo ta tumando lugar diaranson na Hulanda y cu lo por afecta pasaheronan cu cancelacion y/of retraso di buelo

Telenoticia 15 September 2025

Den Telenoticia awe

• Prome Minister di Aruba, Mike Eman ta na Hulanda pa reunion nan importante pa locual ta trata pais Aruba y awe a reuni hunto cu Prome Minister di Hulanda, Sr. Dick Schoof 
• Ademas, Universidad di Aruba na Apertura di Aña Academico a instala Sra. Sue-Ann Lee como rector di Universidad di Aruba.
• Tambe, Parlamento di Aruba awe a haya bishita di un delegacion di St. Eustacius y Boneiro, pidiendo sosten di Parlamento di Aruba riba e situacion entre paisnan BES y Hulanda 
• Ademas, den deporte. Ciclista Elite, Paul Cremers y Joey Koevermans lo participa den e U-C-I Gravel World Championship cu lo tuma lugar na Hulanda 
• Y Den Internacional, haya sa cua ta e ganador di mas hoben den loke ta trata Emmy Awards cu a tuma lugar diadomingo ultimo.

Telenoticia 12 September 2025

Den Telenoticia awe

• WEB Aruba NV cu ceremonia oficial di un edificio historico di 1957 cu awor lo fungi como Control Center pa maneha produccion di awa di bebe
• Ademas, e bario di Mabon Complex lo conoce un cambio riba un ruta cu ta hopi trafica pa esnan cu ta baha for di un bus of simplemente kier hasi nan caminda mas corto pa yega cas
• Tambe, Fundacion Autismo Aruba lo tin un tayer special pa educadornan, p'asina equipo nan cu e informacion necesario na momento cu ta trata e topico aki 
• Ademas, den studio nos tin presente awe Quota International of Aruba pa elabora riba e Siman di Conscientisacion di Cuido di Oido
• Y Den Internacional, ex Presidente di Brasil condena na 27 aña di prison y tambe detencion di e asesino di Charlie Kirk 

Telenoticia 11 September 2025

Den Telenoticia awe:

• Minister Gerlien Croes a bishita Scol Preparatorio Tarcisius y tambe Educacion Profesional Basico na San Nicolas. 
• Ademas, Universidad di Aruba ta splica riba locual ta tuma lugar na momento cu duna inicio na aña escolar y e cantidad di studiante cu lo bishita Universidad di Aruba e aña aki
• Tambe, Fundacion Hungateca tin un varidad di actividadnan na famia completo por bini hunga hunto 
• Ademas, diadomingo awor Club Boneriano lo tin unbes mas nan evento na Centro di Bario y Deporte Dakota  
• Y Den Internacional, awe 11 di september, Merca ta conmemora 24 aña di e atake terorista cu a laga un saldo di casi 3 mil victima.

Telenoticia 10 September 2025

Den Telenoticia awe

• E palabra cu mas a resalta durante e discurso di Su Excelencia Gobernador di Aruba durante e aña Parlamentario nobo ta “prosperidad comparti”, segun Minister di Turismo, Transporte y Labor y ta cuadra cu e vision di Gabinete AVP-FUTURO 
• Ademas, Presidente di Parlamento ta indica cu ta cla pa enfrenta e retonan di Parlamento, como tambe ta desea pa Parlamento ta mas cerca di e pueblo conmemorando asina e 40 aña di e organo mas halto di Aruba
• Tambe, Cuerpo Policial ta manda un aviso pa un y tur ta hopi alerta na momento di retira efectivo for di un ATM machine 
• Ademas, Amor propio, conexion y crecimento ta palabranan clave cu lo ser discuti y comparti durante e prome edicion di e conferencia "Primero Yo" 
• Y Den Internacional, Incertidumbre na Francia. Protestanan ta saliendo for di man y autoridadnan ta usando gas lagrimogeno pa purba calma e multitud cu ora pa ora ta birando mas violento, pa motibonan politico

Telenoticia 09 September 2025

Den Telenoticia awe

• Su Excelencia Gobernador di Aruba a trata varios tema relevante cu tin di haber cu e vision di gobierno durante e Aña Parlamentario 2025-2026
• Ademas, Varios di esnan presente a duna nan opinion tocante e discurso di Su Excelencia Gobernador di Aruba y kico ta loke mas a resalta den e puntonan menciona durante e discurso
• Tambe, Den conmemoracion di 40 aña di Parlamento, awe durante Aña Parlamentario nobo a ortorga e premio "Hala di Shoco" na e ganador
• Y Den Internacional, Israel a ehecuta un atake contra lidernan di Hamas den e capital di Qatar, cu tabata un di e mediadornan principal den e combersacionnan pa pone un stop na e guera na Gaza 

Telenoticia 08 September 2025

Den Telenoticia

• Awe un dia prome cu Aña Parlamentario nobo a scohe Señor Marlon Sneek un bes mas como Presidente di Parlamento 2025-2026 y Muzaninn Wever como Vice Presidente
• Ademas, Minister di Salubridad Publico ta reacciona riba declaracionnan di Jayburrt Dijkhoff di a tilda e sistema di salud publico na Aruba como "cartel" y "corrupcion" 
• Tambe, Departamento di Impuesto ta anuncia cu entrante prome di october tur vehiculonan di motor tin e plachinan di number 2025-2029
• Ademas, Publico grandi a disfruta e ultimo dia di Art Fair 2025 cu a culmina den fin di siman yena cu creatividad, color, talento, artesania, arte, musica y moda
• Y Den Internacional, Dos homber Palestino arma, a tira cerca di un parada di bus na Jerusalem ayera, caminda 6 persona a perde nan bida den loke autoridadnan ta describi como "un di e atakenan terrorista" mas mortal den e ciudad den e ultimo añanan. 

Telenoticia 05 September 2025

Den Telenoticia awe

• E problematica di adictonan ambulante ta continua y instancianan concerni ta recibiendo hopi keho. Awemainta a tuma lugar un accion den Caya Betico Croes di parti di varios instancia hunto cu Minister di Asuntonan Social, pa asina mira con pa remedia e situacion fastioso aki
• Ademas, WEB Aruba N.V. ta pone den perspectiva e factornan cu ta hunga un rol importante na momento cu confronta un "Blackout" y kico tur mester pasa pa suministra coriente bek na e comunidad
• Tambe, E situacion di pushi y cacho riba caya ta afectando e cunukeronan cu ta cria bestia. Comision Cunukero nan Arubano ta indica cu e situacion ta alarmante 
• Ademas, FAVI Aruba a lansa e proyecto titula 'Perspectivanan Invisibel' cu e meta pa explora inclusividad den arte visual contemporaneo  
• Y Den Internacional, Cuminsando awe, Venezuela lo activa 8 miyon ciudadano cu lo uni na e Forsa Militar Venezolano, pa asina prepara pa cualkier eventualidad

Telenoticia 04 September 2025

Den Telenoticia awe

• Prome Minister a topa contratistanan cu ta traha banda di caminda, unda a entrega e mandatario un cartapa recorda cu a primiti di cumpli cu un ahuste di pago di 1000 florin
• -Ademas, Minister di Finansa, Economia y Sector Primario ta duna sosten na e Seafood Festival organisa pa Fundacion Savaneta Prome Capital y ta firma acuerdo pa e iniciativa aki bira un evento tur aña 
• -Tambe, Arte, moda, diseñonan unico, colornan vibrante den un mixto di texturanan y musica a briya riba e escenario di ArtFashion den e siman di Art Week 2025
• -Y Den Internacional, Icono di moda Italiano y diseñador, Giorgio Armani ta fayece na un edad di 91 aña. Su ultimo aparicion publico tabata na su Armani Privé Show na Paris riba 28 di januari, caminda e la saluda e publico

Telenoticia 03 September 2025

Den Telenoticia awe

• E siman di arte a cuminsa den e capital di arte na Aruba, San Nicolas. Un experiencia unico di creatividad, color, musica, cuminda, baile y yen cultura cu ta transformá den un Feria di Arte 
• Ademas, Tres fraccion den Parlamento ta vocifera riba e tema di siman. E "rijkswet" y ta elabora riba loke cada fraccion a sinti cu a bay bon of malo cu e procedura di e ley aki
• Tambe, Stichting Funari ta lansa campaña di Colga bo Strea di Speransa y aporta na e fundacion pa sigui yuda clientenan cu actividadnan cu e fundacion ta organisa 
• Ademas, Seleccion di Baseball U15 lo representa Aruba den e clasificacion pa Mundial di World Baseball Softball Confederation na Republica Dominicana
• Y Den Internacional, Presidente Nicolas Maduro a contesta Presidente di Merca Donald Trump bisando cu Venezuela ta arma y cla lucha si Merca mester atacá

Telenoticia 02 September 2025

• Den Telenoticia awe
• Ministerio di Asuntonan Economico, Finansas, y Sector Primario, hunto cu otro instancianan ta lansa un mision innovativo cu ta hiba 10 startup di Aruba na Atlanta pa asina conecta cu mercado di Merca 
• Ademas, Presidente di Parlamento ta indica cu Minister di Finansa, Economia y Sector Primario a entrega e Presupuesto 2026 prome cu e fecha stipula
• Tambe, Ayera a reconoce varios miembronan di Prensa pa nan labor tur dia den diferente medianan durante e exposicion "Lens di mi Wowonan". Despues publico presente por a pasa admira tur e potretnan cu periodista y baluarte Leo Vrolijk a scohe pa presenta den e expo
• Y Den Internacional, Militar Mericano a conduci un atake letal riba un supuesto barco di droga den e parti zuid di Caribe, matando asina 11 persona cu tin un posibel relacion cu un cartel Venezolano

Telenoticia 01 September 2025

Den Telenoticia awe

• Minister di Finansa, Economia y Sector Primario, a entrega e presupuesto 2026 den man di Presidente di Parlamento, prome cu dia 1 di september
• Ademas, Despues di 8 aña sin un Convenio Laboral, Trahadornan di Arubus hunto cu nan sindicato Seppa a tene un reunion pa explora ki momento por finalmente cuminsa negosacion pa un CAO nobo
• Tambe, Hopi interes pa informacion riba pensioen durante e prome Ban Topa SVB dilanti oficina na Eagle, en coneccion cu e conmemoracion di e 65 aña di existencia di "Sociale Verzekeringsbank 
• Ademas, Gobierno y varios negoshi a duna honor y sosten na Aruba su seleccion cu a haci un bon trabou na Williamsport durante e International Championship Little League World 2025
• Y Den Internacional, Guatemala ta prepara pa ricibi alrededor di 150 menor di edad pa siman for di Merca, segun presidente Bernardo Arevalo recientemente, un dia despues cu un hues Mericano a stop temporalmente e deportacion di 10 mucha di Guatemala.