Telenoticia 27 Februari 2026

Den Telenoticia awe:

• Accion di Bario na Companashi haya acogida positivo di residentenan cu participacion activo di varios departamento di gobierno hunto cu organisacion y fundacionnan
• Ademas, Prome Minister ta indica cu entre otro Visa, desaroyo economico y politico ta loke ta impidiendo reaunda vuelonan aereo entre Aruba y Venezuela. Lo yega na decision pronto 
• Tambe, Segun Parlamentario di FUTURO, ta spera cu por haya un bon splicacion di e caso lamentabel di e hoben Ayden Lanoy. Mester claridad con a yega na un sentencia asina abou 
• Ademas, Tayer di Arte di Palabra 2026 a tuma lugar banda di lama. Un concepto nobo cu ta laga participantenan ta creativo y inspira na momento di scirbi nan poema pa e competencia 
• Y Den Internacional, Pelea entre parlamentarionan na Brasil despues cu un comision a aproba pa cuminsa un investigacion riba e cuenta bancario secreto y fiscal di yiu di presidente Lula Da Silva den cuadro di corrupcion y fraude 

Telenoticia 26 Februari 2026

Den Telenoticia awe:

• Gobierno, sindicatonan y gremionan a discuti e proteccion social, incluyendo pensioen, "Langdurige Zorg" y apoyo pa famianan cu necesidad especial den e Dialogo Social relaciona cu proteccion social
• Ademas, Na YMCA San Nicolas a presenta e diseño di e prome fase pa e restauracion di Lago Heights Park. Un proyecto cu lo crea espacio pa deporte, recreacion y union den comunidad
• Tambe, A presenta "NGO Academy" oficialmente como iniciativa pa fortalece liderazgo y gobernacion den sector di NGO. E prome curso lo inicia na maart 
• Y Den Internacional, Cuba a acusa 10 persona cu tabata abordo di un "speedboat" registra na Merca di planifica un infiltracion cu fin terrorista.  E speedboat a wordo intercepta dilanti e costa Cubano

Telenoticia 25 Februari 2026

Den Telenoticia awe:

• Empresa priva lo duna sosten financiero na  Scol Duna Un Man, caminda lo crea un cafe y lo duna entrenamento practico na studiantenan cu ta desea di sigui studia den e area di hospitalidad
• Ademas, "Women In Transformation " ta e titulo di e conferencia dedica na e Dia Internacional di Hende Muhe. Lo tin oradornan local y internacional cu lo ta forma parti di e panelistanan
• Tambe, Den e maneho di Turismo nobo lo conoce un "Marine Rest Day" den cual nos beachnan y e ecologia marino lo haya un dia di descanso trahando asina riba sostenibilidad
• Ademas, Malesa cronico di riñon ta un menasa silencioso: Mas cu 90% di caso, no sa mes cu tin e malesa cu por resulta fatal si no detect'e na tempo 
• Y Den Internacional, Cuater aña di guerra entre Rusia y Ucrania a cambia mundo profundamente. Evidentemente por mira e forma di e guerra, e balance di poder global y e siguridad na Europa

Telenoticia 24 Februari 2026

Den Telenoticia awe:

• Gobierno y partnernan deportivo a cuminsa e proceso pa establece un Maneho Nacional y Conseho di Deporte pa un futuro mas sostenibel y factibel pa e futuro di deporte na Aruba
• Ademas, Gobierno a cuminsa creacion di un "Urban Pocket Park" na Oranjestad, combinando reforestacion, siguridad di trafico y bienestar comunitario
• Tambe, DVG cu advertencia pa esnan cu ta biaha pa Suriname, debi cu tin un aumento drastico di casonan di Dengue, como tambe ta adverti riba casonan di Sarampi cu a conoce un aumento den varios pais Latino-Americano 
• Y Den Internacional, Gobierno Mericano a impone restriccion di visa riba tres funcionario Chileno pa motibo di e relacion comercial di e pais cu China, y debi na un cabel submarino cu China a propone pa conecta e dos paisnan. Merka a adverti cu e aki a mina siguridad regional

Telenoticia 23 Februari 2026

Den Telenoticia awe:

• Pronto lo mira cambionan den e "Ruimtelijke Ontwikkelingsplan Volkshuisvesting" adapta, como tambe Minister di Vivienda y Infrastructura y Minister di Turismo a indica cu lo mira un revision y actualisacion di e "Beach Policy"
• Ademas, Caso Caret a sigui awe y famia di Ayden Lanoy den feliz memoria, no ta di acuerdo cu e castigo di parti di fiscal. Ministerio Publico tin e detaye di e caso
• Tambe, Minister di Infrastructura a ricibi presentacion riba un proyecto innovativo di "PLACE", cu lo brinda potret digital y mapa di Aruba cu precision halto pa planificacion y desaroyo sostenibel
• Ademas, Den cuadro di Dia Mundial di Lenga Materno, Fundacion Lanta Papiamento a organisa un charla caminda Linguista Ramon Todd Dandarè a presenta Ortografia di Papiamento: Causa y Consecuencia
• Y Den Internacional, Huramentacion dilanti di Rey Willem Alexander ta marca inicio oficial di Gabinete-Jetten cu reparticion di minister y secretarionan di estado entre partidonan D66, VVD y CDA

Telenoticia 20 Februari 2026

Den Telenoticia awe:

• Minister di Relacionnan den Reino ta indica ta wardando riba e raport final pa asina Aruba por tuma un decision pa loke ta trata e Rijkswet y depende di esaki por beneficia Aruba enormemente, specialmente si kier sigui inverti den e Pais
• Ademas, Corte di Husticia a trata e Caso Penal cu Minister Publico a cuminsa contra e dos agentenan di Cuerpo Policial di Aruba cu a los varios tiro mortal contra e hoben Ayden Lanoy 
• Tambe, Un delegacion di Eerste y Tweede Kamer Hulandes cu ta na Aruba pa IPKO, a haci un recorido extenso riba e tereno di refineria riba invitacion di Minister di Husticia y
  Energia y compaña pa miembronan di directiva di RDA
• Ademas, Arte di driftwood ta conecta Aruba cu mundo mientras Guizza Maria Steenvoorde, Teen Universe International 2025 ta presenta e coleccion simbolico di union y resilensia na Teen Universe 2026
• Y Den Internacional, E Asamblea Nacional di Venezuela a aproba ayera den forma unanime, y despues di dos siman di consulta cu sectornan politico y di sociedad civil, un ley di amnistia cu lo conduci na e excarcelacion di centenares di detenido.

Telenoticia 19 Februari 2026

Den Telenoticia awe:

• Minister di Deporte y IBISA ta lansa oficialmente e plataforma ‘Actividad.aw’, pa facilita e aceso na informacion riba actividadnan deportivo rond di Aruba 
• Ademas, Minister di Enseñansa ta indica cu e situacion preocupante relaciona cu e structura di funcionamento di EPI ta bou invesigacion y ta den man di autoridadnan concerni
• Tambe, Hospital ta implementa Hololens cu sistema di neuronabegacion pa prome biaha na Aruba durante operacion compleho di celebro, como resultado di cooperacion cu UMC Utrecht 
• Y Den Internacional, Despues cu a detene Andrew Mountbatten-Windsor awe mainta, ta spera cu e ruman di Rey Charles lo wordo entrevista pa detectivenan, bou di un castigo penal, pa e acusacionnan di mal conducta den funcion publico

Telenoticia 18 Februari 2026

Den Telenoticia awe:

• Progreso, colaboracion y vision di futuro ta palabranan cu a domina durante un encuentro entre Gobierno di Aruba hunto cu parlamentario di Eerste y Tweede Kamer, cu reconoce e progreso di Aruba”
• Ademas, Ministerio di Maneho di Adiccion ta indica cu tin e atencion pa e problematica di adiccion riba cayanan y cu ta trahando di cerca cu fundacionnan pa combati e situacion fastioso aki
• Tambe, Douane Aruba departamento di unidad di K-9 a welga awemainta, debi cu gobierno no a haci nada ainda cu e situacion di siguridad cu ainda tin e miembronan preocupa 
• Ademas, Stichting Musica a entrega premionan na e ganadornan di Aruba Caiso & Soca Monarch 2026 den cual ta inclui tambe compositor, areglista y e banda cu a compaña e cantantenan 
• Y Den Internacional, Nathalie van Berkel ta retira como miembro di Parlamento di D66. El a retira for di su puesto como candidato pa secretario di estado ayera, despues cu un discusion a surgi tocante erornan den su cv 

Telenoticia 17 Februari 2026

Den Telenoticia awe:

• Dos homenahe special exclusivamente dilanti e kavel di Telearuba na Vondelaan durante Aruba su ultimo parada di Carnaval pa aña 2026. KPA y SMAC a honra Tony Yearwood y SMAC a honra sra. Janeth Rodriguez 
• Ademas, Marca Arubiano ta debuta riba pasarela di New York Fasion Week, Fashion Designers Latin America. Diseñador local cu hopi orguyo ta carga e bandera di Aruba riba pasarela internacional
• Tambe, Despues di un temporada exitoso di Carnaval, e kimamento di Momo ta marca e comienso di renobacion spiritual cu e temporada di Cuaresma 
• Y Den Internacional, Merca ta rindi tributo na un icono cu tin hopi di haber cu e movimiento di derechonan civil na e pais, esta Reverendo Jesse Jackson, cu a fayece cu su 84 aña di edad

Telenoticia 13 Februari 2026

Den Telenoticia awe:

• E situacion di Salud Mental na Aruba ta alarmante y ministerio di Salud Publico ta trahando hunto cu instancianan cpa asina brinda e ayudo optimal na pashentnan
• Ademas, Proyecto di expansion y embeyecimento di parke na e skina di Adrian Lacle Boulevard ta marca un paso importante den revitalisacion di centro di Oranjestad y creacion di un monumento conmemorativo 
• Tambe, Purina y distribuidor Compra, a organisa ‘Masterclass Ready to Market’ pa fortalece conocimiento di socionan y re-afirma e compromiso cu calidad pa mascotanan
• Ademas, Diseño di Arubiano a capta e atencion na dos show di moda na Aruba recientemente y awor e diseñdor ta debuta su creacionnan riba e pasarela di un di e shownan di moda mas importante na mundo, esta e New York Fashion Week
• Y Den Internacional, FBI ta analisando evidencianan nobo den e caso di Nancy Guthrie, mama di e presentador Savannah Guthrie y a comparti detayenan nobo di e posibel sospechoso cu a secuestra señora Guthrie  

Telenoticia 12 Februari 2026

Den Telenoticia awe:

• Prome Minister hunto cu departamentonan concerni a pasa den bario di Companashi, pa asina scucha e preocupacionnan di e habitantenan cu ta biba den e bario
• Ademas, Minister di Deporte hunto cu otro stakeholders a confirma oficialmente e comienso di construccion di e ‘FIFA Mini Arena Turf na veld di S.C. United
• Tambe, E ritmo di Asambeho ta forma parti di e apertura di e dos paradananan mas grandi di Aruba su Carnaval, dunando asina honor na tur cu a aporta pa mantene e ritmo aki bibo tanto local como internacional
• Y Den Internacional, Merca a cuminsa discusionnan cu Venezuela pa asina yega na un agenda energertico cu lo trece cambionan pa e pais 

Telenoticia 11 Februari 2026

Den Telenoticia awe:

• Minister di Husticia ta enfatisa cu mester cooperacion di tur instancia y comunidad pa mantene e areanan turistico limpi y bunita. Turismo ta nos pilar economico
• Ademas, Minister di Turismo, Transporte y Labor a cumpli su compromiso cu comunidad di piscado cu alocacion strategico di "Fish Aggregating Devices" pa fortalece pesca local y mehora siguridad riba lama 
• Tambe, Stichting Musica ta aclarea e situacion cu a presenta cu mester a haci un reconteo di votonan y cu esaki a causa cu resultado di Soca Monarch 2026 a cambia un poco 
• Ademas, Taxista ta indica di ta preocupa pa loke ta e trafico na Aruba. No por duna servicio optimal mas na turistanan, debi cu tin demasiado auto na Aruba cu camindanan ocupa 24/7 
• Y Den Internacional, Diez persona, incluyendo e tirador a fayece despues cu un agresor a los diferente tiro na un scol secundario na e parti Oost di Canada. Mas cu 30 persona a keda herida

Telenoticia 10 Februari 2026

Den Telenoticia awe:

• Construccion di studentenflat den centro di Oranjestad cuminsa como parti di proyecto di renobacion y revitalisacion di e ex-edificio di Ministerio Publico
• Ademas, Awor cu e trayecto di Hunto Pa Progreso a termina, e siguiente paso ta sigui y Minister di Husticia ta indica cu lo sigui cu e aspecto di legalidad na e Pais Aruba
• Tambe, Hospital di Aruba ta introduci su prome empleado di luna pa aña 2026. Daniel Gonçalves a ricibi un tremendo sopresa di parti di gerencia, empleadonan y famia
• Y Den Internacional, Autoridadnan na Arizona ta usando lo ultimo den tecnologia den e buskeda di e mama di e presentador, Savannah Guthrie cu tin 9 dia sin sa di su paradero

Telenoticia 09 Februari 2026

Den Telenoticia awe:

• Trabounan di renobacion y mantencion di e pier di ex-Brisas del Mar na Savaneta a cuminsa oficialmente cu e acto di groundbreaking. E proyecto di renobacion di piernan rond di nos isla lo fortifica e sector di pesca y e comunidad local
• Ademas, Gobierno di Aruba, AVB y Lotto pa Deporte a anuncia oficialmente groundbreaking di projecto FIFA Arena, como paso importante pa desaroyo di futbol local 
• Tambe, Dia Mundial di Epilepsia tin como meta aumenta comprension riba e condicion neurologico, combati stigma y boga pa mas apoyo, tratamiento y inclusion pa mas cu 50 miyon persona rond mundo
• Ademas, Nos tin e recap di Lighting Parade, Carnaval di Mucha na San Nicolas y e Kimamento di Momito cu a pasa den fin di siman di Carnaval 72
• Y Den Internacional, E buskeda di Nancy Guthrie di 84 aña ta drentando su di dos siman. E fecha limite pa un rescate di 6 miyon dollar den bitcoin pa e regreso di e mama di Savannah Gutchrie a pasa y te ainda...ningun pista 

Telenoticia 06 Februari 2026

Den Telenoticia awe:

• Avion di American Airlines cu destinacion Aruba - Miami, a confronta problema cu motor un tiki despues cu e la lanta vuelo. Piloto a pidi Toren di Control pa haci un aterisahe di emergencia na aeropuerto di Aruba 
• Ademas, Ministerio di Cultura ta desea di honra un gran musico Arubiano, esta Julio Bernardo Euson cu un "mural" emblematico den e famoso "Art District" di San Nicolas
• Tambe, Club Kibrahacha e celebra Carnaval 72 cu un gran eleccion di Reina, Prins y Pancho y sigur no por laga afo, tur presente a baila "The Lizard Kacking" den compania di Lord Lallie
• Ademas, Aruba ta keda en shock cu mortonan tragico den fin di siman y varios incidentenan cu a tuma lugar durante e cambio di aña 2026
• Y Den Internacional, Husticia Argentino a pidi Merca pa extradita e presidente di Venezuela, Nicolas Maduro, pa un investigacion den un caso di crimen contra humanidad, specialmente pa loke ta e atrocidadnan cu Venezolanonan a biba den e ultimo temponan

Telenoticia 05 Februari 2026

Den Telenoticia awe:

• Un comision lo re-evalua e kico ta impedi e connectividad entre islanan Aruba, Boneiro y Corsou y den un forma rapido lo por trece ideanan nobo con pa incrementa e coneccion aki y haci'e uno viabel y beneficioso
• Ademas, Cuerpo Policial di Aruba ta wardando e delaster detayenan pa loke ta trata e resto di actividadnan di Carnaval, pa asina sa exactamente cuanto agente policial lo pone disponibel durante e paradanan restante 
• Tambe, Nos tin un re-cap di e North Sunset Parade cu sigur a crea un bon ambiente den riba e ruta como tambe a conta cu un participacion di mas cu 500 participante
• Y Den Internacional, E paradero di Alex Saab na Venezuela ainda no ta conoci. Segun un funcionario anonimo el a wordo deteni y interroga, pero no tin confirmacion oficial, aunke Fiscal General a indica cu e no sa na unda Saab ta na e momentonan aki

Telenoticia 04 Februari 2026

Den Telenoticia awe:

• Instituto Biba Saludabel y Activo, conoci como IBISA ta celebra 50 aña di existencia, introduciendo un logo nobo cu ta bay wordo usa henter aña den tur actividad deportivo 
• Ademas, Temporada di Carnaval ta caminda cu e personal di Ambulance ta asisti na mas casonan di emergencia. Apesar di retonan, Ambulance ta prepara cu 6 unidad pa atende casonan durante Carnaval
• Tambe, Awe ta Dia Mundial di sCancer y ainda tin basta reto cu mester soluciona, specialmente den e area di prevencion, deteccion, tratamento y mester trece mas conscientisacion den e comunidad di Aruba 
• Ademas, Cancer di Martiz por wordo preveni. E programa di screening BOCA di Fundacion ABO ta ofrece 3 programa cu sigur por detecta Cancer di Matriz mas trempan
• Y Den Internacional, Servicio di Inteligencia di Merca ta confirma e detencion di Alex Saab na Venezuela, e aliado financiero principal di Presidente Nicolas Maduro. Posibilidad ta cu lo extradita Saab pa Merca cu lo tin cu enfrenta cargonan contra su persona

Telenoticia 03 Februari 2026

Den Telenoticia awe:

• Un pasamento peligroso a provoca dos auto a dal frontal mainta trempan riba e caminda Kibaima–Balashi. A laga heridonan y basta daño atras, como tambe mester a mobilisa servicio di emergencia pa intervencion
• Ademas, Aruba Wine & Dine Academy a certifica ocho trahado como "Leermeester SVH", como parti di e programa "Leermeester Plus" pa asina eleva e nivel di certificacion di e personal
• Tambe, Nos tin e momento culminante di e Soca Monarch 2026. Aruba completo y publico presente den Carnival Village a biba e momento cu a anuncia e ganador absoluto di e festival
• Y Den Internacional, Un narcotraficante Italiano yama Lorenzo, cu ta forma parti di e personanan mas busca na Italia y cu ta den e lista di "INTERPOL Red Notice", a ser captura na Ciénaga, Magdalena na Colombia

Telenoticia 02 Februari 2026

Den Telenoticia awe:

• SETAR ta celebra 40 aña como Aruba su compania nacional di telecomunicacion, celebrando cuater decada di conexion, innovacion y servicio na e comunidad di Aruba cu mira pa un futuro "smart" y digital
• Ademas, Minister di Finansa, Asunto Economico y Sector Primario ta anuncia cu sr. Walter Mosher ta inicia oficialmente como Director nobo di Free Zone Aruba N.V.
• Tambe, 40 persona a participa den e programa "Kick-Off" - "In The Picture" di Fundacion "Ja Ik", caminda a siña habilidadnan social, pa asina por tin mas exito pa trabou den futuro
• Ademas, Nos tin varios Re-Cap di diferente actividadnan di Carnaval 72, entre otro, Parada di Mucha di Noord, E Traspaso di Mando y Parada di Mucha Oranjestad
• Y Den Internacional, Varios documento recien publica ta ofrece mas claridad riba relacionnan di Jeffrey Epstein y conocemento previo di autoridadnan riba casonan di abuso di menor