Telenoticia 30 April 2026

Den Telenoticia awe:

• Despues di e aviso final di Minister di Husticia cu lo no tolera mas e uzo y presencia di e-step, e-bike y e-scooter ilegal riba caminda publico, awemainta a tuma accion contra "e-steps" riba tereno publico den area hotelero
• Ademas, Ministerionan cu ta resorta cou Gabinete AVP-FUTURO a apunta un taskforce cu lo cuminsa tuma inventario pa asina sigui cu e proyecto di revitalisacion di e centro di ciudad
• Tambe, Aruba a conoce 9 diseñador nobo durante e "Fashion Workshop 101" cu a "showcase" talentonan nobo riba un pasarela vibrante di Creatividad, Identidad y e Futuro di Moda Local
• Y Den Internacional, Despues di Siete Aña di Suspension, American Airlines ta Reanuda Vuelonan Directo Entre Miami y Caracas cu Prome Aterrizaje na Aeropuerto Internacional Simón Bolívar di Maiquetía

Telenoticia 29 April 2026

Den Telenoticia awe:

• Gobierno di Aruba hunto cu Universidad di Aruba ta cuminsa un investigacion via un encuesta pa asina tin un bista riba e efecto di wega di placa, mihor conoci como "Gambling" den nos comunidad
• Ademas, E apertura di Cas Veneranda completamente renoba tabata un momento historico y emocionante pa tanto Gobierno di Aruba, Monumentenfonds y pa famia di Machi y Veneranda Arends
• Tambe, Art Rap Foundation lo transforma cayanan di San Nicolas den un escenario bibo cu un produccion teatral especial cu ta explora e tema di esclavitud door di actuacion, movimiento y narracion. E obra tin como meta crea un experiencia artistico impactante cu ta invita publico reflexiona riba un capitulo profundo di nos historia.
• Ademas, Mini Expo di Biblioteca Nacional Aruba a laga comunidad cera conoci cu e historia di Boy Ecury - un heroe di nos isla cu a lucha pa libertad durante Guerra Mundial II. Un historia di balor, sacrificio y orguyo Arubiano
• Y Den Internacional, Autoridad special Mexicano a captura ‘El Jardinero’, un di e comandantenan principal di cartel Jalisco "New Generation", hunto cu su operador financiero

Telenoticia 28 April 2026

Den Telenoticia awe:

• E splendor ta bek den centro di ciudad. Den oranan di atardi, a haci entrega di e proyecto di restauracion di Cas Veneranda situa na Wilhelminastraat 7
• Ademas, Duarnte e ceremonia protocolar riba dia di Rey, a reconoce hobennan cu  a destaca den comunidad caminda Gobernador di Aruba a entrega tur hoben e copa rotativo Gobernador Felipe  B Tromp
• Tambe, Gobierno di Aruba ta lansa oficialmente e di dos unidad di WAW Mobiel pa asina amplia aceso na movecion y recreacion, hibando actividadnan fisico directamente den bario pa adultonan mayor.
• Y Den Internacional, Rey Charles III  a bishita Merca awe y a reuni cu Presidente Donald Trump y esposa, como tambe a reuni cu Congreso Mericano

Telenoticia 24 April 2026

Den Telenoticia awe:

• Gateway 2030 a alcansa un "milestone" importante cu finalisacion di Fase 1B, celebrando e punto structural mas halto na Aeropuerto Reina Beatrix
• Ademas, A honra un total di 19 ciudadano di Aruba cu un condecoracion real pa nan contribucion excepcional na bienestar, desaroyo y fortalecemento di sociedad.
• Tambe, Sindicato FTA ta apoya vision di gobierno pa hisa salario minimo, pero ta adverti cu un aumento mester bin acompaña pa otro medida pa evita presion riba costo di bida
• Ademas, Proyecto "Bemoeizorg" di Stichting Hunto cu ta andando na Oranjestad y San Nicolas a presenta poco contratiempo cu autoridad. A kibra e confiansa di Stichting Hunto y e clientenan cu ta den custia di e proyecto
• Y Den Internacional, Atentado terrorista a sacudi Cali na Colombia, despues cu bus escolar a explota tras un atake cu cilindro di bom contra un base militar na e ciudad

Telenoticia 23 April 2026

Den Telenoticia awe:

• "E-Steps" y bicicleta di motor no ta permiti riba caminda publico di Aruba. Despues di basta reaccion den comunidad, Minister di Husticia y Transporte ta aclarea e confusion pa loke ta e regulacion cu a introduci pa prohibi tur "e-scooters"
• Ademas, Lansamento di website corpgov.aw como plataforma digital pa centralisa informacion y fortalece transparencia, responsabilidad y practica di gobernacion corporativo na Aruba
• Tambe, Colegio Arubano ta organisa Dia di Inspiracion pa docente y empleadonan cu sessionan riba comunicacion, regulacion emocional, Inteligencia Artificial y motivacion pa fortalece sector educativo
• Y Den Internacional, Caso di asesinato di Mexico awor ta haya un buelta nobo. Casa di Ex-Reina di Beyesa di Baja California, esta Carolina Flores Gómez, ta indica scu u mesun mama a tira e ex-reina mata

Telenoticia 22 April 2026

Den Telenoticia awe:

• Firma di MoU riba Dia di Mama Tera ta fortalece cooperacion entre Gobierno y Aruba Conservation Foundation pa conservacion, desaroyo sostenibel y proteccion di ecosistema marino y terrestre di Aruba
• Ademas, Dia di Mama Tera 2026 cu e tema ‘Nos Planeta, Nos Poder’ ta impulsá comunidad di Aruba pa actua riba sostenibilidad, proteccion di biodiversidad y participacion ambiental
• Tambe, Gobierno ta habri vacatura pa guardia nobo na Instituto Coreccional, KIA, pa asina reforsa sistema coreccional y prepara pa facilidad nobo
• Ademas, Uso di cannabis medicinal entre hende muhe ta aumenta, mientras cu expertonan ta señala beneficio potencial y preocupacion riba riesgo, specialmente durante embarazo
• Y Den Internacional, 5 morto debi na violencia den un prison na Venezuela debi cu presonan no mag di ricibi bishita, falta di comunicacion di parti di Ministerio Publico riba casonan pendiente y falta di productonan di prome necesidad

Telenoticia 21 April 2026

Den Telenoticia awe:

• Gobierno di Aruba ta anuncia medidanan nobo pa regulacion di step electrico riba nos isla. Despues di varios keho cu a ser entrega na autoridad, awor lo prohibi uzo di step electrico riba caminda publico
• Ademas, Aeropuerto di Aruba ta pasando den un transformacion importante. Cambio ta bini, pero no tur lugar lo cambia den aeropuerto. Kico esaki ta nifica pa bo biahe?
• Tambe, Open dag di HOH Academy ta pa motiva hobennan pa sigui den e carera di cuido, resaltando oportunidadnan y formacion profesional na hospital di Aruba
• Y Den Internacional, Trump ta adverti cu e paro na e guera cu Iran ta vence diarason anochi y no por extende mas, mientras cu un delegacion di funcionariona halto di Merca a biaha pa Pakistan pa posible negociacionnan

Telenoticia 20 April 2026

Den Telenoticia awe:

• Den fin di siman, Aruba a conoce su di 5 morto den trafico na altura di ex-Xavier University na Santa Helenastraat.
• Ademas, Inspectie Volksgezondheid Aruba ta alerta pueblo riba persona cu ta suministra hangua na un ciudadano sin e certificacion y/of registracion necesario ta contra ley
• Tambe, Minister Cicilia tabata na St Maarten pa atende e conferencia maritimo y na conclusion a firma dos protocol importante
• Ademas, recientemente na Universidad di Aruba a tuma lugar un simposio special relaciona cu 40 aña di Aruba su Status Aparte
• Y Den Internacional, tragedia na Louisiana despues cu 8 mucha ta fayece despues di un tiroteo masivo diadomingo ultimo. Aldric Werleman cu tur e ultimo informe internacional mas aki rato

Telenoticia 17 April 2026

Den Telenoticia awe:

• Comunidad di Noord a reuni pa e inauguracion oficial di ‘Rotonde Ovito Tromp’, honrando e legado di un baluarte cu a inspira generacionnan cu balornan, respet, disciplina y amor
• Ademas, Departamento di Recurso Humano lo participa proximamente na e carriere beurs grandi na Amsterdam E meta ta, pa trese nos profesional nan bek cas
• Tambe, Inspeccion di Salud Aruba, esta IVA cu alerta cu practica ilegal di remedinan pa baha peso, como tambe e uso multiple di e mesun hangua riba varios persona
• Ademas, Stichting Rancho ta celebra 16 aña di existencia cu un simposio importante caminda lo resalta Herencia, Profesionalismo y Futuro den cual lo inclui Raiz y Caminda
• Y Den Internacional, Iran ta indica cu e Pasada di Hormuz ta habri pa trafico, mientras cu Presidente Donald Trump ta bisa cu e blokeo di Merca lo continua te ora yega na un acuerdo concreto.

Telenoticia 16 April 2026

Den Telenoticia awe:

• Apesar di retonan cu a presenta den e añanan cu a pasa, AZV a conoce un surplus, pero ta mirando cu e fondonan aki ta cabando pa motibo di mas gasto cu no a premira. Demanda pa mas cuido a aumenta, specialmente den e sector di adultonan mayor
• Ademas, Gobierno di Aruba ta trahando preventivamente den varios sector di Salubridad Publico, pa asina duna e poblacion un mihor calidad di cuido
• Tambe, Falta di donadornan ta pone presion riba reserva di sanger, mientras cu banco di sanger ta urgi comunidad pa contribui pa asina garantiza cuido medico continuo
• Y Den Internacional, Camera corporal di agentenan policial na Omaha a captura imagen di un señora cu un cuchiu den su man cla pa ataka un mucha cu tabata sinta den un garoshi di supermarket. E mucha a keda cu un corta na su cara y polis a mata e sospechoso

Telenoticia 15 April 2026

Den Telenoticia awe:

• Colocacion di seyo di monumento ta marca inicio di restauracion di Iglesia Adventista na Bernhardstraat pa proteha y preserva patrimonio religioso y comunitario
• Ademas, Aruba ta fortalece posicion internacional cu apoyo di Hulanda y Union Europeo, cu Gabinete AVP-Futuro poniendo renobacion di Pais Aruba como prioridad tras reunion cu Secretario di Estado
• Tambe, Evento informativo riba Autismo ta pa promove conscientisacion y aceso na servicionan, caminda cu Gobierno ta trahando riba ley pa sosten financiero pa comunidad
• Ademas, Militarnan di Aruba, Corsou, Mariniers Kazerne y otro instancianan a participa den e di 3 edicion di "Double Trouble", pa asina celebra e 40 aña di existencia di ARUMIL
• Y Den Internacional, Brian Hooker, un homber Mericano cu a bisa investigadornan na Bahamas cu su esposa a cay den lama y a desaparece, a keda liber, despues di a ser aresta y interoga den su desaparicion  

Telenoticia 14 April 2026

Den Telenoticia awe:

• Secretario di Estado Eric van der Burg ta destaca exito di Aruba den organisacion di foro OCT-EU y a subraya e oportunidad pa inversion Europeo y cooperacion den Reino Hulandes
• Ademas, Condena di ex-minister pa estafa di Pais Aruba, soborno pasivo y malversacion ta keda definitivo despues cu Hoge Raad a rechaza tur kehonan di casacion
• Tambe, Community Garden na Lago Heights a wordo inaugura como iniciativa pa fortalece comunidad y promove sostenibilidad den bario
• Y Den Internacional, Representante Eric Swalwell, un ex candidato democrata riba lista pa e eleccion pa gobernador di California, a entrega su renuncia for di Congreso dialuna, memey di acusacionnan di mal conducta sexual  

Telenoticia 13 April 2026

Den Telenoticia awe:

• Den fin di siman Vice-Premier Gerlien Croes a inaugura oficina principal di Directie Koninkrijksrelaties en Europese Unie, fortaleciendo cooperacion internacional y oportunidadnan nobo pa Aruba.
• Ademas, Union Europeo ta redobla inversion pa paisnan y Teritorionan Ultramar durante foro internacional na Aruba enfoca riba sostenibilidad y desaroyo economico
• Tambe, Comision Patrimonio Cultural Intangibel a organisa e prome consulta nacional di patrimonio cultural di e sector musica, den cual lo desea di desaroya un inventario nacional, pa asina salvaguardia pa e futuro generacionnan
• Ademas, 7 grupo a participa na e prome Olimpiada pa nos Adultonan Mayor den fin di siman, den cual e grupo "Flor di Aloe" a keda como e ganador absoluto di e olimpiada 2026
• Y Den Internacional, Comunidad di Peru ta indigna, despues cu a ayera a presenta un eror den e sistema di votacion pa presidente nobo di e pais. Awe e poblacion mester a sigui vota den e urnanan electoral  

Telenoticia 10 April 2026

Den Telenoticia awe:

• Tin un inventarisacion di tur e camindanan cu ta den un estado deplorabel na Aruba, pero otro factornan importante, segun minister di Infrastructura, ta impidi pa inverti fondonan pa drecha tur e camindanan malo na e isla
• Ademas, Colaboracion entre EOZ Boneiro y MDC di Aruba ta enfoca riba mehora aceso, calidad di cuido y apoyo pa studiantenan cu necesidad special na Aruba
• Tambe, Departamento di Rijbewijs a bay accion pa mal contento pa loke ta e edificio di Bureau Examen Rijbewijs cu tin añanan sin haya atencion. Personal no ta sinti "safe" mas trahando den e lugar
• Ademas, IBISA y Lotto pa Deporte ta cla pa presenta Weganan Escolar 2026. Scolnan participante lo tin cu bataya otro den varios disciplina deportivo incluyendo atletismo, futbol, volleybal y otro actividadnan recreativo
• Y Den Internacional, Persona cu a haci un "joke" cu autoridadnan na Puerto Rico usando Inteligencia Artificial, a keda deteni. Expertonan ta indica cu e tecnologia ta creando videonan demasiado real

Telenoticia 09 April 2026

Den Telenoticia awe:

• Crisis di Vivienda awor ta un emergencia. Minister di Vivienda ta indica cu lo traha hunto cu FCCA y otro instancianan priva, pa asina yega na un plan mas concreto cu por asisti FCCA den modo cu por trece alivio pa e demanda di vivienda na Aruba
• Ademas, Conexion di awa na Kapel di Alto Vista a wordo activa door di WEB Aruba N.V., cumpliendo asina cu e promesa pa apoya comunidad di Noord
• Tambe, Bo ta prepara pa gana e Mini Mega y Mega Plus di 1 miyon florin? Nos tin un experto cu tin bon "tips" kico bo haci cu e placa, si abo ta e miyonario nobo di Aruba
• Y Den Internacional, Iran ta propone pa inclui Libanon y Hezbollah den negociacion cu Merca pa yega na un acuerdo pa para e guera, despues di fuerte atake di Israel.

Telenoticia 08 April 2026

Den Telenoticia awe:

• Gobierno ta monitorea tension mundial y a tuma medida pa proteha poder di compra na Aruba mirando e impacto di prijs di petroleo riba costo di bida
• Ademas, Ciudadanonan ta reacciona positivamente riba decision di Gobierno pa absorba aumento di prijs di combustibel, mirando esaki como un apoyo memey di costo di bida cu ta subi
• Tambe, Curaçao International Airport a habri bek despues di a cera completamente pa un alerta di bom. Aceso na e edificio tabata limita durante mainta
• Ademas, Autoridadnan ta evalua fin di siman di Pasco Grandi, caminda polis ta pidi esnan cu ta campando pa mantene e areanan limpi, mientras cu Ambulance ta reporta varios melding, principalmente den hogarnan
• Y Den Internacional, Un aña despues di colapso di Jet Set cu a cobra 236 bida, famianan ta sigui den tristesa y ta sigui busca husticia na Republica Dominicana 

Telenoticia 07 April 2026

Den Telenoticia awe:

• Gobierno ta inicia renobacion di De Vuyst Complex como parti di vision pa mehora calidad di bida den bario. E proyecto ta inclui reparacion di casnan, tanto fachada como interior, hunto cu inversion den infrastructura publico.
• Ademas, Caso lamentabel di turista Mericano cu a perde su bida den e area di Mangel Halto. Personal di Ambulance a purba re-animacion, pero no por a logra salba su bida
• Tambe, Consulta Nacional ‘Ban Combersa di Musica na Aruba’ ta invita sector musical pa contribui na desaroyo di inventario di Patrimonio Cultural Intangibel y preservacion di identidad musical di Aruba 
• Y Den Internacional, Apesar di negosacionnan, e ora final di Presidente Trump pa Iran ta yegando, mientras cu e republica Islamico ta rechasa un paro na e guera temporal

Telenoticia 02 April 2026

Den Telenoticia awe:

• Gobierno ta reuni cu organisacionan clave den nos comunidad pa asina re-enforsa siguridad, limpiesa y coordinacion durante temporada di campamento y Pasco Grandi
• Ademas, A haya e dos agentenan policial culpabel den ‘Caso Caret’ y ta keda condená na 3 aña di prison tras tiroteo mortal di Ayden Lanoy. Hues ta considera e tiroteo innecesario
• Tambe, Bureau City Inspector ta activo partiendo saconan di sushi pa asina e comunidad cu ta campando, por tira nan desperdicio y asina tene e areanan di beach rond Aruba...limpi
• Y Den Internacional, Presidente Donald Trump a afirma desde "White House" cu Merca ta cerca di cumpli cu tur obhetivo militar na Iran y ta adverti cu lo laga e pais den e era pre-historico.

Telenoticia 01 April 2026

Den Telenoticia awe:

• WEB Aruba NV y SETAR NV a presenta un proyecto innovador cu lo permiti comunidad paga cuenta di awa di forma rapido y accesibel, pa medio di un online kiosk na diferente localidadnan rond di isla
• Ademas, Horacio Oduber Hospital a habri oficialmente su entrada principal nobo despues di añanan di renovacion y expansion.
• Tambe, den Salud suplemento nan di colageno a bira un trend popular ariba medio nan social rond di mundo.
• Ademas, Yegada di BondsCoach y Hungador di Seleccion di Aruba despues di titula campeon na FIFA Series 2026 Grupo B
• Y Den Internacional, Mexico ta finalisando preparacion nan pa Copa Mundial di Futbol 2026