Telenoticia 05 Juni 2026

Den Telenoticia awe:

• Prome mandatario di Aruba ta cla pa e inicio di Copa Mundial 2026. Awe director di Telearuba a haci entrega oficial di e bala di futbol di FIFA na Prome Minister di Aruba
• Ademas, UNESCO ta otorga na Aruba e prestigioso status di Reserva di Biosfera Mundial, reconociendo su liderazgo den conservacion y desaroyo sostenibel 
• Tambe, Empresanan Arubano lo beneficia di tecnologia mundial di Geotab danki na e servicio nobo di "Fleet Management" cu SETAR a lansa
• Ademas, Team Telearuba ta na Corsou cubriendo tur e eventonan enconexion cu e wega mayan entre Corsou y Aruba. Esaki tambe den preparacion pa e team di Corsou sali rumbo pa Copa Mundial 2026
• Y Den Internacional, Autoridadnan Hapones ta intensifica e buskeda pa un studiante Mericano cu a desaparece durante un vacacion familiar na Kyoto  

Telenoticia 04 Juni 2026

Den Telenoticia awe:

• Crecemento economico, inversion y actividad comercial ta sigui pusha e economia Arubiano den tempo acelera, cu expectativa di supera 8 biyon florin den 2027
• Ademas, Un delegacion di Aruba, Corsou y Sint Maarten ta na Den Haag pa e reunionnan Tripartit na den Haag caminda a resalta e exito di reformanan y progreso pa asina yega na un mecanismo structural pa resolucion di conflicto den Reino
• Tambe, Aruba Tourism Authority ta fortalece campaña Aruba Limpi cu enfoke riba participacion comunitario y maneho adecuado di desperdicio na e isla 
• Y Den Internacional, Un siman prome cu e inicio di Copa Mundial, polis na Toronto a arestá dos homber relaciona cu un estafa di 3.5 miyon dolar di productonan deportivo falso. E confiscacion mas grandi di "jerseys" di futbol falso den historia di Canada  

Telenoticia 03 Juni 2026

Den Telenoticia awe:

• Minister di Husticia durante un conferencia  di prensa ta splica ariba asunto di e maneho ilegal di e-steps y ta indica cu tur operador cu ta haciendo negoshi cu e vehiculo di motor ta na altura kico ta nan obligacion cu e peticion reciente cu a haya for di gobierno di Aruba
• Ademas, Serlimar a pasa den un transicion pa loke ta trata maneho, structura y operacion nobo. E cifranan actual ta mustra cu e compania ta riba e bon caminda
• Tambe, Sindicato SPA, awor bou liderasgo nobo, ta mucho mas activo, y critico specialmente den maneho y proyectonan cu ta stanca, pa asina por logra un cuerpo policial mas structura y organisa
• Ademas, Luna di juni, juli y augustus ta caminda "griep" ta mas activo. Nos tin e mihor tipsnan pa evita bira malo durante un dushi vakantie
• Y Den Internacional, Violencia y diplomacia ta core paralelo den Medio Oriente, mientras Israel y Hezbollah ta busca salida pa resolve e conflicto.

Telenoticia 02 Juni 2026

Den Telenoticia awe:

• Minister di Husticia ta indica cu a kita "scanner" cu ta usa pa control na entrada di KIA, pa motibo cu machinenan ta basta bieu, como tambe a nota cu e contract cu tin cu e compania di scanner, a vence
• Ademas, Den Caso Flamingo awe, Ministerio Publico no tabata di acuerdo cu cierto decisionnan den Corte di Prome Instancia, mientras cu defensa di Caso Flamingo ta indica cu OM no a presenta niun prueba nobo
• Tambe, Muchanan, mayor y docentenan a disfruta y siña hopi durante e actividad varia di Scol Caiquetio cu e tema "Fun, Flavors & Family Night"
• Y Den Internacional, A haya curpa di turista Hulandes sin bida, despues cu tabata perdi pa 6 dia. Autoridadnan ta investigando si ta trata di un accidente of un homicidio

Telenoticia 01 Juni 2026

Den Telenoticia awe:

• Un Aruba mas limpi y bunita: E inauguracion di e Zona di Desperdicio ta marca un momento historico den maneho di desperdicio na nos isla pa tanto local y turistanan
• Ademas, SETAR ta fortalece su red mobil cu innovacionnan nobo manera ‘Sali Conecta’ y GeoTab, pa mehora conectividad y servicio na cliente
• Tambe, Aruba ta anfitrion di e conferencia DuCaPHEN 2026, reuniendo expertonan y lidernan di Salud Publico pa fortalece cooperacion regional y preparacion den Caribe Hulandes 
• Ademas, "Papiamento den Hofi" na Arubiana, a reuni Arte, Literatura, Historia y Tradicion den un gran celebracion di nos identidad cultural y linguistico
• Y Den Internacional, Resultado sorprendente den eleccion Colombiano ta manda e dos candidatonan principal  pa un segunda buelta decisivo dia 21 di juni proximo