Telenoticia 22 Mei 2026

Telenoticia 21 Mei 2026

Telenoticia 20 Mei 2026

Den Telenoticia awe:

• Gobierno di Aruba a instala oficialmente Mildred Schwengle como Ministro Plenipotenciario na Hulanda durante un ceremonia den Nieuwe Kerk na Den Haag, marcando un momento historico den marco di 40 aña di Status Aparte y 50 aña di Himno y Bandera di Aruba.
• Ademas, Presentacion oficial di e prome Zona di Desperdicio permanente na Barcadera, ta marca paso importante den maneho moderno di desperdicio na Aruba 
• Tambe, Presentacion oficial di "The Six – Discovering Dutch Caribbean Nature" ta explora e conexion unico entre hende y naturalesa riba e seis islanan di Caribe Hulandes 
• Ademas, Bala a cuminsa lora na Corsou cu e prome actividad pa loke ta trata Corsou su participacion na Copa Mundial 2026. "Blue Nation" lo ta 3 siman carga cu diferente actividad pa un y tur, preparando pa e prome wega di Corsou contra Alemania dia 14 di juni 
• Y Den Internacional, Caso di Yulixa Toloza ta dal un buelta nobo caminda cu cinco sospechoso ta den poder di autoridadnan y a descubri un cuerpo na Apulo cu supuestamente ta corresponde na e muhe desapareci.

Telenoticia 19 Mei 2026

Den Telenoticia awe:

• Den cuadro di e bishita oficial di Gobierno di Aruba na Hulanda, Prome Minister Mike Eman hunto cu otro miembronan di e delegacion a bishita Stadssarchief Amsterdam, como tambe “Sociaal Economische Raad” Hulanda y a reuni cu Comision Fiho pa Relacionnan di Reino di Eerste Kamer.
• Tambe Minister di Sector Primario, Geoffrey Wever, a presenta oficialmente e carnet nobo DLVV-DAA iniciativa tin como meta pa simplifica y agilisa e proceso di importacion di producto nan necesario pa productor comercial den sector primario
• Ademas Organisadornan di Carubbian Festival, hunto cu Minister Wendrick Cicilia, a anuncia oficialmente e siguiente edicion di e festival popular.
• Y Den Internacional, autoridadnan na Spanja a confirma cu 14 persona ta den aislamiento despues cu nan tabata abordo di un boto caminda a surgi un brote di hantavirus. 

Telenoticia 18 Mei 2026

Den Telenoticia awe:

• Prome Minister di Aruba ta na Hulanda pa asina reuni cu diferente mandatario, como tambe pa presencia e instalacion di Minister Plenipotenciario Mildred Schwengle
• Ademas, Entrante diabierna Taxi Meter lo drenta na vigor cu prijsnan determina pa diferente destinacion. Lo por calcula e tarifa via e app Taxi.aw 
• Tambe, Riohacha ta escenario di importante encuentro diplomatico pa celebra 200 aña di relacion entre Reino Hulandes y Colombia cu participacion di delegacion di Aruba 
• Ademas, Aruba Hi-Winds Striders Race 2026 a pone hoben ciclistanan den centro di atencion durante un atardi yen di emocion, talento y competencia riba bicicleta, cu hopi apoyo di famia y fanaticonan
• Y Den Internacional, Un air show na Mountain Home Air Force Base, Idaho, a ser cancela abruptamente diadomingo despues cu dos avion militar a dal contra otro den aire y a cay na tera. Tur cuater miembro di e tripulacion a logra sali na tempo for di e avionnan

Telenoticia 15 Mei 2026

Den Telenoticia awe:

• Aruba ta escenario di logronan historico pa Deporte di futbol na e isla, cuminsando cu "Ground-Breaking" di e prome veld oficial di turf pa futbol, como tambe inauguracion di e FIFA Arena mini turfna Noord
• Ademas, Aruba Marine Mammal Foundation hunto cu bolunatarionan tabatin e tarea importante pa tene e delfin bou nomber di Charlie calmo, pa asina por wordo guia den e proceso di e duna e animal e mihor cuido posibel
• Tambe, ARUBA DOET 2026 a cuminsa oficialmente cu mas di 130 proyecto boluntario enfoca riba mehoracion di comunidad, scolnan y clubnan deportivo
• Ademas, EPB San Nicolas a brinda oportunidad na alumnonan di e scol pa por a participa den un estudio pa bira un Panadero y na final ricibi un diploma riba nivel di un MBO
• Y Den Internacional, Contrabandistanan no ta trafica mucho droga y hende mas, sino awor ta instalando rednan di coriente clandestino cerca di fronteranan

Telenoticia 13 Mei 2026

Den Telenoticia awe:

• Prome Minister di Hulanda Rob Jetten a culmina un bishita oficial amplio na Aruba enfocá riba cooperacion den Reino Hulandes, sostenibilidad, deporte, cultura y desaroyo economico, cu reunionnan cu Gobierno di Aruba, bishitanan na diferente lugarnan historico y participacion den diferente actividadnan comunitario y ambiental
• Ademas, Minister di Finansa, Asunto Economico y Sector Primario ta representa Aruba na World Free Zone Conference na Panama pa promove inversion, innovacion y potencial economico di Free Zone Aruba
• Tambe, Partido FUTURO ta expresa preocupacion riba e situacion entre ImSan y Horacio Oduber Hospital cu, segun su persona, ta afecta acceso di pashentnan na cuido medico adecua
• Ademas, Serie di seminarionan di Fundacion Contra Violencia Relacional ta enfoca riba reconocemento di abuso, comunicacion saludabel y apoyo emocional den comunidad
• Y Den Internacional, Mayornan a mara nan yiu muher na cadena pa mas cu 10 aña. Caso lamentabel di abuso infantil na Colombia cu a laga e comunidad conmovi

Telenoticia 12 Mei 2026

Den Telenoticia awe:

• Aruba ta yama Bonbini na Prome Minister di Hulanda Rob Jetten cu lo bishita e parti Caribense di Reino pa prome biaha como prome mandatario di Hulanda
• Ademas, Prome Minister di Hulanda Rob Jetten ta indica durante su declaracion na Prensa cu Hulanda lo sigui brinda sosten na tur paisnan den Reino durante e momentonan dificil cu ta pasando den mundo actualmente
• Tambe, Horacio Oduber Hospital ta celebra graduacion di e prome "Physician Assistant" di Aruba den colaboracion cu HAN University di Hulanda
• Y Den Internacional, Medidanan di siguridad insuficiente ta pone cu 12 trahador di un hospital na Hulanda ta den cuarentena pa posibel contacto cu un pashent cu e Hantavirus  

Telenoticia 11 Mei 2026

Den Telenoticia awe:

1. Den un ceremonia special 11 "hondengeleider" a ricibi nan certificacion oficial despues di a completa cu exito nan entrenamento K9 na BOT K9
2. Ademas, Falta 30 dia pa FIFA su Copa Mundial 2026 cuminsa y Telearuba ta den e centro di tur partido treciendo e mihor transmision di futbol mundial pa e fanaticonan di Aruba
3. Tambe, AZV cu advertencia na esnan cu ta bay haci cualkier procedura estetico, pa verifica si e experto di salud ta legitimo, pa asina por evita un situacion lamentabel despues 
4. Ademas, Y e campañanan pa Copa Mundial ta cuminsa cu Fun Miles y Ling & Sons su "Score For Fun" cu premionan manera un auto nobo nobo
5. Y Den Internacional, Pareha Mexicano a logra reuni cu nan yiu cu ta muriendo di cancer apenas un dia prome cu e hoben di 18 aña a fayece.  

Telenoticia 08 Mei 2026

Den Telenoticia awe:

• Seroe Colorado ta riba lista di Gobierno pa desaroya como un area pa vivienda. Tambe ROPV lo no conoce mucho cambio e aña, Minister Herde ta papia riba esaki awe
• Ademas, accidente tragico ta cobra bida di un turista den e area nort di nos isla. Wilfred v/d Biezen cu e ultimo detayenan di e sucedido
• Tambe, Museo Arkeologico Nacional Aruba ta preparando pa Dia Internacional di Museo. No perde e informacion di e dia importante aki
• Ademas, haya sa locual Centro di Bario y Deporte Dakota ta hasiendo pa revoluciona su facilidad cu un enfoke diferente
• Y Den Internacional, haya sa con inteligencia artificial ta cambiando con dokter ta detecta e riesgo di cancer di pulmon prome cu e parece den un scan

Telenoticia 07 Mei 2026

Den Telenoticia awe:

• Departamento di Salud Publico, DVG ta indica cu na Aruba no tin niun motibo di preocupacion pa loke ta trata Hantavirus
• Ademas, Comision Nacional oficialmente instala y lo ta esnan indica pa guia e proceso di implementacion y coordinacion di e plan strategico di Revalidacion y Medionan di Apoyo 2026-2030 
• Tambe, studiantenan di EPB Servicio ta enfrenta examen final cu presencia di parlamentario
• Ademas, haya sa di e trayecto "In The Picture" di Stichting Ja Ik Aruba conhuntamente cu Departamento di Asunto Social 
• Y Den Internacional, secretario di estado di Merca, Marco Rubio di bishita cerca Pope Leo

Telenoticia 06 Mei 2026

Den Telenoticia awe:

• Minister di Husticia, Arthur Dowers ta elabora riba e uzo di E-Steps riba caminda publico
• Ademas, awe a duna inicio na e dialogo conhuntamente cu stakeholders den e sector di turismo
• Tambe, abo ta cla pa registra pa Aruba Bank su Walk & Run? Haya sa ki dia registracion ta habri
• Ademas, Fabiola Angela-Hernandez ta presenta pa nos awe nos seccion di salud, cu e topico 'Alcohol' 
• Y Den Internacional, e persona cu a cambia e dinamica con bo ta mira noticia a fayece.

Telenoticia 05 Mei 2026

Den Telenoticia awe:

• Fort Zoutman. Un forti construi pa defende e area, un forti cu un gran historia y awendia e edificio mas bieuw di Aruba. Awe Gobierno di Aruba ta anuncia restauracion di e monumento aki
• Ademas, nos tin mas informacion awe encuanto Bo Impuesto su servicio di mas nobo y con hopi esaki lo yudabo
• Tambe, delegacion di Aruba consistiendo gran cantidad di persona presente na RioHacha pa e encuantro Caribeño Colombo-Neerlandes
• Ademas, haya sa cua exhibicion ta presente aworaki na Museo Arkeologico Nacional Aruba
• Y Den Internacional, World Health Organization ta den contacto cu Gobierno di Spaña pa loke ta trata e brote di Hantavirus riba e crucero cu pronto lo yega Isla Canaria 

Telenoticia 04 Mei 2026

Den Telenoticia awe:

• Ceremonia solemn a tuma lugar unrato pasa na Plaza Defensornan di Aruba. Awe 4 di mei, Reino Hulandes ta honra y recorda tur esnan cu tabata victima di 2da guerra mundial y cualkier otro conflicto militar durante e Ceremonia di Dodenherdenking
• Ademas, Alianza Informativa Latinoamericana a firma un acuerdo cu European Broadcasting Union p'asina tin acceso di noticia di continente europeo.
• Tambe, awe Gobierno di Aruba a duna inicio na e programa di Revitalisacion di Caya Grandi. Prome Minister Eman y Minister Herde presente conhuntamente cu varios stakeholders  
• Den Deporte, Minister di Deporte, Gerlien Croes a duna inicio den fin di siman na e reunion di "Women in Para Sports Americas". 
• Y Den Internacional, Hantavirus ta e causa di tres persona cu a fayece riba un barco cu a sali for di Argentina rumbo pa Cabo Verde.