Telenoticia Resumen 2025

Telenoticia 23 December 2025

Den Telenoticia awe:

• Minister di Finansa y Economia a firma e Landsbesluit pa formalisa prestamo internacional di 140 miyon dolar, destina pa refinancia debe di pasado y garantisa cu Gobierno di Aruba por cumpli oportunamente cu tur su obligacionnan financiero durante luna di december
• Ademas, Varios truck di bombero a presenta na Tarabana pa un negoshi cu tabata na candela. Despues di 4 ora e logra domina e vlamnan
• Tambe, Organo ehecutivo AZV y SVB ta recapitula tur logronan den aña 2025. Lo sigui traha pa ambos institucion opera optimal den 2026
• Y Den Internacional, Presidente Donald Trump no sa kico pa haci e petroleo cu a confisca di e barconan tankero Venezolano. Lo bendenan, lo keda cu nan y usanan den e reserva di petroleo, pero definitivamente lo keda cu e petroleo, como tambe e barconan

Telenoticia 22 December 2025

Den Telenoticia awe:

• Aruba Airport Authority NV presenta avance crucial den Fase 1B di proyecto strategico "Gateway 2030", destacando expasion operacional, aumento di capacidad pa avionnan y un experiencia modernisa pa pasaheronan cu ta biaha pa Merca, mientras e aeropuerto ta mira dilanti na implementacion futuro di Fase 2 pa 2030
• Ademas, Hospital di Aruba a organisa e di dos "Dutch Antillean Southamerican Clinic", fortaleciendo coordinacion entre dokternan di cas y specialistanan pa optimisalisa tratamiento, referencia y liña di cuido di pashent na Aruba
• Tambe, Cultuurfonds Caribisch Gebied y famia Rasmussen- Henriquez ta presenta e prome ceremonia di "Belva Award" caminda cu ta honra talento artistico emergente na Aruba
• Ademas, Aruba a disfruta di ambiente di fin di aña, musica y arte local durante e di 5 edicion di Aruba Christmas Fair 2025
• Y Den Internacional, Un general Ruso a fayece despues cu un bom a explota bou di su auto den loke Moscu a describi como un asesinato realisa pa e servicionan di inteligencia Ucraina 

Telenoticia 19 December 2025

Den Telenoticia awe:

• Aeropuerto Internacional Reina Beatrix a presenta awe na Prensa di Aruba, e proyecto Gateway 2030 cu ta den fase 1B, den cual lo duna mas espacio pa pasahero y como tambe lo construi un brug nobo pa conecta cu avion nan cu ta yega nos isla
• Ademas, Fundacion "Snoop Doggy" hunto cu Centro di Control di Cacho tin e mihor consehonan con pa cuida e mascota durante e temporada di fin aña caminda ta tira hopi klapchi
• Tambe,  Un kopi di koffie di Youthhouse Montessori’s Tiny Spoon Coffee Stop lo yuda alegra bo dia, pero alabes ta siña alumnonan e pasonan pa futuro den e mercado laboral 
• Y Den Internacional, E sospechoso den e tiroteo masivo na Brown University a ser haña morto ayera nochi despues cu e la comete suicidio. Claudio Neves Valente, un studiante di 48 aña di edad di Brown University cu ta di nacionalidad Portuges, a ser haña sin bida pafo di un luga na Salem, New Hampshire

Telenoticia 18 December 2025

Den Telenoticia awe:

• Gobierno di Aruba ta sostene nos muchanan cu limitacion. A entrega concepto di ley "Handicapten Uitkering" oficialmente, señalando un paso historico pa inclusion y apoyo social den comunidad.
• Ademas, Prioridad di Gabinete AVP-Futuro refleha den presupuesto 2026.  Lo mira cambionan grandi den diferente area manera pa nos grandinan, maestronan, esnan riba bijstand, como tambe pa esnan cu salario minimo
• Tambe, Sigui "Spin", pa asina por haya e oportunidad di gana un auto nobo nobo hunto cu Ling & Sons y Fun Miles den e campaña "Holiday Spin" 
• Y Den Internacional, Den un discurso for di "White House" presidente Donald Trump a repasa tur loke a logra den aña 2025, pero no a anuncia niun plan pa aña 2026 

Telenoticia 17 December 2025

Den Telenoticia awe:

• Gobierno Aruba convoca un conferencia urgente na Bestuurskantoor pa trata siguridad di coredor aereo y maritimo den region y proteha trafico di avion y barconan cu ta sali y drenta Aruba
• Ademas, Aruba a haci un peticion na Consul di Merca na Corsou pa interveni y pasa e mensahe via canalnan diplomatico pa avionan cu ta usa nos espacio aereo laga nan "transponders" cendi, ya cu a registra dos incidente cu por tabatin consecuencianan fatal
• Tambe, Merca ta duna ordo pa blokea tur tankero cu ta drenta y sali for di Venezuela. Un accion cu tanto Venezuela y Cuba a condena y lo entrega un keho contra Merca na Nacionnan Uni
• Ademas, Mirando e popularidad di e iniciativa Ban Bek Caya, lo sera e ultimo edicion diabierna awor cu hopi sorpresa pa e comunidad pa e temporada di fin di aña
• Y Den Internacional, Impasse entre presidentenan. Presidente di Chile a cataloga presidente di Venezuela como "narcodictador". Na su turno Nicolas Maduro a yama e presidente di Chile pa "nazi" y menasa e presidente Chileno

Telenoticia 16 December 2025

Den Telenoticia awe:

• Departamento di Impuesto ta alerta cu mayoria di automobilistanan no ta cumpli cu un aña completo di seguro, y ta buscando solucion hunto cu companianan di seguro
• Ademas, Aruba Hotel & Tourism Association ta enfatisa e necesidad pa un cambio den calidad di turista. Mester enfocá riba bishitantenan cu ta gasta mas y contribui mas na economia di Aruba
• Tambe, Pelicula "E Bruha, Bruhá" parti 2, a lansa recientemente caminda rabia y vengansa ta topa cu amor y balentia. E producto "Blijhier" lo forma parti di e pelicula local aki 
• Y Den Internacional, FBI y polis di Rhode Island a publica potret y video nobo cu ta mustra e persona di interes cu nan ta buscando rond di e campus di Brown University, prome cu e tiramento di diasabra ultimo. E atake a laga dos morto y 9 persona a keda gravemente herida.  

Telenoticia 15 December 2025

Den Telenoticia awe:

• 17 doño di casnan di pueblo finalmente a ricibi nan "erfpachtakte" y a bira propietario legal di nan cas. Gobierno a resolve e problema di tereno y a cumpli promesa di propiedad hunto cu FCCA
• Ademas, E fondo ta disponibel pa asina Cas di Cultura conoce e renobacion necesario. Un contribucion di Gobierno di Aruba hunto cu Aruba Tourism Authority
• Tambe, Ritmo di Gaita, Union, Cultura y hopi sonrisa nos adultonan mayor a experiencia durante "On the Road cu Chicas Gaiteras hunto cu Gobierno di Aruba
• Ademas, Hospital di Aruba ta celebra graduacion di 29 profesional den cuido den diferente estudio, pero cada uno enfoca riba un solo meta, cu ta brinda cuido di calidad specialisa cu ta safe pa comunidad di Aruba
• Y Den Internacional, Atake terorista na Bondi Beach caminda por lo menos 15 persona a fayece y 27 a keda herida, den e tiroteo mas grandi na Australia den casi 30 aña

Telenoticia 12 December 2025

Den Telenoticia awe:

• Awe na Madre Patria Hulanda a tuma lugar e ultimo Conseho di Minister di Reino y Secretario di Estado pa Asuntonan Interior y Relacionnan den Reino, Eddie van Marum a duna un bista con esaki a bay
• Ademas, Hunto pa Progreso di Minister Dowers ta yegando su punto final. E mandatario ta duna di conoce si esaki a logra e meta desea
• Tambe, abo tin un vehiculo cu lo participa den carnaval? Diasabra awor ta dia pa keur y presidente di SMAC ta trece dilanti informacion encuanto Carnaval 72
• Ademas, Aruba Bank cu un donacion significativo unbes mas, clausurando asina nan celebracion di 100 aña
• Y Den Internacional, un poster original di Star Wars a bay pa un suma cuantioso. Haya sa di esaki mas aki rato  

Telenoticia 11 December 2025

Den Telenoticia awe:

• Diasabra awor lo ta tumando lugar den e area di Barcadera, e ultimo Baki den Bario pa loke ta trata 2025. Gobierno di Aruba cu invitacion p'e comunidad pa trece nan desperdicio 
• Ademas, Minister Gerlien Croes a bishita awe Colegio Conrado Coronel como tambe SPO Santa Cruz pa mira con ta brinda educacion na nos hoben nan 
• Tambe, DVG cu tips importante pa viaheronan cu ta preparando pa vakantie fin di aña. 
• Ademas, diasabra ultimo Comite Olimpico Arubano tabatin nan Asamblea General y nos tin informacion di esaki den nos seccion di deporte 
• Y Den Internacional, Maria Corina Machado a yega Oslo y a ricibi su premio Nobel di Paz  

Telenoticia 10 December 2025

Den Telenoticia awe:

• AHATA su CEO ta di opinion cu tur hende mester paga nan parti pa loke ta trata impuesto. Es momento por papia di un competencia husto den sector di turismo
• Ademas, Gobierno di Aruba ta reconoce ekiponan di U6 y U8 cu a competencia den e Big Boys Tournament na Republica Dominicana
• Tambe, fundacion Casa Cuna Progreso a ricibi un donacion di diferente producto, facilitando asina nan trabou pa sigui yuda
• Ademas, den nos seccion di salud nos ta trece pabo informacion encuanto cancer di pecho. Un cancer cubo por trat'e hopi bon, si bo detecta esaki na tempo
• Y Den Internacional, nada mas y nada menos cu 17 club y e Asociacion di Futbol di Argentina ta bou investigacion pa posibel labamento di placa

Telenoticia 09 December 2025

Den Telenoticia awe:

• Tanki di Alto Vista ta oficialmente den operacion. Minister Dowers hunto cu CEO di WEB y CEO di Florida Aqua Store a habri e cranchi principal.
• Ademas, Departamento di Asunto Social a hasi apertura di oficina nobo na Savaneta
• Tambe, pa brinda un servicio mas cerca di su clientela. Aruba Bank a inaugura su Drive-Thru Center den curason di Savaneta
• Ademas, sera conoci cu e grupo di participante cu a forma parti di e workshop di Youth Vodcast
• Y Den Internacional, ley di Australia ta prohibi hoben bou di 16 aña hasi uzo di medionan social

Telenoticia 08 December 2025

Den Telenoticia awe:

• Aruba ta conoce su di 10 morto den trafico awe den ora nan di atardi.
• Ademas, Minister di Finansas, Economia y Sector Primario, Geoffrey Wever a sali awe rumbo pa Hulanda pa diferente reunion. Nos tabata presente unrato pasa na Aeropuerto internacional Reina Beatrix na momento cu Minister Wever a sali rumbo pa Hulanda
• Tambe, diamars awor ta tuma lugar e Expo ProColombia. Varios material di construccion y diferente otro material den exhibicion.
• Ademas, den fin di siman a sende e luznan di e Cas di Luz na Seroe Preto, celebrando nan di 40 aña. Un publico grandi presente cu presentacion di Chicas Gaiteras a hasi e apertura oficial.
• Y Den Internacional, e plataforma di streaming Paramount ta lansa un oferta pa cumpra Warner Brothers y HBO.

Telenoticia 05 December 2025

Den Telenoticia awe:

• Momento historico! Ta locual Gobierno di Aruba ta cataloga e acuerdo di awe pa maestronan di Aruba haya un restructuracion salarial den su prome fase
• Ademas, Prome Minister di Aruba ta informa comunidad di Aruba riba e motibo pa cual ta cancela su viahe pa Hulanda
• Tambe, temporada di fin di aña ta trece cun'e celebracion, decoracion y e tiramento di klapchi. Brandweer Aruba ta trece dilanti e importancia pa tene bo mes sigur di esaki nan, pa no causa un incendio na bo cas 
• Ademas, nos hermana isla Corsou ta haya sa durante e sorteo di Mundial 2026 e grupo cu el a cay aden y e seleccion nan cu e lo enfrenta na juni proximo 
• Y Den Internacional, e plataforma di Netflix ta cla pa bira mucho mas grandi. Anunciando un compra di 72 biyon dollar. Haya sa e dos compania cu nan lo ta cumprando

Telenoticia 04 December 2025

Den Telenoticia awe:

• Minister di Finansa, Asunto Economico y Sector Primario ta lansa e "Economic Outlook"2025 - 2027, presentando un analisis detaya di crecemento economico y proyeccionnan basa riba datonan resiente te cu oktober
• Ademas, "Townhall Meeting" ta fortalecé transparencia mientras aua presenta un actualisacion detaya riba progreso di gateway 2030 y impacto di su transformacion riba operacionnan diario di aeropuerto
• Tambe, Plataforma Educacion & Labor ta añadi un webpage nobo na dea.aw, pa asina uni enseñansa, companianan y mercado laboral den un centro integral di informacion
• Y Den Internacional, Apesar di e declaracionnan recien di Presidente Donald Trump cu a indica cu e espacio aereo di Venezuela ta sera, por mira cu awe un avion Mericano a baha na e pais cu 260 migrante abordo cu a wordo deporta for di Merca recientemente

Telenoticia 03 December 2025

Den Telenoticia awe:

• Minister di Turismo, Transporte y Labor hunto cu Aruba Ports Authority ta firma un Memorandum of Understanding cu Trampolin pa Trabou, pa asina duna un sosten financiero na e organisacion. Alabes a entrega un kiosco situa na Welcome Plaza pa asina e hobennan por participa productivamente den nos comunidad.
• Ademas, Ocho hoben a ricibi certificado di Sociale Vormingstraject number 20, despues di cuater luna di formacion intensivo di disciplina, guia y desaroyo personal
• Tambe, Minister di Enseñansa a haya un caluroso bonbini for di alumno y docentenan di Aruba Adventist Academy. Loke a destaca di e mainta aki ta e diversidad cultural na e scol 
• Ademas, Riba Dia Internacional di Personanan cu Limitacion, Fundacion Funari ta sigui sostene nan clientenan, organisando varios actividad pa conmemora e dia special aki
• Y Den Internacional, Trump a adverti cu atakenan riba tera por yega pronto den e region, dirigi no solamente na Venezuela sino tambe na cartelnan di narcotrafico na paisnan bisiña

Telenoticia 02 December 2025

Den Telenoticia awe:

• Aruba ta prepara pa maneha e miho ‘high season’ den historia. Minister di Turismo, Labor y Transporte a bishita e departamento di Inmigracion pa mira con ta preparando pa e temporada druk 
• Ademas, Welga ta sigui na Thiel Corporation y Sindicato STA ta indica cu tin un ultimatum pa haci e pagonan, sino, lo hiba e compania corte
• Tambe, Un descubrimento di un cocolishi nobo den e awanan di Aruba, a haya e nomber "Caquetio". Prome Minister a ricibi un publicacion riba e investigacion cu a realisa riba e especie endemico aki na Aruba
• Y Den Internacional, Venezuela tabata un di e topiconan den e reunion di Gabinete Trump, prinicipalmente riba e combersacion telefonico cu Presidente Donald Trump tabatin cu Presidente Nicolas Maduro. Tin algun speculacion di parti media riba loke e dos mandatarionan a combersa, pero ainda niun detaye ta confirma

Telenoticia 01 December 2025

Den Telenoticia awe:

• Minister Salubridad, Asunto Social, Cuido di Adulto Mayor y Maneho di Adiccion a Lansa Plan Nacional 2025–2030 Pa Combati Obesidad, Un Strategia Multisectoral Pa Reduci Sobrepeso y Fortalece Salubridad Publico Na Aruba
• Ademas, Trahadornan di Thiel Corporation a welga awemainta pa motibo cu no a paganan salario di luna di november y tampoco no ta hayando e pago di pensioen 
• Tambe, Den fin di siman a inaugura e oficina caminda Ombudsman Aruba - Defensor di Pueblo lo cuminsa duna servicionan na e comunidad di Aruba. Mandatarionan hunto cu miembronan di Parlamento a haya un recorido di e instalacionnan
• Ademas, CEO di Teen Universe ta na Aruba, pa asina hiba combersacionnan cu diferente instancianan pa mira di por considera Aruba como cede di e certamen Teen Universe den aña 2027
• Y Den Internacional, Presidente di Venezolano Nicolas Maduro a pidi e Organisacion di Paisnan Exportador di Petroleo (OPEC) pa yuda su pais den e lucha contra agresion militar di Merca y su presidente, Donald Trump