Telenoticia 31 October 2025

Den Telenoticia awe:

• Central Bureau Statistiek ta cuminsa cu e Encuesta Forsa Laboral 2025 manera tur aña, pa asina haya un indicacion di con e mercado laboral na Aruba ta mustra
• Ademas, Biblioteca Nacional Aruba su filial na San Nicolas a adkiri un sala nobo yama "Esmeralda" caminda por tene diferente actividad manera exposicion, charla workshop y hopi mas 
• Tambe, Charla riba Menopause lo brinda topiconan riba diferente topico manera efecto di cambio nan hormonal Menopause, y tambe tratamento nan alternativa 
• Ademas, Creatividad a hunga un rol importante den e evento di Halloween cu Colegio San Nicolas a organisa pa tur alumno y docentenan
• Y Den Internacional, Drama den e famia real Windsor. Rey Charles ta kita su ruman Prins Andrew for di monarkia, debi na e escandalo sexual y presion publico rond di e caso di Jeffrey Epstein

Telenoticia 30 October 2025

Den Telenoticia awe:

• Durante e Accion di Bario na e bario di Verano, habitantenan a haya ayudo di parti di departamentonan concerni cu a scucha tur necesidadnan y a inventarisa tur loke e bario tin mester 
• Ademas, Awe a tuma un curso di parti di Recurso Humano Aruba pa tur ambtenaar cu ta desea di haya mas conocemento den varios area di trabou 
• Tambe, Forsa mental, coordinacion, concentracion, "team work" y ambiente ta e ingredientenan cu mester pa Peg'e Bon den e competencia di puzzel 2025 
• Y Den Internacional, Presidente Donald Trump y Presidente Xi Jinping a yega na un acuerdo pa cancela e guera comercial entre ambos pais. China lo planea e exportacion di mineralnan raro cu Merca mester, mientras cu Merca lo baha un tarifa di 100 por ciento riba productonan Chines.

Telenoticia 29 October 2025

Den Telenoticia awe:

• Scol di Musica "E Porta pa Harmonia" situa na Semeleerstraat 8 den e districto di Noord ta habri su portanan oficialmente di prome di november cu e meta pa musica yega mas cerca di nos hubentud y barionan
• Ademas, Proyecto “Hunto Pa Progreso” ta den su fase final: Ministerio di Husticia aclarea cu entrada clandestino via boto, lancha of crucero no ta keda cubrí den e programa 
• Tambe, Su Excelencia sr. Mauritsz de Kort ta huramenta como Gobernador nobo di Corsou den un ceremonia cortico dilanti Su Mahestad Rey Willem Alexander 
• Ademas, FunMiles ta lansa campaña nobo "Holiday Spin" caminda por draai e wiel y haya e chens di gana premionnan instantaneo, como tambe por participa pa gana un auto nobo nobo 
• Y Den Internacional, Mas cu 20 persona a fayece na Haiti despues cu un riu a pasa over debi na Horcan Melissa. Na Jamaica y Cuba e tormenta a haci basta daño, mientras cu awor e horcan ta rumbo pa Bahamas

Telenoticia 28 October 2025

Den Telenoticia awe:

• E vibra di "Halloween" ta den e edicion Ban Bek Caya diabierna awor. Prepara e disfraz, yega y sinta disfruta y shop den ambiente di Halloween. Hopi descuento y animacion den Caya Grandi, Wilhelminastraat y cercania.
• Ademas, Miss Universo Aruba 2025 Hannah Arends a biaha pa Thailandia awe y ta cla pa e certamen di Miss Universe 2025 cu lo tuma lugar dia 21 di november 
• Tambe, Durante e congreso di SKOA, maestronan a ricibi tur herment, pa asina por sigui profesionalisa den e trabou como tambe sigui tur desaroyo y innovacion den educacion 
• Y Den Internacional, Horcan Melissa a yega Jamaica cu tur su furia, causando varios inundacion y... ta menasando otro partinan di Caribe, despues di a bira un tormenta di categoria 5.

Telenoticia 27 October 2025

Den Telenoticia awe

• Mas di 400 pick-up a atende e Baki den Bario na e Veld di Arsenal na Angochi. No solamente e bario di Sta. Cruz pero Paradera, Ayo y vecindario a acudi pa asina contribui na limpiesa di nan bario 
• Ademas, Minister di Deporte a haci entrega di uniform na e atletanan cu lo ta participando den e competencia di CONCECADE, pa asina garantisa Aruba su participacion na e weganan aki
• Tambe, Aruba a presencia un ceremonia unico den fn di siman di un Ordenacion Sacerdotal cu ta tuma lugar na misa Pro-Cathedral San Fransciso na Playa
• Ademas, Aruba ta yama bonbini na aeropuerto Reina Beatrix, Teen Nuestra Belleza Internacional 2025 den persona di Tara van der Werk.
• Y Den Internacional, Presidente Donald Trump lo tin un encuentro cu Presidente di China XiJinPing, pa asina por cuminsa delibera riba tarifa, medida y restrinccionnan cu ambos pais tin riba fabricacion di productonan y exportacion, pa por yega na un mihor acuerdo pa ambos economia

Telenoticia 24 October 2025

Den Telenoticia awe

• U.S. Customs and Border Protection (CBP) a firma un acuerdo nobo di Preclearance cu Aruba, pa fortalece siguridad y modernisa biahamento entre e dos paisnan.
• Ademas, E sesionnan di e Setar Digital Week a culmina exitosamente y tur cu a participa tin tur e ultimo hermentnan cu mester for di e mihor expertonan den e mundo digital
• Tambe, SKOA a organisa diferente actividad durante e "Educational Week" den cuadro di profesionalisacion di e trabou di maestro
• Ademas, E prome conferencia "Man Talk" lo trata e caso di problema mental den nos hende hombernan cu lo tuma lugar riba Dia Internacional di Hende Homber 
• Y Den Internacional, Jamaica por enfrenta dianan di condicionnan malo pa motibo di horcan. Tormenta Tropical Melissa ta intensificando rapidamente den Caribe

Telenoticia 23 October 2025

Den Telenoticia awe

• Gobienro di Aruba hunto cu experto a tene un sesion informativo y transaparente riba e cambionan den e "Rijkswet" y e ley di supervision nobo pa varios instancia den nos comunidad
• Ademas, Minister di Educacion a firma un acuerdo cu Husson University na Maine, pa amplia oportunidad di estudio internacional pa hobennan Arubano. Un paso importante pa fortalece e horizonte educativo di nos isla
• Tambe, E cooperacion entre CONCACAF y FIFA cu ta pone fondonan disponibel pa yuda den e proceso di profesionalisacion di futbol na Aruba, no ta solamente pa e actualisacion di e e facilidadnan, sino tambe pa e formacion di esnan cu ta maneha integralmente e deporte di futbol pa Aruba
• Y Den Internacional, Venezuela ta manda un advertencia cu misilnan fabrica na Rusia ta arma y cla pa usa dado caso surgi un atake contra e pais soberano

Telenoticia 22 October 2025

Den Telenoticia awe

• Minister di Vivienda y Infrastructura y Telecomunicacion a bishita e departamento di DLV cu ta den pleno proceso di restructuracion y automatisacion pa un servicio mas eficiente 
• Ademas, Ta planea pa bin cu incentivonan pa esnan cu yega e edad di pensioen y cu kier sigui traha, specialmente den varios area caminda tin escasez di trahadornan 
• Tambe, Publico grandi a ricibi Samantha Romero na aeropuerto di Aruba, cu a sa di conkista e corona maximo di Preteen World 2025 na Republica Dominicana.
• Ademas, Cientificonan di "Instituto Politécnico Nacional" na Mexico ta desaroya un stetoscop digital basá riba Inteligencia Artificial, capaz di analisa sonido irregular di e curason y detecta daño den e adernan na un etapa trempan
• Y Den Internacional, Nacionnan Uni ta haci un apelacion na Merca pa moderacion y dialogo, insistiendo cu e lucha contra trafico di droga mester sigui regla di ley internacional y respet pa derecho humano

Telenoticia 21 October 2025

Den Telenoticia awe

• Gobierno hunto cu Crisis Management Office y Meteo ta sigui monitorea di cerca Tormenta Tropical Melissa y ta pidi comunidad pa keda alerta den e dianan aki pa motibo cu e tempo lo keda instabil 
• Ademas, Den cuadro di e revitalisacion di centro di ciudad, Gobierno di Aruba a anuncia un destaho publico na interesadonan cu ta desea pa diseña Wilheminastraat, Klipstraat y tambe Oranjestraat
• Tambe, TDS FIFA Talent Academy Boys U13 ta na Hulanda actualmente caminda cu e team lo atende un "camp" di entrenamento, como tambe lo hunga algun wega contra algun di e miho ekiponan den region Hulandes
• Y Den Internacional, Amazon Web Services a bisa cu a drecha e problema existente cu a interumpi hopi di e website y appnan mas grandi di mundo y cu tur servicio a bolbe pa normalidad

Telenoticia 20 October 2025

Den Telenoticia awe

• Accidente fuerte ta laga basta daño material na un cas na Driemasterstraat, pero ayudo a yega mesora di parti di comunidad y otro instancianan, pa asina ta trece alivio na un famia hopi stima den e bario
• Ademas, Ta duna inicio na e siman di tecnologia atrabes di Setar Digital Week, caminda e mundo digital y educacion ta bay man den man cu diferente seminarionan pa publico
• Tambe, Aruba Bank a anuncia oficialmente e programa di su Conferencia di Innovacion 2025, “Inspiring the Future”, un evento inspirador cu ta marca un siglo di progreso y ta mira cu confianza pa un futuro yen di posibilidad
• Ademas, Canonisacion di dos santo Venezolano ta trece fé y speransa pa pueblo di Venezuela y awor mundo ta conoce San Doctor Jose Gregorio Hernandez y San Carmen Rendiles oficialmente
• Y Den Internacional, Estilo pelicula, ladronnan a horta joyanan balioso cu ta pertenece na e era di Napoleon for di e museo mas bishita y protehi na Francia, "Louvre Museum" 

Telenoticia 17 October 2025

Den Telenoticia awe

• Gobierno hunto cu Meteo y CMO ta monitoreando e tempo malo cu lo por pasa riba Aruba den e proximo dianan y ta adverti comunidad cu por spera awacero fuerte
• Ademas, WEB hunto cu Seven Seas Water Group ta firma acuerdo pa asina duna inicio na e planta nobo SWRO-3, cu lo keda cla den juni 2026
• Tambe, Publico presente na e seminario di Desinformacion, organisa pa Red Arubiano di Prensa Profesional, a haya hopi informacion di e impacto di noticianan falso y con prensa por mitiga e riesgonan y trece solucion 
• Ademas, Den cuadro di 100 aña di existencia di Aruba Bank ta organisando un evento specialmente pa honra  y duna balor nos Adultonan Mayor 
• Y Den Internacional, Presidente di Colombia cu critica fuerte contra Merca, pero na mes momento e mandatario ta distancia su mes for di e conflicto entre e pais Mericano y Venezuela

Telenoticia 16 October 2025

Den Telenoticia awe

• Lus den colornan biña y blau a cende dilanti di e fachada di bestuurskantoor den conmemoracion di Dia Internacional di Perdida di Embaraso y Baby, pa crea conscientisacion riba e importancia di e impacto di e perdida di un baby
• Ademas, Plan di implementacion pa modernisa, fortifica y empodera e Departamento di Inspeccion Laboral. E plan tin como meta pa garantisa cu e organisacion interno ta eficiente 
• Tambe, Tras di cada porta tin un historia cu nos no ta mira. E pelicula "Otro Banda di Caya" ta revela kico por pasa ora compasion bira curashi y un acto chikito por haci un impacto grandi 
• Y Den Internacional, Protestanan ta tumando lugar den cayanan di Peru door di gruponan di e generacion GENZ cu ta fada di e gobierno corupto y cu no ta haciendo nada pa frena e crimen na e pais

Telenoticia 15 October 2025

Den Telenoticia awe

• Durante di e apertura oficial diamars anochi di e playground y cancha di futbol na Madiki, a anuncia un era nobo pa e barionan social den cual pronto lo inicia cu e trabaonan di revitalisacion
• Ademas, Na Corsou, Minister Javier Silvania ta entrega su retiro como minister di Finansas y di Gezondheid, Natuur en Milieu den e Gabinete Pisas 2 y ta bay den Parlamento
• Tambe, Explora y compronde e mundo digital den SETAR Digital Week cu ta reuni e mente mas briyante di Aruba pa comparti conocemento y habilidad practico pa dunabo e confiansa pa navega den e era digital di awe
• Ademas, E aña aki riba Dia Internacional di Garoti, clientenan di FAVI kier pone enfasis riba e acesibilidad den e area turistico
• Y Den Internacional, Un vehiculo carga cu explosivo, a explota pafo di un centro comercial na Guayaquil, e cuidad mas grandi di Ecuador. Varios persona a resulta herida y 1 persona a perde su bida

Telenoticia 14 October 2025

Den Telenoticia awe

• Inversion den Caya Betico Croes ta continua. Un Memorandum of Understanding entre Gobierno di Aruba hunto cu Oranjestad Investors Group lo seya varios inversion den e embeyesimento di e centro di ciudad den su totalidad
• Ademas, Pa prome biaha Quota International of Aruba a otorga un beca na un hoben cu un discapacidad auditivo, pa asina e por continua cu su estudionan avansa
• Tambe, 16 preso di KIA ta participando pa prome biaha den e torneo online yama "Chess for Freedom" hunto cu diferente prizoneronan rond mundo. Aruba ta bon prepara pa e participacion aki 
• Y Den Internacional, Hamas ta entregando e curpa di 4 rehen mas despues cu Israel a menasa cu e lo stop e ayudo humanitario pa Gaza. Presidente Mericano Donald Trump a adverti cu Hamas mester desarma

Telenoticia 13 October 2025

Den Telenoticia awe

• Un delegacion di Aruba lo participa na e "Fall Meetings" di International Monetary Fund" hunto cu "World Bank" y pa prome biaha, Pais Aruba lo forma parti di e comision di Ministernan di Finansas, cu lo discuti e tema di accion climatico
• Ademas, Prome Minister cu diplomaticonan di Reino Hulandes pa asina intercambia ideanan con lo ta e mihor manera pa preserva Aruba su medio ambiente y proteha su parke natural 
• Tambe, Debi na trabounan andando riba e brug na Lagoen, DOW a haci tur posibel pa e Lagoen di Wilhelmina Park no pasa over debi na e yobida fuerte den fin di siman 
• Ademas, Love Day Care Center a caba di habri su portanan. Un espacio caluroso pa esnan di edad avansa, specialmente esnan den e fase inicial di demencia, cu ta disfruta di independencia pero tambe ta aprecia sosten y compania 
• Y Den Internacional, Dia historico y emocional pa Israel y Gaza, na momento cu Hamas a libera e 20 rehennan cu a keda atras despues di 2 aña di guera. A cambio, Israel a libera e mas cu 250 Palestino cu tabata prisonero  

Telenoticia 10 October 2025

Den Telenoticia awe

• Minister Finansa y Ecomonia hunto cu Minister di Infrastructura a realisa un bishita den Caya Betico Croes, pa evalua progreso di proyecto di renobacion urbano y oportunidad di inversion den centro di Oranjestad 
• Ademas, Minister encarga cu e cartera di Cuido di Adulto Mayor ta indica cu a cumpli cu e prome vision di Gabinete AVP-FUTRO caminda a aumenta e pensioen di behes
• Tambe, E proceso pa elabora y prepara e saconan di te bou di e nomber di Clien-te, ta den mannan di e clientenan di Centro Briyo di Solo
• Ademas, Pa prome biaha presonan den KIA por competi online den e Olimpiada Internacional di Ahedres. A logra esaki via un convenio firma pa Minister di Deporte y Minister di Husticia
• Y Den Internacional, E anuncio di Premio Nobel di Paz a gara Maria Corina Machado di sopresa, na momento cu e presidente di e premio a persona pa dun'e e anuncio 

Telenoticia 09 October 2025

Den Telenoticia awe

• Varios mandatario a atende un ceremonia riba Rotonde Las Americas dilanti di Cas di Cultura, relaciona cu e proyecto di reforestacion y di renobacion di cuidad
• Ademas, Minister di Husticia hunto cu Cuerpo Policial y Aruparking a tene un accion di control den Klipstraat den cual a parti varios multa pa mal stacionamento.
• Tambe, Chispito ta bek den e "Aventura Na Granel" bou ritmo di Zap Zap Zzzienng" den Biblioteca Nacional Aruba su di 33 edicion di Festival di Buki di Mucha
• Y Den Internacional, Hamas a afirma cu e acuerdo di prome fase di paro na e guera, cu tin garantia di Merca y mediadornan, ta marca e fin total di e guerra den Gaza

Telenoticia 08 October 2025

Den Telenoticia awe

• Bubali y vecindario ta bira e proximo area designa caminda lo efectua e proximo Baki den Bario. Veld di Bubali lo tin diferente baki disponibel pa asina por deshaci di sushi den e area aki.
• Ademas, Post Aruba N.V. ta haci entrega formalmente di cuentanan anual 2016 te cu 2022 na Minister di Finansa, Economia y Sector Primario
• Tambe, - Pa prome biaha den su historia, Banco Central di Aruba ta habri su porta pa comunidad pa un evento historico: 'Conoce Bo Banco Central' caminda lo brinda un experiencia educativo y interactivo na e comunidad
• Ademas, Aruba Tourism Authority ta na Las Vegas caminda a atende e Expo IMEX 2025 cu e meta pa conecta cu partners strategico, pa asina sigui promove destinacion Aruba
• Y Den Internacional, Prome Minister di Canada ta bishita presidente Donald Trump pa sigui cu e negosacionan pa asina cera un acuerdo comercial

Telenoticia 07 October 2025

Den Telenoticia awe

• E misa iconico situa banda di e costa noord di Aruba ta cumpli 275 aña. Construi desde 1750, awe ta conmemora un aniversario special pa Alto Vista
• Ademas, Aruba Marriott Complex ta inaugura e "Shoco Garden" cu e meta pa yuda den preserva e especie iconico aki na Aruba
• Tambe, Horacio Oduber Hospital ta sigui inova y ta adkiri y uza camera ultramoderno 3D e ciruhano cu imagennan 3D durante un “kijkoperatie”
• Y Den Internacional, Awe ta marca e di dos aniversario di e atake di 7 di october riba Israel, lidera pa e grupo extremista Hamas. Israel a contra-ataka caminda Gaza a keda basta destrui y mas cu 66 mil persona a perde nan bida den e guera aki

Telenoticia 06 October 2025

Den Telenoticia awe

• Accidente tragico cu brommer na altura di Cayena Mall. Personal di Ambulans no por a haci nada mas pa e manehador di e brommer cu a fayece na e sitio di e incidente
• Ademas, Dos ministerio a uni forsa den un acuerdo di cooperacion pa promove bienestar di nos adultonan mayor caminda por participa den actividadnan cu tin di haber cu Agricultura entre otro
• Tambe, Eduard Pieters di Partido PPA a huramenta awe como miembro nobo di Parlamento di Aruba y lo representa Fraccion di PPA den Parlamento
• Ademas, Kok Optica a presenta un show di moda dedica na 5 marca di bril cu ta den nan coleccion combina cu pañanan diseña pa Ronchi de Cuba cu e meta pa recauda fondo pa Koningin Wilhelmina Fonds
• Y Den Internacional, Despues di 4 luna den e posicion, Prome Minister di Francia ta tuma su retiro memey di un crisis polico na e pais

Telenoticia 03 October 2025

Telenoticia 02 October 2025

Telenoticia 01 October 2025