Telenoticia 31 Maart 2026

Den Telenoticia awe:

• Minister di Finansa, Asuntonan Economico y Sector Primario ta anuncia nombramento di Thomas Domhoff como presidente nobo di Banco Central di Aruba 
• Ademas, Parlamentario di AVP ta indica cu den e rapport di Algemene Rekenkamer ta parece cierto irregularidadnan den e maneho di fondonan pa loke ta trata FASE, pero di otro banda, Parlamentario di MEP ta bisa cu a actua conforme ley, cu transparencia y cu responsabilidad
• Tambe, Parokia di Dakota ta preparando pa un Peregrinacion y Caminda di Cruz, como tambe Parokia di Santa Cruz ta cla pa presenta E Caminda di Cruz Bibo
• Y Den Internacional, Merca ta reanuda operacionnan di su embahada na Caracas despues di mas di siete aña, marcando un capitulo nobo den relacion diplomatico

Telenoticia 30 Maart 2026

Den Telenoticia awe:

• Gobierno AVP–Futuro a presenta balance di un aña di gobernacion cu enfoke riba restauracion, liderazgo y fortalecemento di identidad nacional
• Ademas, E temporada di Campamento a cuminsa. Telenoticia a bishita varios area pa asina mira con e publico ta campando y con famianan a prepara pa e temporada druk banda di beachnan
• Tambe, Inauguracion oficial di Caya Zepp Wever ta honra su legado den comunidad y ta destaca colaboracion pa desaroyo economico y social di e area.
• Ademas, Aruba ta derota Liechtenstein  4 -1, conkistando asina e titulo maximo di" FIFA Series Group B" y manda un mensahe fuerte: Nivel di Futbol Arubano ta subiendo 
• Y Den Internacional, E tempo pa warda den rijnan largo na aeropuertonan rond Merca a baha for di oranan pa minutnan na momento cu trahadonan di TSA aa cuminsa ricibi nan pago bek

Telenoticia 27 Maart 2026

Den Telenoticia awe:

• Departamento di Cultura ta conmemora e Dia Mundial di Teatro, resaltando importancia di arte teatral den cultura, educacion y identidad.
• Ademas, Studio Don Tico Kuiperi den Telearuba ta cumpli 29 di existencia. Nos ta mustrabo con e yega na e idea pa nombra e studio, honrando e legado di Don Tico Kuiperi 
• Tambe, Temporada di campamento ta cuminsa na Aruba. Tanto Brandweer como Ambulance ta haci un yamada na comunidad pa prepara adecuadamente pa bay campa, pa no mester yama prome auxilio durante cu ta campando hunto cu famia 
• Ademas, Referee di futbol di Aruba ta ricibi "badge" oficial di FIFA den un ceremonia special, marcando un paso importante pa desarroyo di arbitrahe y presencia internacional di futbol local.
• Y Den Internacional, Corte ta haya Meta y YouTube culpabel di negligencia den caso historico di adiccion na medionan social, señalando e impacto negativo riba salud mental di un usuario hoben.”

Telenoticia 26 Maart 2026

Den Telenoticia awe:

• Minister di Labor ta anuncia iniciativa pa modernisa mercado laboral cu modelo di pronostico desaroya hunto cu expertonan di Amsterdam, pa planificacion basa riba data na Aruba
• Ademas, Riba Dia Internacional di Conscientisacion di Epilepsia, Scol Paso pa Futuro hunto cu Fundacion Epilpesia Aruba ta conscientisa y educa hobennan tocante atake nan di Epilepsia
• Tambe, E evento ‘Celebracion di nos Identidad’ a combina poesia, musica, charla y reconocemento riba historia y cultura di Aruba den cuadro di 40 aña di Status Aparte y 50 aña di Himno y Bandera
• Y Den Internacional, Nicolas Maduro y su esposa a parece dilanti corte na New York, declarando na huez cu nan ta inocente. Mientras manifestantenan por y contra Maduro a aglomera dilanti e edificio di corte

Telenoticia 25 Maart 2026

Den Telenoticia awe:

• Firma di Memorandum of Understanding entre Instituto Coreccional Aruba y Minister di Educacion ta marca un paso grandi pa reintegracion, cu inicio di programa MBO Nivel 1 den ‘Welding’ pa brinda diploma reconoci
• Ademas, Ta sigui celebra 40 aña di Status Aparte y 50 aña di Himno y Bandera den e edicion di maart di Ban Bek Caya cu un variedad di bon gastronomia, obra teatral, musica y sigur bon descuento di empresarionan den Caya Betico Croes 
• Tambe, Nos Seleccion Nacional di futbol ta cla pa enfrenta Macau den un partido importante den marco di FIFA Series 2026. Televidentenan lo por sigui e encuentro 7:15 di mainta riba Canal 23
• Ademas, Expertonan ta alerta riba impacto serio di Endometriosis riba salud di hende muhe y necesidad di mas concientisacion y diagnostico trempan.
• Y Den Internacional, Prijs di gasolin ta sigui subi memey di e guerra cu Iran, cu un interrupcion den awanan teritorial di Hormuz cu ta afecta 20% di e suministro mundial di petroleo  

Telenoticia 24 Maart 2026

Den Telenoticia awe:

• Delegacion academico di "University of Pennsylvania" a bishita Aruba pa colabora riba proyecto innovador di reforestacion y desaroyo urbano sostenibel.
• Ademas, Apertura oficial di Ban Studia y EducationUSA ta fortalece guia educativo pa hobenan di Aruba cu aceso directo na informacion y oportunidad pa studia den exterior 
• Tambe, Durante temporada di campamento Bureau City Inspector ta activo cu tur preparacion y control nan pa mantene area nan caminda comunidad ta campa limpi.
• Y Den Internacional, Investigadornan ta inicia proceso compleho pa determina e causa di boksmento fatal entre e avion di Air Canada y un truck di bombero riba e pista di aeropuerto LaGuardia na New York

Telenoticia 23 Maart 2026

Den Telenoticia awe:

• Minister Geoffrey Wever ta biaha pa New York, London y Amsterdam pa reuni cu banco y inversionistanan internacional pa fortalece posicion financiero di Aruba den mercado global.
• Ademas, Oficina di ‘Ban Studia’ y ‘EducationUSA’ a habri oficialmente su porta den centro di ciudad, brindando aceso na informacion, orientacion y apoyo pa studiantenan cu ta busca pa sigui nan trayecto educacional, tanto na Aruba como den exterior.
• Tambe, Si e guerra entre Merca, Israel y Iran persisti, prijs di cuminda lo subi drasticamente. Aruba mester prepara si algo asina pasa, segun comerciante importador
• Ademas, Minister di Deporte ta mira tras na un competencia di natacion "C.A.C. Open Water Qualifier 2026" sumamente exitoso cu ta cuadra cu e vision pa sigui inverti den deporte na Aruba
• Y Den Internacional, Pasaheronan a biba momentonan di teror, na momento cu un truck di bombero a dal frontal contra Air Canada Express riba e pista di La Guardia airport na New York. Piloto y Co-Piloto a perde nan bida y varios pasahero y tripulante a keda herida 

Telenoticia 20 Maart 2026

Den Telenoticia awe:

• E logo di e atraccion na Ayo, ya ta un cambio. Despues di un anja y mei cu a cuminsa cu e renobacion, Fase 1 di e Patrimonio Cultural Ayo  ta cla
• Ademas, Parlamentarionan a scucha e punto di bista di Sindicatonan Uni riba e ley di HOFA
• Tambe, Plataforma Nacional Herencia di Sclavitud a entrega un peticion na Presidente di Parlamento, pa asina reconoce dia prome di juli como Dia Nacional di Conmemoracion
• Ademas, E fechanan pa e di 20 edicion di e Aruba Bank Walk & Run 2026 ta cla y e tema cu a scohe pa e aña aki ta: "Evolving Together
• Y Den Internacional, Misil a cay cerca di un reportero durante transmision "live" na e parti zuid di Libanon. A logra transporta e reportero mesora pa un hospital den cercania pa haya tratamento 

Telenoticia 19 Maart 2026

Den Telenoticia awe:

• Su mahestad Rey Willem Alexander a bishita Aruba recientemente y a participa na e ceremonia protocolar riba 18 di maart, como tambe a haci un recorido na varios punto strategico rond di Aruba y a participa na varios actividad comunitario
• Ademas, Sindicatonan Uni preocupa pa e ley di HOFA a sali protesta durante e ceremonia protocolar cu Rey Willem Alexander a atende y a keda riba e punto cu gobernantenan mester respeta loke pueblo tin di bisa prome cu tuma un decision 
• Tambe, Nos tin un recap con Aruba a celebra e Dia Nacional mas grandi cu nunca. Publico a bishita e actividadnan relaciona cu 18 di maart masalmente
• Y Den Internacional, Presidente Interino di Venezuela ta anuncia cambionan den e gabinete ehecutivo den e sectornan di Defensa, Educacion, Energia y Cultura

Telenoticia 17 Maart 2026

Den Telenoticia awe:

• Plan pa facilidad coreccional nobo ta busca pa eleva condicionnan di detencion y fortalece sistema di husticia na Aruba cu ayudo di "United Nations Office for Project Services" 
• Ademas, Aruba a rindi homenahe na Julio Bernardo Euson cu un mural special na San Nicolas, celebrando su legado musical den marco di 40 aña di Status Aparte y 50 aña di Himno y Bandera
• Tambe, Autoridadnan ambiental ta investigando un caso di dump ilegal den cercania di Arikok cu impacto potencial riba flora, fauna y medio ambiente.
• Ademas,  Bentana Cultural ta duna un bista riba nos Simbolonan Nacional. Nos Himno y Nos Bandera ta significa orguyo, patriotismo, desaroyo, stabilidad y union di nos pueblo

Telenoticia 16 Maart 2026

Den Telenoticia awe:

• Edificio historico restaura na Zoutmanstraat #1 ta habri oficialmente su porta como centro cu ta uni hoben y adulto mayor cu servicio educativo y social. E edificio awor ta cas di Directie Ouderenzaken, Ban Studia y EducationUSA
• Ademas, Union sindical ta pone den cuestion e necesidad di un "Rijkswet "pa supervision financiero, afirmando cu Aruba ya ta cumpli cu reglanan existente
• Tambe, San Nicolas ta vibra cu voz di patria durante evento cultural ‘Poeta di Patria’, celebrando identidad, historia y amor pa Aruba door di poesia
• Ademas, Nos tin varios evento cu a tuma lugar den fin di siman relaciona na e celebracion di e 40 aña di Status Aparte y 50 aña di Himno y Bandera cu hopi cultura, tradicion, color y musica
• Y Den Internacional, Presidente Donald Trump a expresa frustracion cu e aliadonan Europeo despues cu varios pais a rechaza su demanda pa brinda apoyo den Estrecho di Hormuz

Telenoticia 13 Maart 2026

Den Telenoticia awe:

• Hospital di Aruba ta lansa oficialmente sistema electronico nobo di pashent durante ceremonia especial, marcando un paso importante pa digitalisacion y mehoracion di cuido medico na Aruba
• Ademas, SVb ta habri ‘MiPensioen Kiosk’ nobo na MFA Noord pa asina amplia e aceso y eficiencia di servicio di pensioen pa comunidad
• Tambe, Trabounan di restauracion na monumento historico 18 di maart ta andando, den cual lo sigui honra tur esnan cu a lucha paautonomia di Aruba y asina busca pa preserva e memoria nacional pa futuro generacionnan
• Ademas, Documentario ‘Caha di Orgel’ ta conta historia di un tradicion musical emblematico di Aruba, resaltando su rol den preservacion di herencia cultural y conexion entre generacionnan
• Y Den Internacional, Merca a confirma cu 4 personal militar a perde nan bida na momento cu un avion militar a cay na e parti west di Iraq. Autoridadnan a indica cu e incidente no tabata parti di un atake contra e avion

Telenoticia 12 Maart 2026

Den Telenoticia awe:

• Conforme tur protocol, unidadnan di emergencia tabata presente riba pista wardando e momento pa e vuelo AA870 di American Airlines aterisa sin ningun problema na Aereopuerto di Aruba
• Ademas, Lansamento oficial di e pelicula ‘Mi Rason’ cu ta un produccion di Aruba Tourism Authority hunto cu Ministerio di Turismo, ta resalta cultura, comunidad y e beyesa natural di Aruba como parti di strategia pa fortalece e promocion internacional di nos isla.
• Tambe, Nos tin un variedad di noticia relaciona cu e celebracion di 18 maart, incluyendo evento na Do It Center, como tambe N.V. ELMAR lo celebra 18 maart na Museo di Industria na San Nicolas
• Y Den Internacional, Sospechosonan no identifica a tira varios biaha na e consulado Mericano na Toronto den loke oficialnan a describi como un "incidente di siguridad nacional", mientrastanto autoridadnan ta sigui cu e investigacionnan pa determina e motibo tras di e atake

Telenoticia 11 Maart 2026

Den Telenoticia awe:

• Infrastructura di KIA tabata central den reunion entre TOPA y Minister di Husticia cu ta indica cu tin plannan den preparacion pa mehora e condicionnan di e instituto corectional
• Ademas, Destaho publico pa renovacion di pier di piscado na Rodger’s Beach, San Nicolas, ta habri 16 di maart proximo bou di iniciativa di Ministerio di Finansa, Asunto Economico y Sector Primario
• Tambe, Den nos segmento di Salud, Expertonan ta analisa si come desayuno realmente ta esencial pa mantene bon salud y energia durante dia
• Ademas, Siña conoci e simbolonan nacional atrabes di e Bentana Cultural. Tur loke tin di haber cu origen, significacion, concepto, color y elaboracion di cada simbolo. Awe lo ta trata Escudo di Aruba
• Y Den Internacional, Bombardeonan y orden di evacuacion na parti zuid di Libanon ta provoca un exodo masivo; mas cu mey miyon persona a laga nan cas mientras Beirut ta improvisa refugionan pa e crisis humanitario creciente  

Telenoticia 10 Maart 2026

Den Telenoticia awe:

• Situacion di trahador nan di KIA ta birando dia pa dia mas alarmante, TOPA a reuni cu minister Dowers y ta trese diferente solucion nan ariba mesa..
• Ademas, Aruba ta preparando pa celebra un fecha importante pa e pais. 18 maart no ta solamente pa festeha, sino tambe pa reflexiona riba e lucha cu a hiba, den cual awor nos tur ta celebra 40 aña di Status Aparte 
• Tambe, Awor tin un motibo mas pa shop online. Djis yena e garoshi cu bo productonan for di e rebendedornan disponibel riba E-Garoshi.com, paga y ricibi e productonan t'e na porta di bo cas
• Y Den Internacional, Video ta revela con un misil Mericano, esta un Tomahawk, a rementa den un scol na Iran, caminda hopi mucha a fayece debi na e impacto

Telenoticia 09 Maart 2026

Den Telenoticia awe:

• E anker a perdura, e ta simbolo di speransa y e ta firmesa. Den un ceremonia a duna honor na famia Brouns cu e re-diseño di e anker awor den color di Aruba su bandera den cuadro di e celebracion di e di 40 aña di Status Aparte y 50 aña di Himno y Bandera
• Ademas, 20 famia na Aruba finalmente a ricibi e acta oficial di propiedad durante un ceremonia na Fort Zoutman, marcando un paso importante den siguridad di vivienda
• Tambe, Como parti di e iniciativa “Lets Rise Together, Lets Thrive Together”, Sunrise City Coconut Collective a lansa proyecto nobo "Community Herb Garden" na Lago Heights Park 
• Ademas, Aruba ta conoce varios ganador di e festival Un Canto Pa Aruba Su Himno y Bandera cu canticanan original yen di Amor pa Patria, Tradicion y Cultura
• Y Den Internacional, 'Escudo de las Americas" ta busca pa coordina esfuersonan militar y di seguridad entre paisnan pa combati organizacionnan criminal transnacional, specialmente cartel di droga na America

Telenoticia 06 Maart 2026

Den Telenoticia awe:

• Den colornan biña, berde y blanco a duna inicio na e conferencia di Hende Muhe titula "Women in Transformation" cu e meta pa crea un espacio pa reflexiona, conecta, inspira y empodera hende muhe den nos comunidad
• Ademas, 29 aspirant di Scol di Polis Edgar Joaquin ‘Watty’ Vos a huramenta oficialmente y ta autorisa pa eherce e funcion policial den practica
• Tambe, Den cuadro di Dia Internacional di Hende Muhe, Parlamentarionan ta destaca e rol esencial, e fortaleza y reto di hende muhe den nos comunidad
• Ademas, Den marco di 40 aña Status Aparte y 50 aña di Himno y Bandera, experto cultural Edjean Semeleer ta resalta e importancia di simbolonan nacional pa union y identidad di Aruba
• Y Den Internacional, Iran ta planea pa nombra un lider supremo nobo y ta indica cu e di dos yiu homber di Ayatollah Khamenei lo ta siguiente pa bira e prome mandatario di Iran

Telenoticia 05 Maart 2026

Den Telenoticia awe:

• Crisis di Vivienda. Segun calculacion: tin mas cu 8000 persona ta buscando un lugar pa biba, pero tin un maneho nobo na caminda
• Ademas, Stichting Hunto ta lansa oficialmente un unidad mobil cu ta destina pa atende y motiva esnan cu ta sufri di adiccion riba caya. Un logro importante pa e fundacion
• Tambe, En coneccion ciu Dia di Hende Muhe, CEDEHM ta organisa un evento yama "Give To Gain" cu e meta pa combina celebracion cu accion, mediante un campaña di recaudacion 
• Y Den Internacional, Secretario di Interior di Merca a bishita Caracas y a reuni cu Presidente Interino di Venezuela pa discuti cooperacion den recurso natural, mineria y oportunidad di inversion

Telenoticia 04 Maart 2026

Den Telenoticia awe:

• Mildred Schwengle ta asumi e funcion como minister plenipotenciario di Aruba na Hulanda tras aprobacion di Gabinete AVP-FUTURO y awe Sra. Schwengle a huramenta dilanti Su Excelencia gobernador di Aruba Alfonso Boekhoudt
• Ademas, A planta un palo di Watapana dilanti edificio di Biblioteca Nacional Aruba como simbolo di resiliencia y identidad nacional, conmemorando 40 aña di Status Aparte y 40 aña desde cu Biblioteca Publico Aruba a bira Biblioteca Nacional Aruba. 
• Tambe, Participantenan ta cla pa dedica canticanan special den conmemoracion di 40 aña di Status Aparte y 50 aña di Himno Bandera usando Patriotismo, Orguyo, Simbolismo, Color, Tradicion, Cultura y Nos Hendenan den nan letranan riba escenario di e festival Un Canto Pa Aruba su Himno y Bandera
• Ademas, Den nos segmento di Salud: Orthorexia - e trastorno di alimentacion obsesivo cu ta enfoca riba come ‘saludabel’ y cu ta ganando atencion den mundo medico 
• Y Den Internacional, Prome Minister di Spaña, Pedro Sanchez, a bisa "No" na guera y a adverti riba consecuencianan serio pa economia mundial debi na e tension creciente na Medio Oriente.

Telenoticia 03 Maart 2026

Telenoticia 02 Maart 2026

Den Telenoticia awe:

• A duna un inicio oficial na e celebracion di 40 aña di Status Aparte y 50 aña di Himno y Bandera cu e acto ceremonia di Hisamento di bandera di Aruba na e rotonde di Aeropuerto Reina Beatrix
• Ademas, Atake di part di Merca y Israel contra Iran a soprende mundo den fin di siman a genera caos den Medio Oriente caminda Merca ta indica cu a mata e lider supremo di Iran
• Tambe, Aruba prepara pa un otro Baki den Bario na Tanki Leendert. Pronto e iniciativa aki lo conoce un cambio caminda lo pone bakinan fiho na punto strategico riba Aruba
• Ademas, N.V. ELMAR y KIVO Caribbean Aruba a organisa e ultimo evento di e Siman Di Ingenieria camina a invita ingenenieronan di Aruba pa un charla di e futuro di e industria di coriente na Aruba
• Y Den Internacional, Un tiroteo pafo di un bar na Austin Texas, segun autoridadnan a laga 2 morto y varios herido