Telenoticia 30 Januari 2026

Den Telenoticia awe:

• Apertura di e conferencia di Bon Comun a conta cu un gran audiencia, a genera energia positivo y a reforsa e compromiso cu e bon comun y desarroyo comunitario
• Ademas, Departamento di Labor y DAO a entrega un raport evualacion na Minister di Labor cu varios punto cu por optimalisa e servicionan cu e dos departamentonan aki ta brinda na comunidad 
• Tambe, E conferencia di Bon Comun ta yama bonbini na varios delegacion di islanan den Reino, como tambe oradornan internacional cu lo forma parti di e conferencia Common Good 
• Ademas, Bou ritmo di e musica pegahoso di Carnaval, alumnonan di scolnan basico na Oranjestad a disfruta di un Parada Escolar cu hopi ambiente y color
• Y Den Internacional, India ta purbando tur manera pa e virus NIPAH no propaga. Tin dos caso confirma y otro paisnan den cercania ta riba un alerta, controlando na fronteranan, pa asina evita cu mas hende por contagia

Telenoticia 29 Januari 2026

Den Telenoticia:

• Awe a duna inicio na e Common Good Expo, caminda varios fundacion a tuma e oportunidad pa presenta loke nan organisacion ta brinda na e comunidad di Aruba
• Ademas, Diferente di e orador y invitadonan special ta yegando pa e conferencia di Bon Comun, entre nan Minister di Gezondheid Milieu en Natuur di Corsou den su prome bishita di trabou 
• Tambe, Dos incinerator nobo y moderno lo reforza maneho di desperdicio na Parkietenbos, cu atencion special riba desperdicio medico 
• Y Den Internacional, Luto na Colombia pa accidente di avion cu a laga 15 morto, entre nan, personanan politico y lidernan. Autoridadnan ta investigando e causa exacto di e accidente  

Telenoticia 28 Januari 2026

Den Telenoticia awe:

• Prome Minister di Sint Maarten tambe a yega Aruba p'asina forma parti di e Conferencia di e Bon Comun cu ta tumando lugar diahuebs y diabierna awor
• Ademas, Sindicato SPA ta trece dilanti nan opinion encuanto e caso lamentabel na Pos Abao, caminda un persona ta fayece na man di polis y cu departamento no a presenta pa maneha e tipo di situacion aki
• Tambe, sera conoci cu Sibari Foundation. Un fundacion cu ta traha pa yuda den e area social
• Ademas, Synergy Volleyball Team ta hasi entrenamento cu ekipo internacional di bishita na nos isla
• Y Den Internacional, CIA ta creando un plan pa yuda cu e situacion na Venezuela despues di e captura di ex Presidente, Nicolas Maduro

Telenoticia 27 Januari 2026

Den Telenoticia awe:

• Caso lamentabel a sosode awe den oranan di atardi despues pashent no a coopera ni sigui ordo di polis y a cuminsa core den direccion di agente policial cu machete den man. Aki polis mester a usa nan arma reglamentario
• Aruba lo ta anfitrion di e Conferencia Internacional di Common Good y awe na aeropuerto internacional Reina Beatrix a yega Professor Michael Sandel cu lo ta un speaker durante e evento aki 
• Ademas, ATA su conhuntamente cu Ban Serio ta lansa nan campaña nobo cu e lema "Sigui Briya" 
• Tambe, haya sa di e pelicula 'Changa' of na hulandes 'Dubbelspel'. E pelicula ta ilustra bida Caribense na Madre Patria Hulanda
• Y Den Internacional, Gobierno di Spaña a anuncia di lo inicia cu e regulacion di migrantenan ilegal cu ta bibando n'e pais europeo

Telenoticia 26 Januari 2026

Den Telenoticia awe:

• Minister Geoffrey Wever a sali rumbo awe pa Miami pa atende e Conferencia di Inversionista Institucional
• WEB Aruba NV su Motor RECIP a yega Aruba y transporte tabata tumando lugar awemainta. Nos di Telenoticia tin mas informacion encuanto e proyecto grandi aki
• Tambe, Stichting Musica ta cla pa e final di Soca Monarch diasabra awor, pero ta trece dilanti un punto importante encuanto di seguridad
• Ademas, e districto di Noord a eligi nan diferente reina nan di carnaval diasabra ultimo, nos tin tur informacion pabo
• Y Den Internacional, tormenta di sneeuw ta afecta miyones di persona na Merca, lagando un gran cantidad di cas sin coriente

Telenoticia 23 Januari 2026

Den Telenoticia awe:

• Caya Gilberto Francois (Betico) Croes lo haya varios camara y tambe speaker. Esaki pa trece un ambiente den caya grandi pero tambe seguridad pa bishitante y comerciante cu ta inverti den nan negoshi
• Ademas, Minister Gerlien Croes ta manda palabra di felicitacion na tur maestro cu e fin luna aki a conoce un cambio den salario, tur esaki danki na e ahustacion salarial
• Tambe, Dia di Betico ta cerca y tin varios actividad rond di nos isla. Tanto Museo Arkeologico lo tin nan evento pero tambe Fundacion Rancho
• Ademas, Quota Club of Aruba cu varios donacion pa un carnaval mas safe pa nos mucha nan
• Y Den Internacional, tormenta di sneeuw ta menasa unbes mas ciudadnan na Merca y esaki a hiba cun'e cu 10 estado mericano ta den estado di emergencia

Telenoticia 22 Januari 2026

Den Telenoticia awe:

• Un Ministerieele Beschikking" pa loke ta trata dianan liber pa Dia di Betico a trece basta confusion den comunidad. Minister di Labor ta aclarea y pone den contexto con e MB aki ta hinca den otro
• Ademas, Dos auto tabata envolvi den un accidente na pompstation di Seroe Blanco, caminda un di e autonan a bolter. Brandweer mester a duna asistencia mesora
• Tambe, Amplio discussion awe den Parlamento riba e tema di refineria, mirando cu tur cos por cambia den e mundo petrolero desde e captura di Nicolas Maduro dia 3 di januari 2026
• Y Den Internacional, Polis a confirma cu a secuestra un grupo di cristian for di 3 iglesia na Nigeria y mesora Presidente Donald Trump a bolbe manda un advertencia cu si sigui cu a matansa di Cristianan, Merca lo interveni 

Telenoticia 21 Januari 2026

Den Telenoticia awe:

• Minister di Husticia ta indica cu ta trahando riba e caso di "Hit & Run" den e ultimo temponan aki. E mandatario ta bisa cu e tin varios castigo cu mester cambia 
• Ademas, E proyecto Baki den Bario ta conoce cambionan e aña aki. Comunidad mester ta mas consciente na momento di tira sushi den e bakinan disponibel
• Bo oido ta importante, QUOTA activo cu charla di concientisacion den nos comunidad den temporada di carnaval
• Ademas, FADA ta duna inicio na e campaña BAR-Bo Amigo Responsabel y ta sigui conscientisa e comunidad di Aruba pa bebe bebida alcoholico responsabel durante Carnaval 72
• Y Den Internacional, Mexico ta entrega 37 criminal di cartel na Merca den medio di e creciente presion di Trump. Te cu awor 92 criminal di alto riesgo for di Mexico ta sera na Merca.

Telenoticia 20 Januari 2026

Den Telenoticia awe:

• Groundbreaking di e "Pointe Blanche Prison"na Sint Maarten, ta marca un paso clave den e plan di Aruba pa construi un prizon nobo y modernisa su sistema coreccional
• Ademas, E programa di Formacion Social pa 2026 ta cuminsando di 9 di maart. Si ta buscando un cambio positivo den bida, hobennan por inscribi, pa asina forma parti di un cambio real pa futuro 
• Tambe, Comerciante Uni ta spera cu e incentivo cu Minister di Economia ta implementando, por trece bida bek den e centro di ciudad di Oranjestad y den caya principal na San Nicolas 
• Y Den Internacional, Mientras cu Union Europeo ta bringando e tarifanan cu Merca kier impone, Presidente Donald Trump ta sigui insisti riba "groenland" aumentando e tension entre e aliandonan di NATO

Telenoticia 19 Januari 2026

Den Telenoticia awe:

• Logro grandi pa nos adultonan mayor. Prima di AZV cu ta 5 porciento, awor ta bira cero porciento. Pensioenadonan no ta paga Prima di AZV mas
• Ademas, Minister di Vivienda y Infrastructura hunto cu varios instancia gubernamental y priva a haci un presentacion detaya di e proyecto "Tereno Connect" 
• Tambe, Ceremonia di 25 di Januari ta honra Betico Croes y 40 Aña di Status Aparte, resaltando e pasado cu a forma nos identidad y e futuro di pais Aruba
• Ademas, Nos tin e resultadonan di e Tumba Festival 2026 di finalistanan y ganadornan di Infantil, Hubenil y Grandi cu a tuma lugar den fin di siman
• Y Den Internacional, Trabounan di rescate ta sigui, despues cu dos trein di velocidad halto a dal den otro diadomingo ultimo banda di Cotdoba den e parti zuid di Spaña. Mas cu 40 persona a perde nan bida y mas cu 100 a keda herida 

Telenoticia 16 Januari 2026

Den Telenoticia awe:

• Desmantelacion di refineria ta rekeri tempo y evaluacion ambiental, mientras Minister di Finansa y Economia ta sigui di cerca desaroyonan entre Merca y Venezuela como posibel opcion pa almacena crudo Venezolano
• Ademas, Neishi di Shoco den peliger cerca di un lugar cu ta den proceso di construccion. Directie Natuur & Milieu a acudi na e sitio, pa asina cuminsa e proceso di move e neishi pa un lugar mas sigur
• Tambe, Aruba Bank y Federacion di Trahadonan Arubano a firma un CAO nobo pa cuatro aña cu enfoque riba bienestar, seguridad financiero y mehoracion di condicionnan di trabou pa empleadonan
• Ademas, Fundacion Zinnia ta indica cu e casonan di "Hit and Run" ta birando alarmante na Aruba. E ta sumamento doloroso pa un famia pa den un momento asina 
• Y Den Internacional, 32 curpa di e militarnan Cubano cu a perde nan bida durante e atake na Caracas riba 3 di januari, a yega Cuba, pa asina por realisa nan resepectivo entiero

Telenoticia 15 Januari 2026

Den Telenoticia awe:

• Un turista masculino a ser saca for di lama na Mangel Halto sin señal di bida; Paramediconan a purba reanim’e sin exito y dokter cu a presenta a constata morto 
• Ademas, Fundacion Anti Droga Aruba ta expresa cu nan campañanan ta perde forsa, pa motibo cu no ta revisa e leynan existente mas. E conscientisacion cu kier trece na e pueblo, ta keda envano 
• Tambe, Campaña Holiday Spin a yega oficialmente na su fin cu anuncio di e ganadornan y entrega di e premionan grandi, marcando un campaña exitoso y cu hopi "spin" 
• Y Den Internacional, Pa motibo medico mester a evacua tur e astronautanan for di e "International Space Station", pa asina por wordo mihor diagnostica cu ekiponan mas sofistica

Telenoticia 14 Januari 2026

Den Telenoticia awe:

• E protocol di referencia di pacientnan di dokternan di cas pa specialistanan ta den usa caba. Esaki lo agilisa e proceso di referencia pa e pacient na specialistanan cu tabata pega pa basta aña caba
• Ademas, Mediador Pontilius ta indica cu SVB mester sigui controla tur dunador di trabou si ta kitando e prima corecto for di salario di empleadonan 
• Tambe, Cuerpo Policial di Aruba ta indica cu mirando e accidente y mortonan mas recien cu a pasa, ta momento pa aumenta boetnan, hisa castigonan y crea mas conscientisacion pa e situacion den trafico por drecha
• Ademas, Un cita na CORESA pa un screening preventivo por scapa bo bida. Nos ta mustrabo con pa haci un cita stap pa stap cu CORESA, pa asina por cuminsa e screening trempan
• Y Den Internacional, E protestanan na Iran ta birando mas violento, mirando cu tin mas cu 1800 morto caba. Si e situacion sigui asina, Presidente Donald Trump lo manda ayudo pa Iran 

Telenoticia 13 Januari 2026

Den Telenoticia awe:

• En coneccion cu e trabounan di restoracion cu ta andando na Scol Basico Xander Bogearts, Minister di Enseñansa a haci un bishita pa mira con e trabounan ta bayendo
• Ademas, E monumento dedica na piscadornan perdi ta cla y a prepara un ceremonia di desvelo protocolar, pa asina duna tur honor na piscadornan cu a sali for di Aruba y cu nunca a bolbe
• Tambe, Aruparking lo sigui controla y mantene ordo publico den centro di ciudad pa garantisa seguridad y fluidez di trafico. Lo tin mas activo cu controlnan
• Y Den Internacional, Dialogo entre Spaña y Venezuela: Presidente Sanchez ta indica na Presidente Delcy Rodriquez pa sigui cu e liberacion di prizoneronan politico meney di e crisis regional na Venezuela 

Telenoticia 12 Januari 2026

Den Telenoticia awe:

• Prome Minister di Aruba, Mike Eman a anuncia e conferencia "The Common Good". E Bon Comun: Un principio fundamental cu ta sostene un sociedad cu ta florece, basá riba dignidad, solidaridad y bienestar compartí
• Ademas, Minister di Finansas, Economia y Sector Primario a anuncia e diferente incentiva nan fiscal cu a anuncia na inicio di luna, entre otro e expatregeling
• Tambe, Proceso Hunto Pa Progreso a duna un resultado mas positivo cu a premira y a dicidi di extende e periodo di aplicacion te cu fin di januari
• Ademas, Nos tin un recap di algun evento di Carnaval den fin di siman, manera Festival di Calypso y Roadmarch di mucha, como tambe eleccion Reina Infantil y Hubenil di Aruba su Carnaval 72
• Y Den Internacional, Colombia ta den shock cu e perdida di un gran artista, Yeison Jiménez na momento cu a avion cu e artsita tabata abordo, a cay. No tabatin ningun sobreviviente  

Telenoticia 09 Januari 2026

Den Telenoticia awe:

• Departamento di Impuesto ta indica cu solamente 90% di clientenan a cumpli cu e pago di belasting 2025 completamente y esey mirando cu e fecha stipula pa e pago nobo ta 2 di februari 2026
• Ademas, Aruba Tourism Authority ta keda optimista di e cifranan cu a premira pa e prome kwartaal di aña 2026, apesar di e contratiempo cu a experiencia na aeropuerto siman pasa cu cancelacion di vuelonan
• Tambe, Aruba Bank ta sostene Kiwanis Club of Palm Beach cu nan evento anual di recaudacion di fondo...un iniciativa cu ta sostene varios instancianan y proyectonan cu ta beneficia directamente nos comunidad
• Ademas, Señora Maritza Erasmus a presenta un exposicion di obranan di man unico caminda sentimentonan di un persona ta keda graba den un escultura di man pa semper
• Y Den Internacional, Presidente Donald Trump ta vigilando e situacion di Iran di cerca y ta adverti lidernan pa stop e violencia contra e protestantenan  

Telenoticia 08 Januari 2026

Den Telenoticia awe:

• Aruba ta marca un momento historico cu lansamento di vuelo directo cu Argentina, via Aereoliñas Argentinas, fortaleciendo asina su conectividad cu varios pais den Latino America
• Ademas, Despues di basta critica di camindanan rond di Aruba cu ta den mal estado, DOW ta indica cu a inicia cu preparacionnan pa drecha varios caminda cu ta kibra, apesar di a confronta retonan pa loke a planifica caba
• Tambe, Tur areglo, letranan, musica y participantenan ta cla pa e Festival di Calypso y Roadmarch Infantil y Hubenil pa Carnaval 72 cu lo tuma lugar na Carnival Village
• Y Den Internacional, Presidente di Asamblea Nacional di Venezuela a duna di conoce awe cu gobierno di e pais a dicidi di pone de libertad un cantidad di presonan politico, tanto Venezolano como stranhero, den un esfuerso pa uni e pais

Telenoticia 07 Januari 2026

Den Telenoticia awe:

• Apenas 7 dia den aña nobo y Aruba ta registra 3 morto tragico den trafico. E chauffeur envolvi den e accidente den e mas reciente accidente riba e caminda di Ser'i Teishi a fayece
• Ademas, Lidernan di fraccion den parlamento a reuni cu Crisis Management Office, pa asina discuti impacto di crisis Venezolano, como tambe e situacion actual den e region
• Tambe, Nos tin recapitulacion completo di e ceremonia di desvelo di e caminda na honor di Sr. Jan Hendrik Albert (Henny) Eman. Parti cu ta L.G. Smith Boulevard ta yama awor Henny Eman Boulevard
• Ademas, Programa di Screening CORESA, esta "Colorectal Screening Aruba" por yuda detecta e cancer na tempo y den un etapa trempan. Dokter Franca ta splica mas tocante cancer di Tripa
• Y Den Internacional, PDVSA, compania di Petroleo na Venezuela, ta confirma cu ta den dialogo comercial cu Merca riba exportacion y benta di volumen di petroleo, mirando e relacion comercial entre ambos pais

Telenoticia 06 Januari 2026

Den Telenoticia awe:

• Na honor di estadista, politico prominente y ex-prome minister di Aruba, a inaugura un parti di L.G. Smith Boulevard cu awor lo yama Henny Eman Boulevard na honor di Jan Hendrik Albert (Henny) Eman, den feliz memoria
• Ademas, Aruba Tourism Authority ta usa diferente metodonan pa asina haya data, pa ta prepara pa un posibel crisis manera cu a presenta den fin di siman, caminda por alvia un situacion mas liher 
• Tambe, A cuminsa warda tur klapchinan cu a resta despues di e benta den fin di aña 2025 na Wela y mesora DOW ta evaluando con por sigui mehora pa e benta di aña 2026 
• Y Den Internacional, Presidente Donald Trump ta manda un advertencia skerpi pa Colombia, Mexico y Cuba pa stop cu e trafico di droga, sino Merca lo actua, pa asina crea un hemisferio mas sigur

Telenoticia 05 Januari 2026

Den Telenoticia awe:

• Un fin di siman di tension cu a biba na Aruba. Captura di Presidente Nicolas Maduro den mannan di militarnan Mericano ta e noticia cu a domina mundo henter. Nos tin e detayenan con e noticia aki a afecta Aruba 
• Ademas, Espacio aereo a cera 3 januari. Pasaheronan cu man na cabes pa yega y sali for di Aruba, pero solucion rapido di tur instancia concerni, a calma e situacion den menos cu 1 dia 
• Tambe, Bishita di Minister di Defensa Hulandes ta pa garantisa proteccion di Reino Hulandes y ta duna trankilidad y siguridad na islanan di Reino Hulandes den Caribe
• Ademas, Aruba ta keda en shock cu mortonan tragico den fin di siman y varios incidentenan cu a tuma lugar durante e cambio di aña 2026
• Y Den Internacional, For di captura di Nicolas Maduro, pa celebracion rond mundo di Venezolanonan cu a logra nan libertad, te cu protestanan na varios pais contra e manera violento cu Merca a captura Maduro