Telenoticia 28 November 2025

Den Telenoticia awe:

• Plan pa desaroya y renoba Wilhelminastraat y e area rond, ta riba mesa. Arkitectonan local a presenta na Gobierno di Aruba diseñonan caminda e herencia cultural lo keda plasma den e centro di ciudad
• Ademas, Awe a inaugura e oficina caminda Ombudsman Aruba - Defensor di Pueblo lo cuminsa duna servicionan na e comunidad di Aruba. Mandatarionan hunto cu miembronan di Parlamento a haya un recorido di e instalacionnan 
• Tambe, Sindicato STA ta preocupa cu e nombracion di e CEO nobo di Aruba Airport Authority ya desvia di e ley, mientras cu Minister di Turismo ta indica cu lo nombra un director estatal banda di e CEO nobo pa Triple AAA 
• Ademas, E Buki "Amor Ontdekt Aruba" ta transporta lesadonan den un biahe romantico mientras cu e personahe ‘Amor’ ta descubríi Aruba y mustra e diversidad y bunitesa di e isla den Reino Hulandes 
• Y Den Internacional, 94 persona ta fayece den e mega-candela na tres edificio na Hong Kong. Autoridadnan a aresta 3 ehecutivo y ta culpanan pa loke ta trata e incidente lametabel aki

Telenoticia 27 November 2025

Den Telenoticia awe:

• Gobierno di Aruba hunto cu departamentonan concerni ta hayando informacion for di fuentenan oficial di Reino riba e situacion entre Merca y Venezuela
• Ademas, Den Accion di Bario awe: Gobierno y servicionan publico a uni forsa y a bishita Pos chikito Zuid, pa atende e necesidad di habitantenan
• Tambe, Lucha contra Crimen y Violencia Digital, "Stalking" y Seguridad Online di Hende Muher tabata e tema di e simposio di CEDEHM relaciona cu e movecion "Orange The World
• Y Den Internacional, Presidente di Republica Dominicana ta autorisa uso temporario di zona restringi na dos aeropuerto, pa facilita e transportacion di ekipo y personal tecnico Mericano

Telenoticia 26 November 2025

Den Telenoticia awe

• Aruba restablece "EducationUSA Advising Center": Ministerio di Educacion y Consulado Mericano ta firma un MoU strategico pa amplia informacion, guia y oportunidad di estudio superior pa nos studiantenan 
• Ademas, Di vision pa realidad: MFA Noord a celebra un decada sirviendo comunidad cu un centro integral cu ta uni servicionan esensial bou di un solo dak
• Tambe, Partido MEP ta conmemora fecha di fayece­mento di Betico Croes den un ceremonia solemne y ofrenda floral na su graf hunto cu famia y sostenedornan
• Ademas, Lus oranje ta cende dilanti bestuurskantoor pa pa asina trece conscientisacion riba violencia contra hende muhe y ta duna inicio na campaña "Orange The World
• Y Den Internacional, Aereolineanan cu a cancela vuelonan pa Venezuela, awor, tin solamente 48 ora pa re-anuda e vuelonan, sino lo perde e permiso di buelo pa Venezuela  

Telenoticia 25 November 2025

Telenoticia 24 November 2025

Den Telenoticia awe:

• Autoridadnan ta investigando e asesinato na Solito caminda cu a curpa sin bida di un hende muhe muerto den un freezer, mientras cu tin un buskeda intenso pa e sospechoso cu e comete e crimen aki
• Ademas, Merca ta intensifica operacionnan militar den Caribe, mientras cu Venezuela ta zona e alarma pa posibel atake y a denuncia un ola di “presion geopolitico y guerra sicologico” 
• Tambe, Apelacion den Caso Flamingo ta tuma otro direccion. Hof lo Scucha dos testigo solamente y a fiha fecha nobo pa e continuacion di e caso pa juni 2026 
• Ademas, Pa celebra Dia Internacional di Mucha, Fundacion 131 a pone un 26 bandera riba 26 rotonde rond di Aruba como celebracion ta e aniversario number 26 di e fundacion
• Y Den Internacional, Expertonan Venezolano a condena e reciente demostracion militar di Merca den Caribe y e interferencia di e White House. Nan ta enfatisa cu e unico solucion ta dialogo y respet pa soberania di e paisnan.

Telenoticia 21 November 2025

Den Telenoticia awe

• Aruba ta conoce e di 8 morto den trafico, na momento cu un vehiculo a alcansa un peaton cu tabata crusando caminda principal na altura di retonde na Pos Chiquito bay abao
• Ademas, Ministerio di Infrastructura ta intensifica esfuersonan pa mehora vivienda na Aruba y ta planea pa anuncia proyectonan nobo prome cu fin di aña
• Tambe, Siman di Deporte lo ta tur aña den luna di november na Corsou y delegacion di Aruba a forma parti di e inicio di Corsou su Conferencia Internacional di Deporte
• Ademas, Durante e celebracion na Corsou pa e seleccion di futbol a clasifica pa Mundial 2026, Gobierno di Corsou a reconoce Jeon pa su composicion di e cantica "Blue Wave" dedica na Team Corsou
• Y Den Internacional, E plataforma di wega online "Roblox" ta reforsa verificacion di edad cu Inteligencia Artificial, pa asina aumenta seguridad y combati cu depredadornan por drenta e plataforma

Telenoticia 20 November 2025

Telenoticia Bibo for di Carubbian Festival Aruba

Telenoticia 19 November 2025

Den Telenoticia awe:

• Minister di Finansas, Economia y Sector Primario Geoffrey Wever a presenta awe mainta na comunidad di Aruba e uitvoeringsrapportage di e kwartaal number 3.
• Ademas, Awe ta honra balor cultural,fFortaleza y aportacion di hende homber den nos comunidad riba e Dia Internacional di Hende Homber
• Tambe, Varios instancia na Aruba ta preparando pa Celebra Dia Internacional di Mucha cu varios actividad y charlanan cu ta pone enfasis riba e importancia di derecho di mucha 
• Ademas, Pueblo di Corsou ta celebra grandemente e clasificacion di e seleccion di futbol di Corsou pa e Copa Mundial 2026 cu ceremonia y parada dedica na e heroenan di Corsou 
• Y Den Internacional, Presidente di Merca ta e anfitrion di e "Black Tie Gala Dinner" organisa pa e Prins di Arabia Saudita caminda personahenan distungui y celebridadnan den entretenimento y deporta a asisti

Telenoticia 18 November 2025

Den Telenoticia awe:

• Prome Minister hunto cu Minister di Cuido di Adulto Mayor a ricibi e edificio historico situa na Zoutmanstraat 1 cu a keda completamente restaura
• Ademas, Parlamento di Aruba a trata e Cuenta Annual di 2019 y esaki a keda aproba cu 17 voto pro y solamente un (1) voto contra, apesar di algun contratiempo durante reunion
• Tambe, Aruba bank ta inaugura su “self-service branch”, un sucursal totalmente modernisa cu ta eleva comodidad, accesibilidad y inovacion financiero pa comunidad Arubano den centro di ciudad
• Y Den Internacional, Presidente Donald Trump ta insisti cu su administracion ta considerando tur alternativa, incluyendo negosacion cu Presidente Maduro, sin descarta presencia militar Mericano den e Crisis Venezolano  

Telenoticia 17 November 2025

Den Telenoticia awe

• Gobierno di Aruba y Royal Schiphol Group firma un nuevo acuerdo pa fortalece y prolonga e cooperacion estratégico cu a guia e operacion y desaroyo di aeropuerto di nos isla durante e ultimo 20 aña
• Ademas, Publico a acudi masalmente na e accion di limpiesa di Baki den Bario den fin di siman cu a tuma lugar na Playa Pabou, pa asina desposita desperdicionan pa e temporada di fin di aña 
• Tambe, Coleccion.AW a bira un realidad. A mortalisa pa semper Aruba su herencia documental y audiovisual den forma digital cu awor ta bira accesibel pa un y tur
• Ademas, WEB Aruba N.V. a duna inicio na e temporada di Pasco cu e apertura di Parke di Luz: Fantasia di Pasco, como tambe a ilumina e rotonde di Kibaima
• Y Den Internacional, E resultadonan di e eleccionnan na Chile ta mustra un polarizacion di e electorado cu dos candidato cu lo confronta otro den un segunda buelta

Telenoticia 14 November 2025

Den Telenoticia awe

• Gobierno di Aruba, EPI y Directie Ouderenzaken Ta Firma Colaboracion pa Fortalece Educacion y Profesionalisacion den Cuido di Grandinan via 'Long Life Learning'
• Ademas, E temporada a yega caminda ta mira lusnan di Pasco rond di Aruba. Awe WEB Aruba N.V. a inaugura e parke di luz dilanti WEB cu un Fantasia di Pasco, como tambe WEB a decora e rotonde di Kibaima
• Tambe, 4 fundacion a uni pa asina conscientisa pueblo riba e mihor manera con pa cuida e salud, specialmente riba e topico di tiponan di Cancer
• Ademas, Departamento di Cultura ta habri e Bentana Cultural cu varios episodio dedica na e 70 aña di nos escudo di Aruba y ta brinda esaki como materia educativo y informativo
• Y Den Internacional, Eleccion Crucial na Chile: Chilenonan ta prepara pa vota na momento cu e rumbo politico di e nacion ta keda defini memei di gran desafio y polaridad entre candidatonan

Telenoticia 13 November 2025

Den Telenoticia awe

• Baki den Bario lo tuma lugar diasabra awor na Centro di Bario Playa Pabou. Ademas Gobierno a pone iniciativa pa asina drecha e situacion di e caminda dilanti e centro di bario
• Ademas, Ban duna un man pa tene nos barionan limpi ta e meta tras di Accion di Bario cu awe a tuma lugar den Playa Pabou hunto cu Prome Minister, Parlamentarionan y departamentonan concerni
• Tambe, Prome cu manda un destaho publico internacionalmente pa e proyecto di "Agri Innovation Park", Agricultor preocupa ta pidi Minister di Sector Primario pa sondea na Aruba mes pa expertonan, specialmente riba tereno di "greenhouse
• Y Den Internacional, Despues di un paralisis gubernamental di 43 dia — e mas largo den historia di Merca— gobierno ta habri bek despues cu Presidente Donald Trump a firma e ley di financiamento pa restaura operacionnan, aunke e proseso pa bolbe na normalidad lo tuma tempo

Telenoticia 12 November 2025

Den Telenoticia awe

• Aruba ta celebra e apertura oficial di Carnaval 72 cu ritmo, color y union cultural, marcando e comienso di un temporada yena cu creatividad, alegria y orguyo nacional
• Ademas, Hoben turista di Canada a cumpli cu su soño cu ta bishita Pais Aruba, como tambe haya un recorido den Cocolishi pa conoce mas di cerca e trabou di Gobierno di Aruba
• Tambe, DVG ta lansa campaña nacional "Come Bon, Paga Menos” pa promove alimentacion saludabel, accesibel y pagabel pa henter comunidad di Aruba
• Ademas, Diseñdornan local y internacional y modelonan ta cla y prepara pa luci e ultimo grito di moda riba e pasarela di Aruba Fashion Week 2025
• Y Den Internacional, Gobierno di Maduro ta reforsa su forsa militar den tur skina di Venezuela, cu un demostracion di poder memei di tension creciente cu Merca. E movemento ta parte di un plan pa responde na loke e gobierno ta considera un “menasa imperialista” contra su soberania

Telenoticia 11 November 2025

Den Telenoticia awe:

• Mandatarionan di Aruba a tuma palabra den Parlamento y splica den placa chikito kico ta e Rijkswet HOFA y dicon ta sinti awor cu Aruba a wordo libera 8 luna pasa cu un gobierno nobo
• Ademas, Pa celebra 70 aniversario di Escudo di Aruba, Departamento di Cultura ta presenta proyecto educativo cu material pa enseñansa, pa fortalece conocimiento y orguyo nacional den e generacion nobo
• Tambe, WEB Aruba N.V. ta cla y prepara pa e apertura di e retonde di Kibaima, como tambe dilanti di WEB, pa asina celebra e temporada di fin di aña cu e tema: "Fantasia di Pasco"
• Y Den Internacional, Tragedia na India: Explosion di auto den un seccion historico di e capital a causa morto di por lo menos 10 persona. E lider nacional a compromete pa persigui esnan responsabel

Telenoticia 10 November 2025

Den Telenoticia awe:

• Prome Minister di Hulanda y Prome Minister di Aruba a anuncia cu Gobierno di Aruba lo desmantela completamente e ex-refineria Lago na San Nicolas y lo redestina e tereno pa desaroyo sostenibel y inclusivo
• Ademas, Sinterklaas ta yega Aruba hunto cu su Pietnan dia 16 di november. Ta preparando un actividad pa asina henter e pueblo por celebra un momento yena cu diversion, cultura y tradicion
• Tambe, E conferencia di innovacion di Aruba Bank tabata Un Dia di Inspiracion, caminda por a mira Visionarionan y Innovadornan, pa asina crea un mihor futuro hunto
• Ademas, Den cuadro di e 30 aniversario di EPB ta cende e mecha di carnaval cu coronacion di Sra Carnaval cu lo representa EPB den e eleccion di Sra Carnaval 2026
• Y Den Internacional, A cancela mas cu 3000 vuelo den fin di siman den aeropuertonan rond Merca y retrasonan ta sigui. Si e gobierno Mericano permanece cera, e situacion na e di mas cu 40 aeropuertonan ta sigui

Telenoticia 07 November 2025

Den Telenoticia awe:

• A duna inicio na e Caso di Ayden Lanoy den sala di Corte di Husticia. E cargonan contra e dos polisnan den caso ta intento di Homcidio y uso di arma reglamentario di polis contra un individuo
• Ademas, Gobierno di Aruba conhuntamente cu Aruba Tourism Authority a cuminsa monitoria e posibel efecto pa Aruba riba e reduccion di vuelonan den Merca, debi na e cierre di Gobierno Mericano
• Tambe, Muchanan di Colegio Hilario Angela ta yama bonbini na Chispito y N.V. Elmar hunto cu un presentacion oficial di autor di e buki "Zap Zap Zinggggg" 
• Ademas, Atletanan di diferente parti di mundo ta cla pa participa na e "Aruba Open Beach Tennis Championships" 2025 cu lo tuma lugar na Bushiri Beach
• Y Den Internacional, E estado di Belém Ta Sirbi Como Punto di Preparacion pa COP30, entre tanto Brasil Ta Reclamá cu mester pasonan concreto contra Cambio Climatico

Telenoticia 06 November 2025

Den Telenoticia awe:

• Aruba ta Reforsá Ensenansa y Cultura: Minister di Relacionnan den Reino, Educacion y Deporte ta firma acuerdo di colaboracion regional durante e "Vierlandenoverleg" cu a tuma lugar na Boneiro
• Ademas, Proyecto escolar ‘Choices matter, so do you’, ta lansa oficialmente den colaboracion cu Universidad di Aruba y diferente scol secundario. E ta un proyecto preventivo den cual Aruba a ricibi fondo pa combati criminalidad.
• Tambe, Den cuadro di e celebracion di Dia Internacional di Derecho di Mucha, 131 Aruba conhuntamente cu MetaCorp ta organisa ariba 20 di November "Get the Message" y asina celebra e 26 aña di existencia di number 131 
• Y Den Internacional, Segun fuente di discusionnan interno, e Federacion di Avion Mericano ta prepara pa reduci capacidad di avion den cuadro di e cierre di gobierno Mericano. E ta un medida cu por impacta aeropuertonan grandi manera Atlanta, Dallas, New York, Los Angeles, Miami y Orlando 

Telenoticia 05 November 2025

Den Telenoticia awe:

• Directie Buitenlandse Betrekking Aruba y European University Institute a organisa “EU Sanctions in Practice: Effectiveness, Judicial Review, and Compliance”
• Ademas, E grupo United Farmers Aruba a haya un amplio splicacion di parti di Minister di Sector Primario, tocante e proyecto den desaroyo Agri-Innovation Park 
• Tambe, En conneccion cu Dia Internacional di Mucha, SV Dakota ta cambia nan uniforma geel cu preto, pa colornan blau, pa asina crea conscientisacion riba e dia special aki 
• Ademas, Procedura no invasivo por yuda calma e sintomanan  si ta sufri di prostaat, manera ora ta bay baño cu frecuencia pa orina. Esaki den nos segmento di Salud
• Y Den Internacional, Gobernador di Kentucky ta declara estado di emergencia, despues di e tragedia di e avion di UPS cu a pasa na Muhamad Ali International Airport, caminda 9 persona e perde nan bida

Telenoticia 04 November 2025

Den Telenoticia awe:

• Despues di daño severo na Jamaica pa motibo di Horcan Melissa categoria 5, Gobierno di Aruba y Consulado di Jamaica na Aruba ta activa un plan humanitario conhunto bou di un "Memoramdum of Understanding" 
• Ademas, Proteccion di Futuro di Aruba: "CORVI Report" ta señala riesgo climatico creciente, y Gobierno ta reforsá Plan di Seguridad Economico, Comunitario y Ambiental pa Fortalesé Resiliencia Nacional. 
• Tambe, 10 compania tin e oportunidad di haya un guia profesional, pa asina por desaroya y optimalisa nan negoshi atraves di e "O'Stad Incubator 2025"
• Y Den Internacional, Temblor di 6.3 riba scala di Richter a sacudi Afganistan, lagando 27 morto atras y a destrui mas cu mil cas den e parti nood di e pais

Telenoticia 03 November 2025

Den Telenoticia awe:

• Porta pa Harmonia a habri su portanan den fin di siman situa na Semeleerstraat den e districto di Noord. E cas di musica lo brinda oportunidad na nos hobennan cu kier desaroya nan interes den musica
• Ademas, Gobierno di Aruba ta firma e descreto oficial, y ta otorga esaki na Stichting Maneho di Aruba su Carnaval, pa asina organisa tur detaye pa Aruba por celebra Carnaval 72 en grande 
• Tambe, Biblioteca Nacional Aruba hunto cu N.V. Elmar y Chispito ta inaugura Festival di Buki pa Mucha 2025 cu e mision pa promove e amor pa lesamento
• Ademas, Mas cu 300 mucha a participa na e Esmeralda "Neighborhood Spooktacular event", pa asina "Trick or Treat" y celebra Halloween cu tur famia cu e biba den e bario
• Y Den Internacional, Nuebe persona a sufri heridanan mortal na Inglatera despues di un atake cu machete riba un trein. Autoridadnan a aresta dos individuo y ta investigando e motibo di e incidente